Европа
Францускиот управен суд ја укина забраната за буркини
Највисокиот управен суд во петокот ја повлече општинската одлука за забрана на буркините, предупредувајќи ги градоначалниците кои донеле такви одлуки дека секоја забрана за костим за капење коешто го покрива целото тело мора да се темелат на постоењето на „јаснат закана“ за јавниот ред.
Оваа одлука на Државниот совет која се однесува на летувалишта на Азурниот брег и која ќе важи за целата француска територија, француските муслимани ја поздравија како „победа на правдата и на мудроста“.
Расправата за забрана за ваквиот костим за капење кој го носат некои муслимански жени во Европа, поттикна жестока полемика во Франција и во странство.
Државниот совет ги потсетува сите градоначалници кои при носењето на забраната за буркини на плажите се повикуваа на принципот на секуларноста дека не можат на да повикуваат на никакви други причини, освен на јавниот ред „сигурен пристап на плажите, безбедноста на капењето, хигиената и пристојноста“.
„Оваа разумна одлука ќе овозможи да се намали сегашната напнатост меѓу наите муслимански сограѓани, особено меѓу муслиманките“, реагираше на прашањето на AFP генералниот секретар на Советот на француските муслимани (CFCM), Абдалах Зекири, кој во рамките на советот претседава со Државната опсерваторија против исламофобијата.
Оваа одлука ќе ја „одредува судската практика“, изјави задоволство Патрис Ссоиноси, адвокат на Лигата за човекови права која и ја поднесе жалбата на до највисокиот француски управен суд. „Да тоа е несразмерна повреда на верските слободи и градоначалникот немал овластувања да ја ограничи таа слобода“, додава.
Пред француската амбасада во Лондон во четвртокот се одржа протест под мотото „Облечи што сакаш бич парти“ во знак на солидарност со муслиманките во Франција.
Одморалиште на островот Корзика, а претходно градовите Кан и Вилнев-Лобе кон средината на август, ги забрани буркините, костимот за капење кој го прекрива целото тело и какви сé почесто носат муслиманските жени на плажите во Европа, а особено во Франција. Тогаш општинските власти аргументираа дека ваквата гардероба, којашто го прекрива целото тело освен лицето, шаките и стапалата, е спротивна на секуларните закони во Франција.
Претходно во корзиканската престолнина Бастилја се одржаа протести, по инцидентот кога во летувалиштето Сиско пет лица беа повредени а три автомобила запалени, по тепачката која избувнала откако туристи сакале да фотографираат неколку жени кои се капеле во буркини.
Појавата на бурки и хиџаби во модните колекции во март годинава го критикуваше и министерката за женски права Лоренс Росињол, којашто муслиманките со хиџаби ги спореди со американските црнци кои го прифатиле ропството и кога било укинато, што предизвика остри реакции.
На традиционалните облеки за муслиманските жени – бурката и хиџабот во Франција не се гледа позитивно. Тие се забранети да се носат во образовните институции и во јавните служби.
Законот кој стапи во Франција на сила 11-ти април 2011 година го забранува носењето на јавни места и на улици „целосен превез“, како што се иранската паранџа, арапските никаб и бурка, кои се широко прифатени кај Авганистанките и Пакистанките. Сите видови муслимански облеки за жените целосно ја прекриваат фигурата на жената а бурката го прекрива целосно и лицето. Според законот, појавувањето на јавно место, како улици, паркови, плажи, продавници, ресторани, театри, железнички станици, административни и образовни институции, болници, музеи, библиотеки, спортски објекти и во јавниот превоз, со целосно покриено лице повлекува казна од 150 евра.
На муслиманските жени во Франција им е дозволено да ги носат споменатите видови облека кои ги прекриваат лицата дома, во хотелски соби, во простории организации од затворен тип, на места за вршење богослужба и на верски процесии.
Во летото 2014 година Европскиот суд за човекови, решавајќи по жалби, донесе мислење дека ваквиот закон, кој е на сила и во други европски земји, е валиден./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Украинците објавија снимка: „Ова се руски агенти, сакаа да го убијат Зеленски“
Украинските разузнавачи соопштија дека спречиле руски заговор за атентат на претседателот Володимир Зеленски. Украинската служба за државна безбедност СБУ објави дека фатила руски агенти, кои биле вработени во украинската државна гарда. Разузнавачките претставници велат дека руски агенти планирале да ги убијат претседателот и други високи владини функционери.
Шефот на СБУ, Васил Маљук, изјави дека неуспешниот атентат требало да биде подарок за Владимир Путин пред неговата денешна инаугурација.
СБУ на својот канал на „Телеграм“ објави тврдење дека руски таен агент ги пренел координатите на безбедната куќа пред планираниот воздушен напад. Претставници на разузнавањето додадоа дека Русија планирала да ги уништи сите траги од дронот што би се користел за гаѓање на претседателот со друг проектил.
„Непријателот активно развиваше планови за да го тргне претседателот Володимир Зеленски. Една од задачите на руската разузнавачка мрежа ФСБ беше да бара џелати меѓу војниците блиски до службата што го штити претседателот, кои би можеле да го убијат шефот на државата“, соопштија од СБУ.
