Европа
(Од минута во минута) Гранатирана зграда во Одеса, во Киев повторно воведен полициски час
Денес е 26. ден од руската инвазија на Украина
Клучни настани
Украина рече „НЕ“ – Помина рокот за предавање на Мариупол
Денеска продолжуваат преговорите меѓу Русија и Украина
Кина нема да испрати воена помош за Русиjа
Зеленски сака преговори со Русија: Ерусалим е вистинското место за наоѓање мир
Од минута во минута:
21:10 Подољак: Воспоставен е некаков дијалог
По 26 дена војна, има одредени поместувања во мировните преговори, изјавил за Би-би-си, Михаил Подољак, еден од учесниците во разговорите од украинската страна.
Тој посочил дека упорноста на Украина ја принудила Русија да ја процени реалноста на посоодветен начин, што помогнало да се воспостави некој вид дијалог.
Украина не може да прифати никакви руски ултиматуми за запирање на војната, изјави украинскиот претседател Володимир Зеленски во интервју за украинската радио-телевизија.
„Украина не може да прифати никаков ултиматум од Русија. Првин ќе треба да не уништат сите, дури потоа ќе се исполнат нивните ултиматуми“, изјавил Зеленски.
20:10 Висок претставник на НАТО: Белорусија би можела да ѝ се придружи на Русија во нападите
Белорусија, близок сојузник на Русија, набргу може да ја нападне Украина. Во исто време Белорусија се подготвува да им дозволи на Русите да распоредат нуклеарно оружје на нејзина територија, изјави висок претставник на НАТО, според „Гардијан“.
19:35 Украинскиот министер за одбрана: „Русија ќе нападне други земји – запрете ја“
Русија спроведува државен тероризам во Украина и ќе продолжи да напаѓа други земји, изјави украинскиот министер за одбрана, Алексеј Резников.
Зборувајќи со британскиот министер за одбрана, Бен Валас, за време на посетата на Лондон, Резников рече дека се убиени 150 украински деца. Тој рече дека се уништени повеќе од 400 училишта и градинки и повеќе од 110 болници, јави Би-Би-Си.
19:10 Украинската вицепремиерка: „Зад нападот на Мариупол се крие лична одмазда на Путин“
Украинската вицепремиерка Ирина Верешчук изјави дека зад нападот на Мариупол стојат личните причини на рускиот претседател Владимир Путин бидејќи, како што вели таа, не успеал да го заземе тој град во 2014 година во времето кога Русија го анектира Крим.
18:00 САД за хиперсоничните ракети: Русија сака да испрати порака до Западот
Соединетите Американски Држави не можат самостојно да ги потврдат или побијат тврдењата на Русија дека истрелале хиперсонични ракети кон украинска цел, но, од воена гледна точка, употребата на такво оружје нема смисла, изјави претставник на американското Министерство за одбрана.
17:40 Украинска агенција: Мерачите за радијација околу централата во Чернобил престанаа да работат
Мерачите за радијација околу нуклеарната централа во Чернобил престанаа да работат, соопшти денеска Украинската агенција за нуклеарна енергија.
Агенцијата наведува и дека во тој регион нема повеќе пожарникари кои би можеле да ги заштитат шумите, озрачени поради децениската радиоактивност, во време кога температурата на воздухот расте.
16:47 (Видео) Објавена снимка од нападот врз трговскиот центар во Киев
Руското Министерство за одбрана објави снимка од нападот со наведувана ракета врз трговскиот центар во Киев.
⚡️The video from a security camera of the Retroville shopping mall in Kyiv allegedly shows the recent attack in the capital's Podil district.
Video: Proof of war in Ukraine/Telegram pic.twitter.com/6vTiQKhXOW
— The Kyiv Independent (@KyivIndependent) March 20, 2022
16:40 Москва одговори на навредата на Бајден кон Путин
На американскиот амбасадор во Русија Џон Саливан му беше врачена протестна нота поради неодамнешните „неприфатливи изјави на шефот на кабинетот на Белата куќа“ Џозеф Бајден.
Според Министерството за надворешни работи на Русија, Саливан бил поканет во министерството и му бил врачен демарш.
14:00 Зеленски на телевизија им пушти звук на сирена за тревога на Германците
Украинскиот претседател Володимир Зеленски апелираше до Германија да го спаси Киев. Тој им се обрати на Германците преку телевизија.
