Европа
Германија ќе организира голем состанок за Украина, Русија: Заземен е огромен магацин за оружје кај Харков
Денеска е 58-ми ден од војната во Украина
Клучни настани:
Денеска нема хуманитарни коридори
594 деца погодени од руската инвазија
Украинскиот претседател Володимир Зеленски ја обвини Русија дека планира да го фалсификува референдумот за независност во делумно окупираните јужни региони Херсон и Запорожје
Зеленски: Русија го отфрли предлогот за прекин на огнот за Велигден
Од час во час
22:10 Германија следната недела организира огромен состанок за Украина
Американската војска очекува повеќе од 20 земји да учествуваат во разговорите за Украина следната недела, кои ќе бидат фокусирани на одбраната односно долгорочните одбранбени потреби на Киев, соопшти Пентагон.
Германија е домаќин на разговорите.
Портпаролот на Пентагон, Џон Кирби, се чини дека ги намали очекувањата во најавата на разговорите на 26. април, велејќи: „Не влегуваме во ова со однапред подготвени заклучоци“.
Тој додаде дека околу 40 земји се поканети на разговорите кои не се организирани под покровителство на НАТО и дека вклучуваат и држави кои не се членки на алијансата.
Русија тврди дека окупирала воен магацин во близина на Харков и дека сега има под контрола илјадници тони украинска муниција.
Ова го објави новинската агенција ТАСС, повикувајќи се на руското Министерство за одбрана.
Веста не е независно потврдена, но претходно денеска украинските власти соопштија дека Русите извршиле офанзива во областа.
18:45 Шефот на ОН оди кај Путин во Москва
Генералниот секретар на ОН во вторник ќе отпатува за Москва за да го посети Путин, соопшти Кремљ.
Антонио Гутереш ќе одржи и работен ручек со Сергеј Лавров.
Портпаролот на првиот човек на ОН рече дека Гутереш се надева оти ќе разговара за тоа што може да направи за да донесе мир во Украина. Канцеларијата на шефот на ОН е во контакт и со Украинците за можна посета.
18:10 Oдржани разговори меѓу Москва и Киев
Главниот руски преговарач соопшти дека биле одржани неколку долги разговори меѓу шефовите на делегациите на Украина и Русија. Разговорите се одржале денеска, пишува „Скај њуз“.
Владимир Медински не даде никакви детали за разговорите.
Сепак, генералната оценка од официјална Москва е дека преговорите за решавање на конфликтот „тапкаат во место“.
Ова го изјави рускиот министер за надворешни работи, Сергеј Лавров, нагласувајќи дека не е постигнат напредок.
Претходно оваа недела, Кремљ соопшти дека испратил писмен мировен предлог до Киев, но Зеленски рече дека украинската страна не добила ништо.
17:10 Путин жестоко ја нападнал ЕУ во разговор со Шарл Мишел
Рускиот претседател ги нарекол неодговорни изјавите на претставниците на ЕУ за потребата да се реши ситуацијата во Украина со воени средства, а го споменал и тоа дека многу украински воени злосторства се премолчуваат.
Шефот на Кремљ, исто така, ги обвинил лидерите на повеќето земји од ЕУ дека отворено поддржуваат русофобични мерки, мислејќи на исклучувањето на Русија од културните и спортските настани.
15:30 Џонсон: Има реални шанси Русија да ја добие војната
Британскиот премиер, Борис Џонсон, во денешниот разговор со новинарите призна дека има реални шанси руските сили да ја добијат војната во Украина.
„Сега се блиску до обезбедување копнен коридор до Крим преку Мариупол. Ситуацијата е непредвидлива во оваа фаза. Мора да бидеме реални за тоа“, додаде британскиот премиер.
15:25 Нов ултиматум oд Русија: Борците во челичарницата може да се предадат во следните 24 часа
Руската армија денеска соопшти дека е подготвена да го почитува примирјето во секое време во целиот или дел од индустрискиот комплекс „Азовстал“, последното упориште на украинските бранители на Мариупол, со цел да се овозможи евакуација на цивили и предавање на војниците.
