Спорт
Ал-Хелаифи сака финалето на ЛШ да наликува на НФЛ Суперболот
Претседателот на Пари Сен-Жермен и на Европската асоцијација на клубови (ЕЦА), Насер Ал-Хелаифи вели дека Лигата на шампионите мора да воведе нешто налик на „свечено отварање“ на финалето во стилот на НФЛ Суперболот бидејќи не сфаќа како американскиот спектакл изгледа поголем од европскиот фубалски спектакл.
Суперболот подолго време претставува не само кулминација на сезоната во американскиот фудбал, туку и една голем забава со музички ѕвезди како Доктор Дре, Снуп Дог и Еминем на овогодишното издание. Финалињата на ЛШ носат помал спектакл за гледачите и во интервју за „Атлетик“, Ал-Хелаифи вели дека тоа го фрустрира.
„Финалето на ЛШ мора да биде поголемо. Не можам да сфатам како Суперболот може да изгледа поголем од финалето на Лигата на шампионите. Суперболот, но и САД севкупно, имаат таков систем на креативност и забава. Тоа го предложувам и тука во Европа, да се има церемонија на отварање на Лигата на шампионите, за менувае на статус кво ситуацијата. Секој меч треба да е настан и забава“, вели Ал-Хелаифи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Црногорскиот Суарез казнет со осум натпревари поради гризење на ривалот
Дисциплинската комисија задолжена за Чемпионшип ја донесе одлуката по инцидентот што се случи на натпреварот помеѓу Престон и Блекбурн, кога репрезентативецот на Црна Гора, Милутин Осмајиќ го гризна противничкиот играч.
„Осмајиќ ќе мора да паузира осум натпревари, ќе мора да плати 15 илјади фунти“, објави „Скај Спортс“
Казната можеше да биде далеку, пострига, но олеснителна околност претставува тоа што Осмајиќ беше тоа што ја прифати тужбата и изрази каење за инцидентот.
Од клубот најавија дека ќе разговараат со поранешниот фубалер на Сутјеска од Никшиќ.
Во меѓувреме, додека ќе паузира од натпреварите во англиското првенство, Осмајиќ го очекуваат дуелите со црногорската репрезентација во Б дивизијата од Лигата на нации против Турција и Велс на гостински терен.
Genuinely bizarre this. Assume Osmajic will face further action but not 100% sure he can having been booked for the incident. pic.twitter.com/moO0R5ifn8 https://t.co/Va1pmsXBp3
— Jack Lusby (@LusbyJack) September 22, 2024
Спорт
Вучиќ: Се срамам кога играчите на Звезда губат со 4:0, а велат…
Претседателот на Србија Александар Вучиќ при своето обраќање до медиумите на отворањето на обиколницата околу Горњи Милановац се осврна и на поразот од Црвена звезда во Милано.
Не е тајна дека српскиот претседател е голем навивач на Црвена звезда.
Зборувајќи за политички теми, Вучиќ во еден момент се префрли на фудбалот и нагласи.
„Срам ми е кога играчите на Звезда губат со 4:0, а велат дека не се фасцинирани од оние што ги победиле“.
Оваа реакција на Вучиќ се однесува на изјавата на капитенот Урош Спајиќ, по убедливиот пораз од Интер во Милано во 2. коло од Лигата на шампионите.
Вучиќ во живо го следеше првиот натпревар на Црвена звезда оваа сезона во Лигата на шампионите против Бенфика.
Спорт
Ибрахимовиќ си подари Ферари од еден милион евра
Златан Ибрахимовиќ, може да се каже, знае како да живее…
Легендарниот напаѓач во четврток на 3. октомври го прослави својот 43 роденден, а најубавиот (и најскапиот) подарок го доби од Златан Ибрахиновиќ.
Возниот парк на поранешниот шведски репрезентативец е побогат за црно „Ferrari SF90 XX Stradale“ вредно речиси еден милион евра.
Овој модел, кој е произведен во само 799 примероци, има импресивни технички можности.
За Ибрахимовиќ ваквиот начин на прославување на роденденот стана традиција во последните пет години.
Happy Birthday to Zlatan pic.twitter.com/QuB09DILDg
— Zlatan Ibrahimović (@Ibra_official) October 3, 2024