„ Киев порано го нарекуваа ‘новиот Берлин’, тоа се градови со сличен дух, отвореност, емоции, слобода, искреност на луѓето. Сега Киев е затворен. Тој тивко чека нови сирени за воздушен напад за да ги принуди луѓето во засолништа“, рече Зеленски.
13:54 Поранешен командант на КФОР: Не можам да ја исклучам можноста за Трета светска војна
Поранешниот командант на КФОР Мајкл Џексон, кој беше првиот командант на трупите на Северноатлантската алијанса во 1999 година, не ја исклучи можноста конфликтот во Украина да предизвика Трета светска војна.
Џексон, поранешен шеф на британската армија, нагласи дека руската окупација на Украина го донела светот на „неистражена територија“.
13:01 Руската ФСБ бара моментална забрана на „Фејсбук“ и „Инстаграм“
Руската служба за безбедност (ФСБ) денеска побара моментална забрана на американските социјални мрежи „Фејсбук“ и „Инстаграм“, на првиот ден од судењето за екстремизам, додека репресијата врз медиумите се интензивира по инвазијата на Украина.
13.30 Британците објавија мапа на руските напади
Министерството за одбрана на Велика Британија објави нова карта на руски напади.
13:07 Децата бегалци од Украина се во опасност да станат жртви на трговија со луѓе
Украина има голем број сирачиња и деца родени од сурогат мајки кои не биле прифатени од нивните родители, а тоа го зголемува ризикот тие да бидат киднапирани или да станат жртви на принудно посвојување, рече еврокомесарот.
„Постои огромен ризик ранливите деца да бидат жртви на трговија со луѓе“, нагласи Јохансон.
The illegal and unprovoked invasion of Ukraine is continuing.
The map below is the latest Defence Intelligence update on the situation in Ukraine – 21 March 2022.
Find out more about the UK government's response: https://t.co/Prk4ZK2B6u
?? #StandWithUkraine ?? pic.twitter.com/IkAsvZh5dJ
— Ministry of Defence ?? (@DefenceHQ) March 21, 2022
13.00 Британскиот министер за здравство: Путин е компулсивен лажго
Рускиот претседател Владимир Путин е компулсивен лажго, изјави британскиот министер за здравство
12.50 Друзенко: Наредив да се кастрираат руските затвореници – тие се бубашваби, а не луѓе
Сите руски војници кои ќе бидат заробени од украинската доброволна медицинска единица ќе бидат кастрирани, изјави командантот на тој оддел Генадиј Друзенко на националната телевизија „Украина 24“
12:36 Руската државна телевизија за протестот на својата уредничка: Таа е британски шпион
Руската државна телевизија конечно се огласи за протестот кој го организира во етерот сега веќе поранешната уредничка на таа телевизија, Марина Овсјаникова.
Шефот на одделот за вести на руската државна телевизија, Кирил Клејонов, ја обвини дека го сторила тоа бидејќи била британски шпион.
Channel One has finally responded to Marina Ovsyannikova’s on-air protest.
Kirill Kleimyonov, head of the news division, accuses her of being a British spy.
He said she has “betrayed [her] country and all of us … coldly, duplicitously, for a bonus.”
— max seddon (@maxseddon) March 21, 2022
12.33 Прв напад на Одеса – гранатирана станбена зграда, избувна пожар
Градските власти на Одеса денеска ги обвинија руските сили дека утринава извршиле напад врз станбени згради во предградијата, што е прв таков напад во ова пристаниште на Црното Море, јавува Ројтерс
12.30 Капетан од Националната гарда во Мариупол: Бомби паѓаат на секои 10 минути
Мариупол беше под дополнително силно бомбардирање во текот на ноќта, изјави украински офицер во градот
Баербок: Русија намерно бомбардира болници и друга цивилна инфраструктура во Украина
Шефот на германската дипломатија Аналена Баербок ја обвини Русија за воени злосторства во Украина и најави дека Европската унија ќе и обезбеди на украинската армија оружје во вредност од една милијарда евра за да и помогне да се брани
12.20 По страшниот напад – во Киев од вечерва повторно полициски час, ќе трае до среда наутро
Градоначалникот на Киев, Виталиј Кличко, најави нов полициски час во главниот град на Украина, кој ќе трае до среда наутро
12.15 Зеленски: Политичарите се под притисок да ја направат Украина дел од ЕУ
Претседателот на Украина Володимир Зеленски повторно се обрати преку својот официјален фејсбук-профил.