„Хуманитарното примирје ќе започне кога украинските вооружени сили ќе покажат бели знамиња на целиот или на дел од ‘Азовстал’“, се вели во соопштението на руското Министерство за одбрана.
14:55 Украинската тајна служба за Русија: Погледнете ги нивните „модерни“ ракети
Украинската разузнавачка служба објави фотографии на својата страница, на кои тврди дека покажуваат руски крстосувачки ракети.
Тие наведуваат дека иако Русија може да се пофали со модерно оружје, ракетите биле опремени со електроника која била развиена во 1960-тите.
14:50 Шолц: Мора да избегнеме конфликт со Русија, тоа би довело до Трета светска војна
НАТО мора да избегне директен воен конфликт со Русија што може да доведе до Трета светска војна, изјавил германскиот канцелар Олаф Шолц во интервју за германски медиуми на прашањето за неуспехот на Германија да испорача тешко оружје на Украина.
14:18 ОН: Имаме докази за воени злосторства во Буча, oна на што сме сведоци е ужас
Канцеларијата за човекови права на Обединетите Нации соопшти дека открила повеќе докази за воени злосторства во Украина, опишувајќи ја војната како хорор приказна за кршење на правата на цивилите.
14:07 Руски командант: Целта на војната е поголема отколку што се мислеше
Макс Седон, дописникот на московскиот „Фајненшл Тајмс“, го цитира рускиот воен командант Рустам Минекаев кој сугерирал дека целите на руската инвазија на Украина се пошироки отколку што се мислеше.
13:45 Литванците во страв од нов конфликт: НАТО да ги зајакне своите трупи
НАТО треба да го зголеми распоредувањето на војниците во Литванија и другите области на источна Европа по руско-украинскиот конфликт, изјави литванскиот претседател Гитанас Науседа пред германската министерка за надворешни работи Аналена Бербок за време на денешниот состанок во Вилнус.
13:35 Папата ја откажа средбата со рускиот патријарх
Плановите за средба меѓу папата Франциско и рускиот патријарх Кирил во јуни во Ерусалим се прекинати, изјави Папата за аргентински весник.
Ројтерс претходно објави дека Ватикан размислува да ја продолжи посетата на Папата на Либан на 12 и 13 јуни за еден ден, за да може да се сретне со патријархот Кирил во Ерусалим на 14 јуни.
11:20 Чеченците објавија видео од Мариупол, Кадиров: Градот е под наша контрола
Чеченскиот лидер Рамзан Кадиров објави видео од чеченските војници од Мариупол, велејќи дека чеченските трупи ја презеле контролата врз секоја педа од пристанишниот град во јужна Украина.
?Čečeni objavili snimak iz Mariupolja
Kadirov: "Grad je pod našom kontrolom" ⤵️ #MariupolNow #UkraineRussiaWar #BREAKING pic.twitter.com/jti9xGulrw
— Dnevni avaz (@DnevniAvaz) April 22, 2022
Американскиот претседател Џозеф Бајден рече дека рускиот претседател Владимир Путин греши ако мисли дека Западот ќе го изгуби интересот и ќе престане да ја поддржува Украина.
10:20 Градоначалникот на Мариупол бара целосна евакуација на градот
Градоначалникот на Мариупол упати нов апел за целосна евакуација на градот, за кој претседателот Владимир Путин вели дека сега главно е под контрола на руските сили.
„Ни треба само целосна евакуација на населението. Околу 100.000 луѓе остануваат во Мариупол“, изјави градоначалникот Вадим Бојченко на националната телевизија, пренесува Ројтерс.
10:00 Штетата од руската инвазија на Украина достигнува 60 милијарди долари, велат од Светска банка
Реновирањето на сите згради и инфраструктура оштетени во Украина за време на војната со Русија ќе чини околу 60 милијарди долари, соопшти Светската банка.
09:55 ЕУ: Возете помалку и работете од дома за да ја намалите зависноста од руската нафта и гас
ЕУ ги повикува луѓето да возат помалку, да користат помалку клима и да работат од дома најмалку три дена во неделата за да ја намалат нивната зависност од руската нафта и гас.
