Европа
(Од минута во минута) Бајден го предупреди кинескиот претседател, Путин одржа говор на стадион во Москва
Денес е 23-от ден од руската инвазија на Украина
Од минута во минута:
21:42 Поранешниот британски премиер со камиони превезува донации за бегалците
… into this – to fill a small lorry with everything from nappies to sanitary products, warm clothes to first aid kits. pic.twitter.com/Ql0b2MzuBE
— David Cameron (@David_Cameron) March 18, 2022
21:34 Украина: Денеска се евакуирани повеќе од 9.000 луѓе
Украинските власти соопштија дека 9145 нови луѓе побегнале од опколените градови преку хуманитарни коридори.
21:05 Снимка од уништувањето во Киев и Мариупол
Скај њуз објави нова снимка од Киев и Мариупол.
Ukraine war: What happened on day 23?
Mariupol is facing ‘apocalyptic’ destruction from shelling as Vladimir Putin hails Russian ‘special operation’ in Ukraine at a rally marking the anniversary of the 2014 annexation of Crimea.https://t.co/X3flQUBL0r pic.twitter.com/O1N8VzbgXx
— Sky News (@SkyNews) March 18, 2022
21:00 Бајден го предупредил кинескиот претседател: „Кина ќе претрпи последици ако ја поддржи Русија“
Американскиот претседател Џо Бајден изјави за Си-Ен-Ен дека неговиот разговор со кинескиот претседател Шји Џинпинг минал добро.
Според Белата куќа, во речиси двочасовниот телефонски разговор со кинескиот лидер, Бајден ги опишал импликациите и последиците што Кина ќе ги претрпи доколку и’ обезбеди материјална поддршка на Русија.
20:40 Пентагон: Русија направи низа погрешни чекори
Русија направи низа погрешни чекори во инвазијата на Украина, изјави американскиот министер за одбрана.
Во интервју за Си-Ен-Ен, Лојд Остин рече дека руските трупи не напредуваат толку брзо колку што сакаат и дека се борат со логистика.
20:20 Канада си пишуваше забелешки врз руско писмо, па го налути Кремљ: „Тоа е русофобна клевета“
Рускиот дипломат наведе дека пишува „во врска со итното прашање поврзано со ужасната хуманитарна ситуација во и околу Украина“. Канадската мисија додаде забелешка во тој дел: „која ја предизвикавме со нашата нелегална агресија“.
Thank you @RussiaUN for your letter dated March 16.
Please see our suggested edits below. #StandWithUkraine #RespectTheCharter pic.twitter.com/0M663R0tUW
— Canada Mission UN #StandWithUkraine ?? (@CanadaUN) March 17, 2022
19:41 Кина објави мапа: „Вака Западот го гледа светот“
Портпаролот на кинеското Министерство за надворешни работи, Џао Лиџијан, ја покажа својата визија за тоа како Западот го замислува концептот на „меѓународна заедница“.
Тој на „Твитер“ објави мапа на светот на која се прикажани земјите од Европската унија заедно со САД, Канада, Австралија и Јапонија, додека остатокот од планетата не постои, односно е покриен со вода.
„Општо прифатена вистина е дека кога Западот зборува за „меѓународната заедница“ – мисли на ова“, објави на Твитер портпаролот на кинеското Министерство за надворешни работи.
It is a truth universally acknowledged, that when the West talks about the “int’l community”, they mean: pic.twitter.com/RZNOwDymX2
— Lijian Zhao 赵立坚 (@zlj517) March 17, 2022
19:20 Џонсон: Уверен сум повеќе од било кога дека Путин ќе биде поразен
„Путин го потцени единството на Западот. Тој, исто така, ја потцени страсната посветеност на луѓето во оваа земја да помогнат. Ќе биде обезбедено повеќе оружје за помош на Украина против немилосрдното бомбардирање“.
18:52 Украински преговарач: Нашите ставови не се променети
Преговарачот од Киев, Михаил Подолњак, изјави дека Русија се обидува да „испровоцира тензија во медиумите“ и дека позицијата на Украина останува непроменета.