12.10 Предупредување од Кремљ:
Европа ќе биде тешко погодена
Официјална Москва денеска предупреди дека Европа ќе биде силно погодена во случај на ембарго на руската нафта, бидејќи тоа ќе го наруши енергетскиот биланс на континентот.
Неодамна беше објавено видео од две украински деца кои влегуваат на првиот час во италијанско училиште
12.00 Борел: Рускиот напад на Мариупол е масовно воено злосторство
Високиот претставник за надворешна политика и безбедност на ЕУ, го осуди рускиот напад врз украинскиот пристанишен град Мариупол, нарекувајќи го „масовно воено злосторство“ додека блокот разговараше за воведување дополнителни санкции кон Москва
11.55 Русија загуби 15.000 војници, 97 авиони, 121 хеликоптер
Независниот весник Киев објави индикативни проценки за загубите на Русија од 21 март, според Вооружените сили на Украина
11.50 Украински пратеник: Русите сакаат да го изгладнат Мариупол и да го принудат да се предаде
Дмитро Гурин, украински пратеник по потекло од Мариупол, за Би-Би-Си изјави дека верува оти Русија се обидува да го натера градот да се предаде
11:46 Каспаров: Ме нарекоа поттикнувач кога во 2014 година реков дека Путин нема да застане на Крим
Поранешниот светски шампион во шах Гери Каспаров на Твитер ги критикуваше западните сили и НАТО за нивниот однос кон руската инвазија на Украина. Тој го обвини Западот дека веќе ја предава Украина на Русија и повика на посилна помош за нападнатата земја.
Познатиот шаховски велемајстор, продемократски активист и еден од лидерите на руската опозиција, претходно повика на посилна интервенција на членките на НАТО, се залагаше за изнаоѓање замена за рускиот гас и ги предупреди сојузниците на Путин во САД и Европа.
I was called a warmonger in 2014 when I said Putin would not stop with Crimea & E Ukraine. Now everyone admits that I was right, but wants to repeat the same mistake now. Letting Putin destroy Ukraine *increases* the threat of a greater conflict, including nuclear.
— Garry Kasparov (@Kasparov63) March 21, 2022
11:11 Полски хостел прима луѓе од различни националности од Украина
Низ скромна улица на периферијата на Варшава, меѓу многу магацини, се наоѓа хостел за бегалци од различни националности кои избегале од воена Украина, пишува „Гардијан“. На влезот во ходникот е поставен плакат со пораки од авганистанските бегалци. На еден од нив пишува – „Благодарам Полска“.
„Луѓето не мислат дека има неукраински бегалци од Украина и сигурно има луѓе кои се плашат. Затоа е создаден овој хостел, бидејќи не можевме да нагостиме луѓе на друго место. Овде го имаме целиот свет“, рече Маријана Осолинска, која го води хостелот.
11:15 Италија ќе ги смести украинските бегалци во запленетите мафијашки имоти
Италија планира да смести стотици илјади луѓе кои бегаат од руската инвазија на Украина на поранешните мафијашки имоти. Само во 2021 година Италија заплени имот во вредност од 1,9 милијарди евра што им припаѓа на членовите на мафијата.
Поради огромниот број украински бегалци, Италија нашла начин да искористи дел од тој конфискуван имот, пишува порталот „Тајм аут“.
Повеќе од 17.000 Украинци пристигнале во Италија од почетокот на конфликтот, а се очекува да пристигнат и повеќе.
11:30 Руски сепаратист: Мариупол би можел да падне за една недела
Лидерот на прорускиот сепаратистички регион Доњецк изјави дека на руската армија ќе ѝ треба „една недела или повеќе“ за да го освои Мариупол, пренесува агенцијата ИФАКС.
Падот на Мариупол ќе овозможи спојување на руските сили од југот и истокот на Украина и формирање на коридор меѓу регионите Доњецк, Луганск и Крим, кои веќе се под руска контрола.
11:04 Кремљ: Нема основа за сoстанок помеѓу Путин и Зеленски
Портпаролот на рускиот претседател Владимир Путин одржа прес-конференција.
Дмитриј Песков рече дека „државите кои имаат влијание врз Киев треба да го искористат тоа влијание за да ја направат Украина поконструктивна во мировните преговори“, рече Песков, додавајќи дека „разговорите со Украина не напредуваат толку колку што сака Русија“.