Од Европската комисија велат дека со мерките што ги разви Меѓународната агенција за енергетика, домаќинствата во просек ќе заштедат близу 500 евра годишно.
09:20 „594 деца погодени од руската инвазија“
Украинскиот парламент ги ажурираше податоците за децата жртви на војната на Твитер. Оттаму велат дека вкупниот број на погодени деца од руската инвазија е 594. Загинаа 208 деца, а 386 беа повредени.
‼️Більше ніж 594 дитини постраждали в Україні внаслідок повномасштабної збройної агресії Російської Федерації, повідомляють ювенальні прокурори.
Станом на ранок 22 квітня офіційне число загиблих дітей не змінилося – 208. Зросла кількість поранених – 386.https://t.co/mjO2yIQ9xb— Верховна Рада України (@verkhovna_rada) April 22, 2022
09:10 Поранешен советник на руската влада: Путин е депресивен и болен
Видеото на кое Владимир Путин цврсто се држи за масата за време на средбата предизвика шпекулации за здравјето на рускиот лидер, пишува „The Telegraph“.
Шефот на Кремљ е прикажан на видеото како разговара со Сергеј Шојгу, рускиот министер за одбрана, за ситуацијата во Мариупол. Шојгу го информира Путин дека Мариупол паднал, а Путин му честита за тоа, пишуваат медиумите во регионот.
In social networks, people noticed that #Putin, at a meeting with #Shoigu, sat all the time in an unnatural position, grabbing the table with his hand and not letting go.#Ukraine pic.twitter.com/LCz44KJbF9
— Alex Patrushev (@Magnifyingglas_) April 21, 2022
Украинскиот претседател Володимир Зеленски ја обвини Русија дека планира да го фалсификува референдумот за независност во делумно окупираните јужни региони Херсон и Запорожје.
Во видео пораката, Зеленски ги повика Украинците кои живеат под руска окупација во тие региони да не им даваат на руските сили какви било лични податоци, како што се броевите на пасошите.
08:40 Украина: „Русите киднапираа функционер во Херсон, не уценуваат“
Руски трупи киднапираа локален функционер кој раководеше со хуманитарен конвој во јужниот регион Херсон, изјави заменик-премиерот на Украина. Ирина Верешчук рече дека војниците на Кремљ понудиле ослободување на официјалните лица во замена за руските воени заробеници, но додаде дека тоа е неприфатливо.
08:15 САД: Кина ги повторува руските безбедносни идеи поврзани со војната во Украина
Американскиот Стејт департмент оценил дека Кина продолжува да повторува некои руски идеи за безбедноста поврзани со војната во Украина, вклучувајќи го и концептот на Кремљ за „неделлива безбедност“, пренесуваат медиумите во светот.
08:00 Зеленски: Русија го отфрли предлогот за прекин на огнот за Велигден
Украинскиот претседател Зеленски тврди дека Русија го одбила предлогот за прекин на огнот за време на велигденските празници, но додаде дека се уште има надеж за мир.
Тоа го изјави Зеленски синоќа во своето видео обраќање, пренесува Ројтерс.
Претходно тој ја отфрли можноста да оди во Москва на директни разговори со руските лидери за завршување на војната.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Лавров за средбата Зеленски-Путин: Зеленски рече „не“ на сè
Украинскиот претседател Володимир Зеленски денеска изјави дека Русија прави сè што може за да спречи средба меѓу него и рускиот претседател Владимир Путин и ги повика сојузниците на Украина да воведат нови санкции врз Москва доколку Русија не покаже интерес за мир.
На заедничката прес-конференција со генералниот секретар на НАТО, Марк Руте, во Киев, Зеленски рече дека разговарале за безбедносните гаранции за Украина што би ги понудиле другите земји. Тој рече дека гаранциите треба да бидат слични на Член 5 на НАТО, кој го смета нападот врз една членка на алијансата за напад врз сите.
„Ова е почеток на голем потфат и не е лесно бидејќи гаранциите се состојат од тоа што нашите партнери можат да ѝ дадат на Украина, како и каква треба да биде украинската армија и каде да се најдат можности за да ја одржи својата сила“, рече Зеленски.