Реакцијата на Украина следи откако претходно московскиот преговарач Владимир Медински изјави дека двете страни се на половина пат да постигнат договор по прашањето за демилитаризацијата на Украина, а нивните ставови главно се во согласност со неутралноста на Украина и повлекувањето од НАТО.
18:33 Грција ќе го обнови породилиштето во Мариупол
Грчкиот премиер Киријакос Мицотакис изјави дека неговата земја е подготвена да ја обнови породилната болница во Мариупол, опколениот град во јужна Украина, кој беше бомбардиран пред неколку дена.
„Грција е подготвена да го обнови родилиштето во Мариупол, центарот на грчкото малцинство во Украина, град кој го сакаме и стана симбол на военото варварство“, напиша премиерот на Твитер.
18:30 Русија објави детали од преговорите и околу што најмногу се согласува со Украина
Москва и Киев се на половина пат од постигнувањето договор за прашањето за демилитаризација на Украина, а нивните позиции се најмногу усогласени за неутралноста на Украина и повлекувањето од членството во НАТО, изјави рускиот преговарач Владимир Медински, пренесува Интерфакс.
18:00 Словачка протера тројца руски дипломати
Словачка прогласи за „персона нон грата“ тројца руски дипломати и побара од нив да ја напуштат земјата во рок од 72 часа, соопшти словачкото Министерство за надворешни работи.
Протерани се тројца соработници во Руската амбасада поради, наводни активности што не се во согласност со Виенската конвенција за дипломатски односи, се наведува во соопштението на словачкото Министерство за надворешни работи.
17:19 Би-Би-Си: Некои луѓе беа принудени да дојдат на говорот на Путин
Еден човек кој работи во московското метро изјавил за Би-Би-Си дека тој и другите вработени биле принудени да дојдат на собирот. „Ќе бидам тука некое време, а потоа ќе заминам… Мислам дека повеќето луѓе овде не ја поддржуваат војната. Јас не“, рече тој.
Учениците со кои разговараше репортерот рекоа дека им бил даден слободен ден под услов да одат на собирот.
16:40 (Видео) Кремљ: Говорот на Путин беше прекинат поради техничка неисправност
Портпаролот на Кремљ Дмитриј Песков изјави дека ненадејниот прекин на преносот бил поради „техничка неисправност на серверот“, пренесе руската државна новинска агенција РИА.
Transmission of Putin’s speech suddenly cuts. Funny business with Russian TV. Kremlin can’t help itself. pic.twitter.com/VrT9SMOonO
— Kevin Rothrock (@KevinRothrock) March 18, 2022
16:00 Путин: Украинските цивили го славеа доаѓањето на руската армија
Рускиот претседател Владимир Путин го пофали единството на земјата за време на, како што рече, специјалната операција во Украина, додека денеска одржа јавен говор пред стадионот „Лужники“ во Москва.
„Земјата нема видено такво единство долго време“, рече Путин, обраќајќи им се на собраните.
15:43 Кинескиот претседател во разговорот со Бајден: Конфликтите не се во интерес на никого
Шји Џјинпинг посочил дека мирот и безбедноста се најценетите богатства на меѓународната заедница, пренесува „Ројтерс“.
Toj на американскиот колега му порачал дека односите меѓу државите не можат да влезат во фаза на конфронтација, објавија кинеските државни медиуми.
15:14 Путин пред преполн стадион во Москва ја откри главната цел на воената операција
Рускиот претседател Владимир Путин во обраќањето го честита празникот на Русија на стадионот „Лужники“ во Москва, каде што се одржува концерт за одбележување на годишнината од анексијата на Крим и Севастопол.
Во моментот додека тој зборуваше пред полниот стадион телевизискиот пренос беше прекинат.
Портпаролот на Кремљ, Дмитриј Песков, изјави дека имало дефект на серверот.
„Тоа беше технички проблем, веќе е потврдено со сигурност“, рече тој.