„Русија прави напори да ги забрза преговорите“, рече тој додавајќи дека „нема основа за можна средба меѓу рускиот претседател Владимир Путин и украинскиот лидер Владимир Зеленски.
10:02 Украинци: Руска граната погоди резервоар со 50 тони амонијак
Пристигнуваат нови информации за истекување амонијак од хемиска фабрика во близина на градот Суми. Како што се наведува, истекувањето на амонијакот е отстрането, а сега пристигнуваат нови информации за тоа што довело до истекување на тој опасен гас.
Украинските власти соопштија дека резервоарот со 50 тони отровен гас бил оштетен кога фабриката „Сумихимпром“ била погодена од руска граната. Ударот на граната создаде облак од амонијак.
10:00 Британски генерал предупредува: Одеса е следната цел
Британскиот генерал Ричард Баронс во интервју за Би-би-си предвиде што очекува од воената стратегија на Русија во наредните денови.
„Очекувам Русите да продолжат да ја напаѓаат украинската армија во внатрешноста на земјата. Ќе удрат по нивните линии за снабдување, логистика и воздушни бази, како и војниците кои се спротивставуваат на инвазијата. Тогаш тие ќе продолжат да се борат во градовите и територијата за која мислат дека им припаѓа“, рече Баронс.
9:45 По предупредувањето од Бајден, Кина испраќа помош за Украина
Кинеското Министерство за надворешни работи соопшти дека нивниот Црвен крст ќе испрати дополнителни 10 милиони јуани (околу 1,4 милиони евра) хуманитарна помош за Украина
9:30 Мила Кунис и Ештон Качер собраа 35 милиони долари за Украина – Зеленски разговараше со нив
Мила Кунис и Ештон Качер разговараа со украинскиот претседател Володимир Зеленски, кој им се заблагодари за собраните пари
9:20 Михаило Подољак: Повеќе од 3 милиони Украинци беа принудени да заминат во европските земји
Советникот на украинскиот претседател Михаило Подољак денеска изјави дека повеќе од 3 милиони Украинци биле принудени да заминат во европските земји
9:10 Најмалку шест лица загинаа во напад на трговски центар во Киев
Неколку минути по полноќ по локално време Киев се тресеше од детонацијата. Многу надзорни камери го забележаа моментот кога руски ракети ја поплавија населбата Подловски, а локалното население на социјалните мрежи веднаш откри која била целта на рускиот напад
9:00 Европската Унија подготвува нова рунда санкции против Русија
Европската унија работи на петтиот пакет санкции против Русија поради ситуацијата околу Украина, соопштија денеска дипломатски извори
8:50 Жителите на окупираниот Херсон ги принудија руските камиони да се повлечат
Жителите на украинскиот Херсон, град окупиран од руската војска, им го попречија патот на руските воени камиони со ознака „З“ на улиците на градот и ги принудија да се свртат
Иако голем број градови во Украина беа погодени од војната, ситуацијата во пристанишниот град Мариупол може да се смета за најтешка ако се земе предвид фактот дека руската армија со недели целосно го блокира ова место
8:40 Денеска продолжуваат преговорите меѓу Русија и Украина
Претставниците на Украина и Русија треба да се сретнат утрово во нова рунда преговори, неколку часа откако Киев го отфрли ултиматумот на Москва да го предаде опколениот Мариупол
8:35 Кина нема да испрати воена помош за Русија: Повикуваме на итен прекин на огнот
Кинескиот амбасадор во САД, рече дека неговата земја нема намера да обезбеди каква било воена или финансиска поддршка за Русија за време на војната во Украина
8:30 Шефот на регионалната администрација: Русија го напаѓа полигонот во Ривне
Русија истрела две ракети на воен полигон во Ривне, во западна Украина, изјави шефот на регионалната администрација Виталиј Ковал, пишува Би-би-си
8:25 Британците објавија нови податоци: Тешките борби продолжуваат северно од Киев
Министерството за одбрана на Обединетото Кралство го објави најновиот извештај на одбранбените разузнавачки служби за ситуацијата во Украина – 21 март 2022 година.
8:20 На украинските војници и кучињата им помагаат да ја одбранат земјата
Некста објави фотографии од украинските војници и нивните крзнени пријатели за кои се вели дека ѝ помагаат на украинската гранична полиција да ја одбрани земјата.