„Јасно е дека САД ќе бидат вклучени“
Руте, кој денес го посети Киев, ги повика западните сојузници да обезбедат „силни безбедносни гаранции“ за Украина во случај на мировен договор со Москва за да се спречи уште една руска инвазија. „Силните безбедносни гаранции ќе бидат од суштинско значење и ние работиме на тоа токму сега за да се осигураме дека Русија никогаш повеќе нема да се обиде да заземе ниту еден квадратен километар украинска територија“, рече тој.
Руте рече дека гаранциите доаѓаат во две форми: првата вклучува зајакнување на украинската војска за да се одвратат идните руски напади, а втората се состои од европски и американски безбедносни гаранции.
„Јасно е дека САД ќе бидат вклучени“, рече шефот на НАТО. „Овие безбедносни гаранции мора да функционираат“.
„Русите прават сè што можат за да го спречат одржувањето на состанокот“
Украинскиот лидер ги повика сојузниците да ја принудат Русија во „барем минимално продуктивна позиција“. Зеленски повеќе пати го повика Путин да се сретне со него, а американскиот претседател Доналд Трамп рече дека рускиот претседател се согласил на таков состанок.
„Русите прават сè што можат за да го спречат одржувањето на состанокот“, рече денес Зеленски. „За разлика од Русија, Украина не се плаши од средби со лидерите“.
Лавров: Зеленски рече „не“ на сè
Рускиот министер за надворешни работи Сергеј Лавров рече дека нема агенда за потенцијален самит меѓу рускиот претседател Владимир Путин и неговиот украински колега Володимир Зеленски. Тој го обвини украинскиот претседател дека вели „не“ на сè.
Во разговор за емисија на Ен-би-си, Лавров рече дека Путин јасно ставил до знаење дека е подготвен да се сретне со Зеленски и да разговара за евентуален договор за прекин на војната во Украина, но под услов да има соодветна агенда за таков состанок. А тоа, рече тој, во моментов недостасува.
„Путин е подготвен да се сретне со Зеленски кога агендата ќе биде подготвена за кој било самит. А таа агенда воопшто не е подготвена“, изјави Лавров за Ен-би-си, додавајќи дека затоа засега не е планирана средба.
Рускиот министер за надворешни работи рече дека Русија се согласила да покаже флексибилност по голем број прашања што ги покрена Трамп на самитот САД-Русија минатата недела, но ја обвини Украина дека не покажала иста флексибилност во разговорите со Трамп и европските сојузници што следеа во Вашингтон.
фото: принтскрин
Европа
(Видео) Рускиот дрон летал во полскиот воздушен простор неколку часа пред падот
Руски борбен дрон „Шахед“ летал над Полска речиси два и пол часа пред да се сруши, објави украинскиот портал „Милитарњи“, специјализиран за воени теми.
Според анализата на надзорот на украинскиот воздушен простор, дронот летал над регионите Житомир, Хмелницки, Тернопол и Лавов во Украина во ноќта од вторникот кон средата, а потоа влегол во Полска.
Растојанието од границата до местото на падот во селото Осини е приближно 200 километри. Со оглед на просечната брзина на руските дронови „Шахед“ од 120 до 150 км/ч, се проценува дека поминал вкупно два часа во полскиот воздушен простор (бидејќи не летал целосно право).
With the US now paralyzed behind an orange mountain of lard, unable to inflict sanctions on Russia, Putin ups the stakes, striking Poland with a kamikaze drone last night, only 80km from Warsaw.
The West refuses to respond, so Putin only increases the killing. pic.twitter.com/P79Y1bYnEw
— Jay in Kyiv (@JayinKyiv) August 20, 2025
Како што наведува „Милитарњи“, дронот не бил откриен од полските системи за надзор во тој период. Додека се вклучиле сирените за воздушен напад во Украина, околу 1 часот по локално време, дронот, веројатно, веќе го напуштил украинскиот воздушен простор и продолжил да лета над Полска сè додека не се урна во 2.22 часот по варшавско време.