Here’s video of Putin suddenly vanishing mid-sentence. Where is he?! pic.twitter.com/c6VqE6GG3s
— max seddon (@maxseddon) March 18, 2022
14:52 Бајден и кинескиот претседател го започнаа разговорот
Започна видеосредбата меѓу Бајден и Шји Џјинпинг, потврди Белата куќа.
14:30 Норвешка го зајакнува военото присуство во близина на границата со Русија
Норвешката влада денеска објави дека годинава ќе додели дополнителни три милијарди круни (308 милиони евра) со цел да го зајакне своето воено присуство на далечниот север во близина на границата со Русија.
14:10 Светската програма за храна предупредува за прекин на синџирите на снабдување во Украина
Претставник на Светската програма за храна изјави дека синџирите за снабдување со храна во Украина се во неред, предупредувајќи дека дел од инфраструктурата е уништена и дека продавниците и магацините се празни.
14:00 Кремљ за разговорот меѓу Путин и Шолц: Тешко е да се нарече пријателски
Портпаролот на Кремљ, Дмитриј Песков, изјави дека денешниот телефонски разговор меѓу рускиот претседател Владимир Путин и германскиот канцелар Олаф Шолц „тешко дека може да се нарече пријателски“.
13.50 Зеленски – Фон Дер Лаен: Украина очекува напредок во апликацијата за пристап во ЕУ
Претседателот на Украина, Владимир Зеленски, денеска изјави дека разговарал со претседателката на Европската комисија (ЕК), Урсула фон дер Лајен и дека Украина очекува напредок во однос на апликацијата за влез во Европската унија во наредните месеци
13.40 Бугарија протера десет руски дипломати
Бугарија одлучи да протера десет руски дипломати откога беа обвинети за наводни „активности што не се во согласност со нивниот дипломатски статус“, пренесе агенцијата „Тас“
13:33 EУ подготвува петти пакет на санкции кон Русија
Украинскиот министер за надворешни работи на „Твитер“ напиша дека разговарал со потпретседателoт на Европската комисија, Жозеп Борел и дека се преговара за петти пакет на ЕУ санкции кон Русија.
Spoke to @JosepBorrellF. We discussed the preparation of the 5th EU sanctions package on Russia. Pressure will keep mounting as long as it is needed to stop Russian barbarism. We also discussed protection and help for Ukrainians who fled from Russian bombs to the EU.
— Dmytro Kuleba (@DmytroKuleba) March 18, 2022
12:32 Уништен е трговскиот центар во Мариупол
На социјалните мрежи се објавени видеа на кои се гледа целосно уништениот трговски центар во Мариупол.
Mariupol. Shopping center “PortCity”. Everything that the “Russian world” gets to turns into ruins. pic.twitter.com/sgtikMfBx5
— Промисловий Портал (@ua_industrial) March 18, 2022
12:30 Стотици луѓе се под театарот во Мариупол, спасувањето трае веќе два дена
Украинскиот пратеник Дмитриј Гурин во Мариупол изјави дека неговите родители се заробени во градот.
„Таму сè е во урнатини. Засолништето под театарот има три зони и не знаеме точно каква е состојбата во секоја зона. Се чини дека ниедна не е оштетена, но луѓето не можат да излезат бидејќи не може брзо да се расчисти областа поради постојаните напади. Ситуацијата е многу опасна“, изјави пратеникот.
12.20 Кремљ: Средбата Путин – Зеленски ќе зависи од модалитетите на договорот
Потенцијалната средба меѓу рускиот претседател Владимир Путин и неговиот украински колега Володомир Зеленски, со цел да се потпише договор за решавање на актуелната ситуација, ќе зависи од модалитетите на документот, кој допрва треба да се договори, изјави денеска портпаролот на рускиот претседател, Дмитриј Песков
12.15 Столтенберг: Ако Москва нападне сојузник, тоа ќе предизвика реакција на целото НАТО
Генералниот секретар на НАТО, Јенс Столтенберг вчера беше во посета на Германија, каде што се сретна со канцеларот на САД, Олаф Шолц, на разговори за војната во Украина и заедничкиот одговор на кризата
12.07 Разговорот меѓу Макрон и Путин закажан за вечерва
Претседателите на Русија и Франција, Владимир Путин и Емануел Макрон, ќе разговараат вечерва, соопшти портпаролот на Кремљ, Дмитриј Песков
12.05 Лавров предупредува: Секоја воена помош за Украина е цел на руската армија
Министерот за надворешни работи на Русија, Сергеј Лавров, изјави дека сите испораки што вклучуваат воена помош за Украина стануваат цел и на руската армија
12:04 Украинците тврдат дека убиле уште еден важен чиновник во руската војска
„Украинските војници го елиминираа командантот на 331. воздушно-десантен полк на руската армија, полковник Сергеј Сухарев.