8:10 Зеленски сака преговори со Русија: Ерусалим е вистинското место за наоѓање мир
Украинскиот претседател Володимир Зеленски во синоќешното обраќање рече, меѓу другото, дека Израел прави напори да посредува меѓу Украина и Русија и дека во таа земја може да се одржат идни мировни преговори на високо ниво
8:00 Украина рече „НЕ“ – Помина рокот за предавање на Мариупол
Украина денеска ги отфрли руските повици да го предаде пристанишниот град Мариупол, каде што жителите се опколени и оставени со малку храна, вода и струја во хуманитарна криза што го зголемува притисокот врз европските лидери да ги заострат санкциите кон Москва
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Украина бесна на шефот на ФИФА: „Морален дегенерик, овој срам потсетува на 1936 година“
Украинскиот министер за надворешни работи, Андриј Сибиха, остро го критикуваше претседателот на ФИФА, Џани Инфантино, кој го поддржа укинувањето на забраната за Русија од меѓународните фудбалски натпреварувања. ФИФА ја суспендираше Русија од сите нејзини натпреварувања во 2022 година, по почетокот на целосната инвазија на Украина.
Инфантино изјави за британскиот „Скај спортс“ дека ФИФА треба да ја укине забраната за Русија, особено во помладите возрасни категории.
„Мораме. Апсолутно. Оваа забрана не постигна ништо, само создаде поголема фрустрација и омраза“, рече Инфантино.
„Дозволувањето на момчињата и девојчињата од Русија да играат фудбал во други делови од Европа би можело да помогне. Ова е нешто што мора да го направиме, апсолутно, барем во помладите категории.“
Во одговор на социјалните медиуми, Сибиха го отфрли таквото размислување, потсетувајќи се на стотиците млади Украинци кои ги загубија животите во агресивната војна на Русија.
679 Ukrainian girls and boys will never be able to play football — Russia killed them.
And it keeps killing more while moral degenerates suggest lifting bans, despite Russia’s failure to end its war.
Future generations will view this as a shame reminiscent of the 1936 Olympics. pic.twitter.com/elakyRgeIZ
— Andrii Sybiha 🇺🇦 (@andrii_sybiha) February 2, 2026
„Шестотини седумдесет и девет украински девојчиња и момчиња никогаш нема да можат да играат фудбал – Русија ги уби“, напиша тој на Икс. „И продолжува да убива, додека моралните дегенерици предлагаат укинување на забраната иако Русија не ја запира својата војна. Идните генерации ќе го сметаат ова за срам што потсетува на Олимписките игри во 1936 година.“
Овие Игри беа запаметени како голем историски срам бидејќи беа користени како глобална пропагандна сцена од страна на режимот на Адолф Хитлер – додека бруталната репресија, прогонот на Евреите и подготовките за војна веќе беа во тек во позадина, меѓународната спортска заедница одлучи да „замижи“ и да го нормализира учеството на Германија.
Европа
(Видео) Масовен напад врз Киев, експлозии низ градот
Руските сили испукаа ракети врз украинскиот главен град Киев во раните утрински часови, соопштија официјални лица, со првични извештаи за штети на станбени згради и други објекти.
Службениците, исто така, објавија дека руските воздушни напади се случиле во други украински региони, вклучувајќи го и Харков, вториот по големина град во земјата, каде што регионалниот гувернер рече дека две лица се повредени. Во Киев, сведоци на Ројтерс слушнале силни експлозии по полноќ и рекле дека биле користени и ракети и дронови.
Тимур Ткаченко, началник на воената администрација на градот, изјави на Телеграм дека неколку станбени згради, образовна институција и деловна зграда се оштетени во областите источно од реката Днепар.
Little after midnight, the russian degenerates massively attacked Kyiv (several other cities as well 😡)! It is reported that there are civilian casualties and that residential buildings were hit! 😡! @IntlCrimCourt #RussiaIsANaziState pic.twitter.com/5TKrk0GoTW
— Clown (@DanaSLJL) February 3, 2026
Градоначалникот на Киев, Виталиј Кличко, изјави дека зграда на градинка се запалила, а нестанбена зграда е погодена во источните делови на градот.