Порталот пишува дека постојат само две сценарија според кои дронот можел да влезе во Полска: намерно таргетирање или внатрешен дефект. Тие нагласуваат дека дури и во случај на дејство на електронско блокирање, автопилотот на дронот го пренасочува кон наменетата цел.
Затоа сè уште постои можност дронот да имал однапред одредена цел на територијата на членка на НАТО, наведува украинскиот портал.
Дронот што се урна во поле со пченка во Полска е од руско потекло, изјави вчера полскиот министер за одбрана, Владислав Косињак-Камиш, нарекувајќи го тоа провокација.
Експлозијата скршила прозорци во неколку куќи, но никој не е повреден, објави полската новинска агенција ПАП. Полицијата пронашла изгорени метални и пластични делови на местото на падот.
Истражителите изјавија дека дронот оставил кратер широк шест метри и длабок 50 сантиметри. Не е јасно дали експлозијата се случила во воздух или кога удрил во земјата.
Членка на ЕУ и НАТО, Полска е еден од најблиските политички и воени сојузници на Украина.
фото: принтскрин
Европа
(Видео) Рускиот нуклеарен гигант се врати во морето по 30 години
По речиси три децении во бродоградилиштето, рускиот нуклеарен борбен брод „Адмирал Нахимов“ повторно плови под сопствен погон. Ова е клучен момент за руската морнарица бидејќи гигантот од 28.000 тони последен пат пловел во 1997 година, а сега, по години поправки и модернизација, се подготвува да ја преземе улогата на предводник на руската флота, објавува The War Zone.
Бродот почна со фабрички морски проби, потврдија руските државни медиуми, а на социјалните мрежи се појавија снимки на кои се гледа како „Адмирал Нахимов“ плови во Белото Море.
🇷🇺🫡⚓️ At last..heavy nuclear cruiser «Admiral Nakhimov» left SevMash shipyard for sea-trials after refurbishing. The ship spent more than 25 yrs at the shipyard.
📸 Courtesy: L.Alekseeva pic.twitter.com/WWPUoRds9U— KURYER🤔 (@RSS_40) August 18, 2025
Според новинската агенција ТАСС, повикувајќи се на неименуван извор, претседателот Владимир Путин веќе е информиран за почетокот на тестовите. Овој потег доаѓа откога двата нуклеарни реактора на бродот беа рестартирани претходно оваа година исполнувајќи го планот за почнување на пробите ова лето.
A couple more photos. https://t.co/Fd09TQ09kz pic.twitter.com/J9AZ0qhOhh
— Capt(N) (@Capt_Navy) August 18, 2025
„Адмирал Нахимов“, првично наречен „Калинин“, е дел од класата воени бродови на проектот „1144.2 Орлан“, попозната на Запад како класа „Киров“. Влезе во употреба во Северната флота во 1988 година и е закотвен на суво пристаниште во бродоградилиштето „Севмаш“ од 1997 година. Иако беше во процес на поправки, сериозните работи за модернизација почнаа дури во 2014 година.
Првично закажан за завршување во 2018 година, рокот беше поместен неколкупати – првин до 2019 година, потоа до 2020, 2021, 2023 година и, конечно, до 2024 година.
фото: принтскрин
Вкупно девет пожари на отворен простор, активен еден, а два се под контрола
На територијата на државата денеска до 18:00 часот имало вкупно девет пожари на отворен простор, од кои еден е активен,...
Лавров ги соопшти условите на Русија за постигнување мир во Украина
Рускиот министер за надворешни работи Сергеј Лавров денеска ги изложи клучните услови на Русија за постигнување мир во Украина, предлагајќи...
Мицкоски очекува историска победа на ВМРО-ДПМНЕ на локалните избори, приоритет ќе биде хигиената во Скопје
Она што го направи ВМРО-ДПМНЕ и Коалицијата овие два дена, претставува, навистина, новитет на политичката сцена во Македонија. Добро е...
Во возило откриени 15 мигранти од Египет и Сирија
Вкупно 15 мигранти од Египет и Сирија се пронајдени синоќа во возило на регионалниот пат Богданци–Гевгелија, на место викано „Македонија...