„Покрај Володимир Зеленски, непријателот планира да ги елиминира и шефот на Службата за безбедност на Украина, Васил Маљук, шефот на Воената разузнавачка служба на Украина, Кирил Буданов, и други високи функционери“, се вели во соопштението.
„Ограничен број луѓе знаеја за нашата специјална операција и јас лично го следев нејзиниот напредок. Терористичкиот напад, кој требаше да биде подарок за Путин пред инаугурацијата, всушност беше неуспех на руските специјални служби“, рече Маљук.
„Но, не смееме да заборавиме – непријателот е силен и искусен, не може да се потцени. Ќе продолжиме да планираме однапред и да си ја работиме работата секој предавник да ги добие заслужените судски казни“, заклучи тој.
СБУ наведува дека при претресот на просториите на уапсените руски агенти биле пронајдени „релевантни средства за уништување“ и други докази за криминални активности.
Европа
Босфор затворен, заринка украински брод
Теснината Босфор, која го поврзува Црното со Средоземното Море, е затворена за бродови откога денеска таму заринка товарен брод од Украина, соопштија турските власти за ДПА.
Бродот „Алексис“ превезува прехранбени производи од Украина до Египет. Дефект на моторот се случил во близина на излезот од пловниот пат, изјави портпаролот на Управата за безбедност на крајбрежјето за дпа.
Спасувачките напори се веќе во тек, додаде изворот. Босфорот служи како излез за украинското жито на светските пазари во екот на руската инвазија. Речиси 40.000 брода поминале низ Босфорот во 2023 година, според турското Министерство за транспорт.
Европа
Руски хеликоптери уништија дронови на украинската морнарица, следуваше одговор, пишува „Форбс“
Украински експлозивни автономни пловни објекти или поморски беспилотни летала напаѓаат и потонуваат руски воени бродови во Црното Море од минатата есен, а сега руската Црноморска флота одлучи да возврати, и тоа од воздух, пишува „Форбс“.
Руски бомбардери, летечки бродови и хеликоптери патролираа на рутите до пристаништата, каде што е закотвена Црноморската флота, барајќи знаци за приближување на автономните бродови, кои ги гаѓаа со ракети и куршуми. Меѓутоа, во војната – како и во физиката – секоја акција има своја реакција. И, така, сега украинските автономни бродови добија проектили „земја-воздух“, кои можеби веќе ги лансираат руските авиони.
Снимките од Црното Море направени во неделата или понеделникот покажуваат како хеликоптер „камов Ка-29“ кружи околу украинскиот брод и пука во него. Можно е овој напад да е поврзан со украинскиот напад на Црноморската флота на Крим овој викенд. Пловилата наводно потопиле руски патролен брод.
Ова не е првпат руско летало да уништи украински автономен брод (УСВ). Но, тој конкретен УСВ се издвојуваше затоа што беше опремен со ракетни фрлачи и инфрацрвена ракета „Р-73“. Се чини дека некои украински бродови сега имаат свои противвоздушни ракети.
Рускиот канал Fighterbomber на „Телеграм“ беше изненаден од ова: „Украинците некако успеаја да ја поврзат ракетата со системите за далечинско управување на УСВ“.
Проектилот „Р-73“ е чувствителен на извори на топлина како што се моторите на леталата. Не бара телеметрија за водење. Сепак, каналот Fighterbomber не греши кога се прашува како војниците што управуваат со УСВ може од далечина да ги нишанат и лансираат тие проектили.
Fighterbomber шпекулира дека украинските автономни пловила сè уште не ги лансирале своите проектили, но вреди да се напомене дека УСВ, што екипажот Камов го уништи во неделата или понеделникот, имал два ракетни фрлача, но само еден проектил.
Со опремувањето на УСВ со ракети „Р-73“ украинските сили додадоа уште една улога на нивните сè повеќе разновидни автономни пловила. Повеќето од нив се еднонасочни: тие се натоварени со експлозиви и удираат во руски воени бродови. Постои и верзија на поморскиот дрон Sea Baby, кој може да лансира ненаведувани проектили за напади со долг дострел, а можно е и најголемите УСВ во Украина да имаат и радиопопречувачи.
Постои шанса дека овие нови УСВ сепак веќе ги лансирале своите проектили. Најмалку еден, а можеби и два руски хеликоптера наидоа на неволја над Црното Море на 9 и 10 април. Портпаролот на украинската морнарица, Дмитро Плетенчук, тврди дека рускиот „камов ка-27“ бил соборен на 9 април, а повеќе извори потврдуваат дека еден ден подоцна бил соборен уште еден хеликоптер „мил ми-24“.
Падот на „камов“ не е потврден, но интересно е тврдењето на Плетенчук дека руското летало „барало нешто“ и „го нашло“. Ако Русите навистина го загубија „ка-27“ на 9 април и ако тој хеликоптер навистина бараше УСВ, дали е можно дека пронашол УСВ вооружен со ракети „земја-воздух“?