Воздушниот напад останал на сила повеќе од два часа откако бил прогласен. Видеата објавени на социјалните медиуми покажуваат стан на горните катови од станбена зграда во Киев во пламен.
Russians attacked a residential building in Kyiv.
Video by Dobrosonov for Telegraf. pic.twitter.com/tLjKy6HLYa
— Oriannalyla 🇺🇦 (@Lyla_lilas) February 3, 2026
Градоначалникот на Харков, Игор Терехов, пријави серија напади со дронови и ракети. Јавниот сервис „Суспилне“ објави серија експлозии во југоисточниот град Днепар и во Суми, во близина на руската граница.
Европа
Медведев: Можен е глобален конфликт, ситуацијата е многу опасна
Заменик-претседателот на Советот за безбедност на Русија, Дмитриј Медведев, изјави дека светот станува многу опасно место, но дека Русија не сака глобален конфликт. Руската инвазија на Украина во 2022 година предизвика најголема конфронтација меѓу Москва и Западот од врвот на Студената војна, иако претставниците на американскиот претседател Доналд Трамп во моментов се обидуваат да преговараат за крај на војната со Русија и Украина, објави Ројтерс.
Медведев го пофали Трамп и рече дека е охрабрувачки што контактите со Вашингтон се обновени. Сепак, Медведев, кој во минатото даваше остри изјави до Киев и западните сили, и предупредуваше на ризикот од ескалација на војната во нуклеарна „апокалипса“, рече дека Западот постојано ги игнорирал руските интереси.
„Ситуацијата е многу опасна“, рече Медведев во интервју за Ројтерс, ТАСС и рускиот воен блогер ВарГонзо во неговата резиденција во близина на Москва. „Се чини дека прагот на болка се намалува“.
„Не сме заинтересирани за глобален конфликт. Не сме луди“, рече Медведев, кој беше претседател на Русија од 2008 до 2012 година. „Но, не може да се исклучи глобален конфликт“.
Претседателот Владимир Путин го има последниот збор за руската политика, но странските дипломати веруваат дека Медведев, сега истакнат јастреб, дава увид во размислувањето на тврдокорните во рамките на руската елита. Во просторијата каде што се одвивало интервјуто, имало карикатура на која Медведев насочува автоматска пушка кон европските лидери.
И Путин и Трамп ги споменаа ризиците од ескалација околу Украина, иако европските дипломати веруваат дека Москва вешто ја искористила картата за да ги заплаши сојузниците на Украина од премногу вклучување во војната.
„Тие велат: ‘Нем, Русите измислуваат сè, шират паника и никогаш нема да направат ништо“, рече Медведев, додавајќи дека она што Кремљ го нарекува „специјална воена операција“ во Украина покажува дека Русија ќе се залага за своите интереси.
Украина и нејзините европски сојузници ја гледаат војната, најсмртоносната во Европа од Втората светска војна, како империјалистичко присвојување на територија. Тие тврдат дека ако Русија ја добие Украина, еден ден ќе го нападне НАТО, тврдење што Русија го отфрла како бесмислено. Конфликтот избувна во источна Украина во 2014 година откако прорускиот претседател беше соборен во револуцијата на Мајдан. Русија потоа го анектираше Крим, а сепаратистите поддржани од Москва почнаа да се борат против украинските сили.
Запрашан за низа глобални настани во јануари, вклучувајќи ги и оние во Венецуела и околу Гренланд, Медведев рече дека тоа е едноставно „премногу“. Коментирајќи го венецуелскиот претседател Николас Мадуро, руски сојузник, Медведев рече дека САД сигурно би го сметале за чин на војна ако Трамп биде „киднапиран“ од странска сила.
Тој, исто така, ги отфрли западните тврдења за руска или кинеска закана за Гренланд како лажни „хорор приказни“ измислени од западните лидери за да ги оправдаат сопствените постапки.
Украина бесна на шефот на ФИФА: „Морален дегенерик, овој срам потсетува на 1936 година“
Украинскиот министер за надворешни работи, Андриј Сибиха, остро го критикуваше претседателот на ФИФА, Џани Инфантино, кој го поддржа укинувањето на...
Клинтонови сепак ќе сведочат за Епстин
Поранешниот американски претседател Бил Клинтон и демократската претседателска кандидатка од 2016 година, Хилари Клинтон, ќе сведочат во конгресната истрага за...