Учествувал во битката кај Иловајск во 2014 година, каде што извршил воено злосторство. Конечниот суд набргу ќе ја објави својата пресуда“, се вели на твитер-профилот на украинската армија.
12.03 Путин го обвини Киев дека ги одолжува преговорите
Рускиот претседател Владимир Путин во телефонски разговор со германскиот канцелар Олаф Шолц го обвини Киев за одложување на мировните преговори.
12.00 Лавров: Никогаш нема да прифатиме свет во кој доминираат САД
Западот ќе ги заостри санкциите кон Русија, но Москва е навикната на тоа, изјави денеска рускиот министер за надворешни работи Сергеј Лавров
Руската новинарка Марина Овсијаникова, која протестира против војната додека пренесуваше вести на државната телевизија, поднесе оставка. Францускиот претседател Емануел Макрон ѝ понудил азил на почетокот на неделава, но таа одбила, пишува „Гардијан“
11.50 Кличко: Киев ќе претрпи иста количина бомби како Мариупол и Харков
Градоначалникот на Киев, Виталиј Кличко, рече дека очекува главниот град да се справи со истите постојани бомбардирања како во Мариупол и Харков, градови кои беа опколени од руските сили
11:40 Украинскa пратеничка: Путин сака да изгради империја каква што светот не видел досега
„Путин нема да застане во Украина. Неговите омилени новинари зборуваат за одење понатаму и за создавање ‘голема експлозија’ во Европа. Целта на Путин е да изгради руска империја поголема од сè што светот видел досега“, вели пратеничката Лесија Василенко.
10:53 (Видео) Кличко се јави од нападнатата населба: Повредени се и четири деца
Градоначалникот на Киев, Виталиј Кличко, утринава известуваше од местото на нападот во населбата Подил.
10:30 (Видео) Погодена зграда во Киев, едно лице загина
Едно лице загина, а четворица се повредени откако делови од руска ракета паднале врз станбена зграда во северниот дел на украинската престолнина, соопштија службите за брза интервенција.
10.10 Руските сили уништија 90 отсто од Мариупол
Руските војници веќе уништија 90 отсто од Мариупол и убиле илјадници жители на градот, објави Министерството за одбрана на Украина на Фејсбук
09.40 Зошто Лавов е толку важен во одбраната на Украина
Градоначалникот на Лавов, Андреј Садовиј, потврди дека е погодена една локација во близина на аеродромот во Лавов.
Украинскиот претседател Володимир Зеленски денеска изјави дека му е благодарен на американскиот претседател Џо Бајден за дополнителната воена помош, но не сакаше да прецизира што точно вклучува новиот пакет, бидејќи не сака да и открива информации на Русија
09.10 Украинските сили ја гранатираа болницата во Доњецк – повредени се три лица
Украински војници гранатираа болница во Доњецк, при што беа повредени двајца вработени во медицинска установа и еден цивил, соопшти штабот за територијална одбрана на Народната Република Доњецк
08.55 Зеленски до мајките на руските војници: Проверете дали вашите деца се живи
Во вечерашното обраќање до мајките на руските војници, претседателот на Украина Владимир Зеленски ги повика да проверат дали нивните деца се живи
08.50 Украинците Иван и Кристина избегаа од Мариупол: Тоа е град на смртта
Брачен пар од Мариупол во интервју за Sky News опиша, како што велат, болно бегство од градот.