Вучиќ најави намалување на цените на јајцата, зеленчукот, овошјето, млечните производи…
Претседателот на Србија, Александар Вучиќ, објави денеска дека од идната недела ќе се ограничат маржите во трговските синџири, што ќе...
Палестински камерман убиен во појасот Газа
Палестинската новинска агенција (ВАФА) објави дека израелските војници убиле палестински камерман во северниот дел на Појасот Газа. Камерманот Калед ал...
Пратениците се одморија, од утре почнуваат со редовни активности во Собранието
Пратениците од утре официјално почнуваат со работа по годишниот одмор. Претседателот на Собранието, Африм Гаши за утре закажа неформална средба...
Зеленски вели дека постои вистинска можност да заврши војната во Украина
Претседателот на Украина, Володимир Зеленски синоќа најави дека следните денови ќе бидат готови безбедносните гаранции за неговата земја. Тој, по...
Тврдењата на д-р Кедев за операциите во приватните болници ќе ги „чешлаат“ експерти од Словенија, Италија и од Германија
Министерот за здравство, Азир Алиу, најави дека до понеделник ќе биде комплетирана листата со странски експерти кои ќе ја анализираат...
Македонија е големо градилиште, над 1.200 проекти во општините, велат Перински и Николоски
Во моментов целата Македонија е едно големо градилиште, а само во општините се реализираат повеќе од 1.200 активни проекти поддржани...
(Видео) Украинците тешко ранија руски генерал, Абачев изгуби рака и нога по нападот
Украинските специјални сили објавија видео и детали од операцијата во која рускиот генерал-полковник Еседула Абачев беше тешко ранет, јавува „Украинска...
„4 години работа за тебе“: Скопските градоначалници од ВМРО-ДПМНЕ ја заокружија четиригодишната мисија
На денешниот настан, Саем-Отчет под мотото „4 години работа за тебе” свое обраќање на панел дискусијата имаа скопските градоначалници. Градоначалникот...
Мицкоски најави промени: По изборите ќе има нови луѓе во партијата и реконструкција на Владата
Претседателот на ВМРО-ДПМНЕ, Христијан Мицкоски, на денешниот отчет по повод четиригодишната работа на градоначалниците, порача дека веднаш по локалните избори...
СДСМ: ВМРО-ДПМНЕ за 4 години локална власт ги разочара граѓаните со хаосот и корупцијата во општините
Почетокот на четиригодишниот мандат на ВМРО-ДПМНЕ на локално ниво се оцени како период на разочарувања, нечисти општини, урбанистички хаос и...
Мицкоски на саемот „Четири години работа за тебе“: Делата, а не зборовите ја покажуваат вредноста
На денешниот настан „Саем-Отчет“ под мотото „4 години работа за тебе“, претседателот на ВМРО-ДПМНЕ, Христијан Мицкоски, имаше свое обраќање пред...
Крвава драма во Битола: Со нож го повредил братот на поранешната сопруга, па ја нападна и неа
30-годишен маж од битолското село Лера е уапсен откако со остар предмет нападнал млад битолчанец и ја претепал својата поранешна...
Алиу вети транспарентност, граѓаните ќе знаат кој го помага македонското здравство
Министерството за здравство воведе нов електронски модул за транспарентен преглед на донациите во здравството, со кој јавноста ќе може во...
(Видео) Телохранителите на Путин земаат сѐ, дури и урината и изметот на претседателот и го носат во Русија
Обезбедувањето на рускиот претседател Владимир Путин секогаш е предмет на големо внимание на социјалните медиуми од различни причини. Сега, тие...
Попладне дожд и грмежи во западните делови
Денеска времето во земјава ќе биде променливо облачно со сончеви периоди, а попладневните часови носат локален пороен дожд и ретки...
(Видео) Автобус со повеќе од 50 туристи излета од пат во САД, има загинати и повредени
Тешка сообраќајна несреќа се случи во американската држава Њујорк. Туристички автобус кој се враќал од Нијагарините водопади кон Њујорк излетал...