(Видео) Масовен напад врз Киев, експлозии низ градот
Руските сили испукаа ракети врз украинскиот главен град Киев во раните утрински часови, соопштија официјални лица, со првични извештаи за...
Во пораки од 2018 година пишува дека Епстин платил 5.000 долари за 23-годишна Русинка
Во најновата серија досиеја на Епстин е објавена преписка која што се чини дека е серија текстуални пораки разменети помеѓу...
Трамп: Го замолив Путин да не ја напаѓа Украина една недела, тој се согласи
Американскиот претседател Доналд Трамп изјави дека рускиот претседател Владимир Путин се согласил на еднонеделна пауза во ракетните напади врз Украина...
Нормализиран сообраќајот на експресниот пат Кочани-Штип
Од 23:25 часот, вчера вечер сообраќајот на експресниот пат Кочани-Штип целосно е нормализиран, извести АМСМ. Претходно, од 19:10 часот, поради...
„Сè беше легално и со дозволи“: како Македонија учествувала во проектот со мозоци што беше споменат во документите за Епстин
Македонија била вклучена во меѓународен научен проект кој се споменува во документите поврзани со починатиот американски милијардер Џефри Епстин,пишува Дојче...
Вратата кај бината во „Пулс“ служела да излезат малолетниците во случај на полициска рација, сведочи 25-годишниот Петар Марковски
На денешното рочиште за пожарот во кочански „Пулс“ во кој загинаа 63 лица, а над 200 беа повредени, 25-годишниот Петар...
Над 45 милиони денари вратени во државниот буџет; Фетаи: Конфискацијата на нелегално стекнатиот имот дава конкретни и мерливи резултати
Денес се одржа првиот конститутивен состанок на Националниот совет за финансиски истраги и конфискација на имот, со што официјално започна...
Тројца експерти од странство во составот на комисијата за истражување на кардиолошките и кардиохируршките операции, соопшти Министерството за здравство
Странската комисија за истражување на кардиолошките и кардиохируршките операции ја сочинуваат тројца врвни експерти од областа, соопштија од Министерството за...
Нудел 50.000 евра мито за пари од ИПАРД програмата: поднесено обвинение против повеќе лица
По спроведена истражна постапка, јавен обвинител од ОЈО ГОКК денеска до Основниот кривичен суд Скопје поднесе Обвинителен акт против едно...
Од полноќ нови цени на горивата
Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука...
Не знаеме кого Трендафилов чекал во празна сала, средбата помеѓу премиерот Мицкоски и претставниците на УПОЗ е закажана за во четврток, велат од Владата
Владата, како што соопштија од таму, најостро реагира на обидите за создавање лажна слика за социјалниот дијалог, а во врска...
Владин претставник не дојде во ССМ за зголемување на минималецот: Бегаат од одговорноста како што бегаа цела 2025 година, вели Трендафилов
Со објава на социјалните мрежи утрово претседателот на Сојузот на синдикати на Македонија (ССМ), Слободан Трендафилов извести дека владин претставник...
(Видео) Идентификувани агентите кои го убија Алекс Прети
Владини документи ги открија идентитетите на двајцата федерални полицајци кои го застрелаа и убија Алекс Прети во Минеаполис. Станува збор...
(Видео) Зимската бура во САД не се смирува: стотици илјади луѓе без струја, откажани летови
Тешките зимски услови ги нарушија транспортните и енергетските системи низ САД, приземјувајќи повеќе од 1.200 авиони и оставајќи десетици илјади...
(Видео) Американските ѕвезди на Греми наградите му испратија порака на Трамп: „Ние не сме животни, ICE надвор“
Музичарот од Порторико, Бед Бани, повика на „исфрлање“ на американската Служба за имиграција и царина (ICE) додека ја примаше наградата...
Премиерката Такаичи би можела да оствари убедлива победа на изборите во Јапонија
Партијата на јапонската премиерка Санае Такаичи веројатно ќе обезбеди убедлива победа на изборите за долниот дом на парламентот следната недела,...
Иранскиот демонстрант Ерфан Солтани ослободен со кауција
Иранскиот демонстрант Ерфан Солтани, кој беше уапсен за време на антивладините протести и се стравуваше дека ќе биде осуден на...
Трамп: Мислам дека ќе постигнеме договор со Куба
Американскиот претседател Доналд Трамп изјави дека САД се во дијалог со кубанските власти што би можел да доведе до договор,...