08.40 Шефот на регионалната управа во Харков тврди: Русите киднапираа уште еден градоначалник
Шефот на регионалната управа во Харков, Олег Синиехубов (Олех Синиехубов) објави дека руските сили го фатиле градоначалникот на Голем Бурлат во областа Харков Виктор Терешченко, пренесува Си-Ен-Ен
08.35 Се очекува тензичен разговор меѓу Бајден и Џинпинг за Русија и Путин
Американскиот претседател Џо Бајден денеска ќе разговара со својот кинески колега за повеќе прашања, вклучувајќи ја и војната во Украина, соопшти Белата куќа
08.30 Блинкен: Путин не покажува знаци дека ќе престане
Во моментов, Русија и нејзиниот лидер Владимир Путин не покажуваат знаци дека сакаат да учествуваат во одговорни преговори и да стават крај на крвавата агресија на Русија против Украина, изјави во четвртокот вечерта американскиот државен секретар Ентони Блинкен
Група европски политичари апелираа до Нобеловиот комитет со иницијатива да се номинираат Володимир Зеленски и народот на Украина за Нобеловата награда за мир
08.10 Експлозии во Лавов – ракетиран аеродром
Тим на Си-Ен-Ен од Лавов утринава извести дека слушнале неколку експлозии низ градот. Наводно се слушнале четири силни експлозии
Тоа, рече Путин, може да се реши само преку разговор лице в лице со украинскиот претседател Зеленски, кој претходно изјави дека е подготвен да разговара со рускиот претседател.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Лукашенко: Неуспехот во потрагата по мир може да ескалира во глобален конфликт
Белорускиот претседател Александар Лукашенко повика на брза акција за прекин на конфликтот во Украина во интервју објавено во вторникот нагласувајќи дека САД мора да останат вклучени во дипломатските напори. Лукашенко е сојузник на рускиот претседател Владимир Путин и ѝ ја отстапи белоруската територија на Москва за инвазија на Украина во 2022 година.
„Сега многу работи зависат од ставот на Трамп и од САД. Најважно е Трамп да не отстапува од овој став“, изјави Лукашенко за американската телевизиска мрежа „Њузмакс“, а делови од интервјуто ги пренесе белоруската државна новинска агенција „Белта“.
„Доколку сè зависеше исклучиво од Трамп, војната ќе беше завршена одамна… Но ова е повеќестран процес и Трамп не може сам да го реши… Конфликтот мора да биде замрзнат од горе до долу. Кога луѓето ќе престанат да се убиваат едни со други, можете да седнете и да се договорите за што сакате“, рече белорускиот претседател.
Лукашенко рече дека неуспехот во потрагата по мир може да заврши лошо за Европа и целиот свет и да прерасне во некаков вид глобален конфликт.
Американскиот претседател ги предводи напорите за наоѓање решение за ставање крај на конфликтот. Првичниот американски мировен предлог, критикуван од многумина во Европа како премногу проруски, претрпе измени.
Американските и украинските претставници одржаа консултации за предложениот договор заедно со европските претставници за време на дводневните разговори во Берлин оваа недела.
Трамп изрази фрустрација и од Путин и од украинскиот претседател Володимир Зеленски поради континуираниот неуспех да се стави крај на речиси четиригодишната војна. Руските сили држат речиси 19 проценти од украинската територија и се обидуваат да воспостават целосна контрола врз источниот регион Донбас.
Европа
(Видео) Украинците нападнаа уште една рафинерија во Русија
Нафтена рафинерија во рускиот град Славјанск на Кубан во Краснодарската област беше потресена од силни експлозии синоќа. Се верува дека украинските сили ја нападнале со беспилотни летала. Речиси истовремено, непосредно пред полноќ, беше пријавен и напад со беспилотни летала во Саратовската област, објавува „Киев Индепендент“.
Славјанск на Кубан се наоѓа во јужна Русија, недалеку од Азовското и Црното Море, додека Саратовската област во својата најблиска точка е на околу 330 километри од североисточната украинска граница. Киев сè уште не ги коментирал нападите, а информациите сè уште не се независно потврдени.
Украина редовно извршува напади врз руската воена и енергетска инфраструктура со цел да ја ослабне борбената моќ на Москва во тековната војна. Бидејќи рускиот енергетски сектор директно ги финансира воените напори на Кремљ, Киев ги смета енергетските објекти за легитимни воени цели.
Овие напади следат по големиот напад на украинските сили врз руските воени и нафтени објекти на 14 декември, погодувајќи цели низ Русија и на окупираните територии, вклучувајќи го и Крим, како што објави Генералштабот на Украина. Само два дена претходно, на 12 декември, беше потврден и нападот врз рафинеријата „Славнефт-Јанос“ во Јарослављ, една од петте најголеми во Русија.
Во меѓувреме, гувернерот на Белгородската област, Вјачеслав Гладков, на 14 декември тврдеше дека украинскиот ракетен напад врз градот Белгород предизвикал „сериозна штета“ на локалната инфраструктура.
Европа
(Видео) Трамп: Искрено, Украина веќе изгуби територија
Американскиот претседател Доналд Трамп синоќа изјави дека договорот за завршување на војната во Украина е „поблиску од кога било“ откако Вашингтон му понуди на Киев безбедносни гаранции по моделот на НАТО. Трамп, исто така, изрази увереност дека Москва ќе прифати таков договор, објави „Ле Монд“.
Трамп откри дека имал „многу долги и многу добри“ разговори со својот украински колега Володимир Зеленски, како и со лидерите на НАТО и европските земји како што се Велика Британија, Франција и Германија.
„Се обидуваме да го разработиме тоа и мислам дека сега сме поблиску“, им рече Трамп на новинарите во Овалната соба. „Имавме бројни разговори со претседателот Путин на Русија и мислам дека сега сме поблиску од кога било досега, па ќе видиме што можеме да направиме“.
REPORTER: An Article 5-like deal seems to be emerging without NATO membership for Ukraine. If such a security guarantee is offered, what incentive is there for Ukraine to give up any sort of territory?
US PRESIDENT TRUMP: Well, they've already lost the territory, you know, to be… pic.twitter.com/99sx8a6f03
— Status-6 (Military & Conflict News) (@Archer83Able) December 15, 2025
На прашањето дали неодамна разговарал директно со Владимир Путин, Трамп одговори остро: „да, разговарав“, без да навлегува во детали.
Сепак, Трамп се чини дека сугерираше дека во замена за безбедносни гаранции, Украина ќе мора да се согласи да отстапи делови од источниот регион Донбас што сè уште се контролирани од Киев – можност што Зеленски претходно силно ја отфрли.
На прашањето каков поттик ќе има Украина за да се откаже од територија, Трамп одговори: „Па, искрено, тие веќе изгубија територија“.
Тој додаде дека Европа, која и покрај противењето на Русија повторно предложи испраќање мултинационални мировни сили, ќе биде „голем дел“ од секоја безбедносна гаранција.
Скопје меѓу најзагадените градови во светот, не сакаме огномет за Нова Година: Зелен хуман град со апел до скопските градоначалници
Активисти на граѓанската иницијатива Зелен хуман град со апел до сите скопски градоначалници да се откажат од огномет за Нова...
Обвинение за директорот на „Комунална хигиена Скопје“ поради преполните контејнери во главниот град
По спроведена истражна постапка, Основното јавно обвинителство Скопје поднесе Обвинителен акт против две лица, кои се товарат дека како соизвршители...
Поднесено обвинение за упадот во просториите на редакцијата на „Инфомакс“
Јавен обвинител ја заврши постапката за прибирање докази и до Основниот кривичен суд Скопје поднесе обвинение против едно лице за...
Грција со реакција на изјавата на Мицкоски: Името Северна Македонија е дел од Уставот
Грчкото Министерство за надворешни работи повтори дека Преспанскиот договор, со кој се реши деценискиот спор за името меѓу Атина и...
Лајен: Импресивен напредок на Албанија и Црна Гора, проширувањето на ЕУ, за прв пат по повеќе од десет години, стана реална можност
Потпретседателката на Европската комисија, Урсула фон дер Лајен, синоќа во Брисел изјави дека Албанија и Црна Гора постигнале импресивен напредок...
Трамп го критикуваше Бајден: Тој го остави хаосот, јас ја извлеков Америка од работ на пропаст
Во своето обраќање до нацијата во среда вечерта, американскиот претседател Доналд Трамп го критикуваше поранешниот американски претседател Џозеф Бајден за...
Минск е можно место за нова средба меѓу Путин и Трамп
Можна нова средба меѓу рускиот претседател Владимир Путин и американскиот претседател Доналд Трамп би можела да се одржи во Белорусија,...
Шефот на Европскиот совет: Западниот Балкан избира, да остане во минатото или европска иднина
Западен Балкан може да избере да остане заробен во минатото или да продолжи кон заедничка иднина во Европската Унија, изјави...
Арсовска не знаела дека треба да поднесе имотна состојба по престанокот на мандатот, ја обвини ДКСК за јавен линч
Поранешната градоначалничка на Град Скопје, Данела Арсовска, не знаела дека треба да поднесе имотна состојба по престанок на нејзиниот мандат...
Мицкоски: Поради вештачки причини ние сè уште не можеме да бидеме дел од европското семејство
Поради вештачки причини ние сè уште не можеме да бидеме дел од европското семејство, изјави премиерот, Христијан Мицкоски во Брисел....
(Видео) Кузеска: Фирма со тројца вработени добила 1,2 милион евра за два месеца
„Им благодариме на сите граѓани кои се приклучија и доставија информации и докуметни на нашата дигитална платформа за борба против...
Преку мобилна апликација секој ќе може да си провери дали има казна од „Безбеден град“, ќе се бележи историја на прекршоци за секого
Граѓаните што направиле некој од четирите прекршоци што ги регистрираат камерите на „Безбеден град“ и без да им стигне известување...
35 поранешни и 19 новоизбрани градоначалници не ја пријавиле имотната состојба, меѓу нив Ѓорѓиевски и Арсовска, соопшти Комисијата за спречување на корупцијата
Државната комисија за спречување на корупцијата, во согласност со член 17 од Законот за спречување на корупцијата и судирот на...
Орце продолжува со скандалозни назначувања, партиски кадар со криминално досие на чело на Зоолошката, велат од Левицата
Левицата предупредува дека најавите за ново раководство во Зоолошката градина во Скопје претставуваат уште еден алармантен пример за тоа како...
Куќен притвор и 24-часовен надзор за Љупчо Пецов-Ѓаволот, доставил документи за влошена здравствена состојба
Во текот на вчерашниот ден во Основниот кривичен суд Скопје пред судија на претходна постапка беше спроведен Љупчо Пецов-Ѓаволот, на...
Кривични пријави за измама и давање лажен исказ: изготвиле фактури иако знаеле дека договорите за превоз на ученици во Тетово биле истечени
СВР Тетово поднесе кривична пријава против М.З.(46) од Тетово и против правно лице –транспортно претпријатие од Тетово поради постоење основи...
Ја убиле со пиштол, телото ѝ го спуштиле во дупка и го запалиле: истрага против две лица за свирепо убиство на жена во гостиварско Неготино
Основното јавно обвинителство Гостивар донесе Наредба за спроведување истражна постапка против две лица осомничени дека извршиле кривично дело – Убиство...
„Дали Коцевски тактизира со оставката за да купи време и да се забошотат над 40 предмети за висока корупција за функционери од СДС и ДУИ“, прашува ВМРО-ДПМНЕ
„Љупчо Коцевски тактизираше дури и со сопствената оставка и одлучи да ги пресретне непријатните дискусии и вистината за неговото работење...
Трамп ја продолжи забраната за патување во САД за уште седум земји
Американскиот претседател Доналд Трамп вчера го прошири списокот на земји чии граѓани имаат забрана за патување во Соединетите Американски Држави,...
Терористот од Сиднеј обвинет за 59 кривични дела
24-годишниот Навид Акрам, кого полицијата го сомничи дека стои зад масакрот на плажата Бонди во Сиднеј, е обвинет за вкупно...
