Свет
Во екот на тензии, лидерите на двете Кореи размениле писма за подобрување на односите
Севернокорејскиот лидер Ким Џонг Ун му се заблагодари на јужнокорејскиот претседател во заминување Мун Џае-ин за неговите напори да ги подобри односите меѓу двете земји, објавија денеска официјалните севернокорејски медиуми.
Ким и Мун ги споделија ставовите дека меѓукорејските односи ќе се подобрат и ќе се развиваат според желбите и очекувањата на корејската нација доколку Северот и Југот вложат неуморни напори и надеж, наведуваат агенциите.
Претседателството во Сеул потврди дека двајцата лидери размениле пријателски писма, но не се дадени детали.
Неочекуваниот гест доаѓа во време кога Сеул и неговите сојузници се сомневаат дека Пјонгјанг се подготвува да продолжи со нуклеарните тестови.
Наследникот на Мун Џае-ин, Јун Сук-џеол, ја презема функцијата на 10 мај. Тој вети дека ќе заземе цврст став кон Пјонгјанг.
Претседателот на Јужна Кореја во заминување трипати се сретна со Ким Џонг Ун и придонесе за разговорите меѓу севернокорејскиот лидер и тогашниот претседател на САД, Доналд Трамп.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Нетанјаху: „Пред нас се сложени денови“
Израелскиот премиер Бенјамин Нетанјаху во изјава за израелската јавност се осврна на неодамнешните настани на северната граница со Либан.
Според написите на локалните медиуми, по проценката на ситуацијата во воениот штаб во Тел Авив, Нетанјаху изјавил:
– За оние кои сè уште не разбираат, сакам да ја разјаснам политиката на Израел – не чекаме закана, туку ја спречуваме. Секаде, на кој било фронт, во секое време. Ги елиминираме нивните високи личности, ги елиминираме терористите, ги елиминираме проектилите – и не запираме, рече Нетанјаху.
– Кој ќе се обиде да ни наштети, ние го удираме уште посилно. Ветив дека ќе го промениме безбедносниот баланс, односот на силите на север – и тоа го правиме. Ние уништуваме илјадници проектили и ракети насочени кон Израел, кон градови и граѓани. Пред нас се сложени денови. Барам две работи од вас, граѓани на Израел: прво, следете ги упатствата на командата на домашната стража, бидејќи тоа спасува животи, и второ, застанете заедно со решителност, одговорност и, се разбира, трпение, рече Нетанјаху, пренесуваат медиумите во регионот.
Регион
Патник добил порака за поставена бомба во авион: на аеродромот во Сараево активирана кризна ситуација
Околу 17 часот и 50 минути на Меѓународниот аеродром во Сараево е повторно започната процедурата за тревога и известување откако еден од патниците на летот Меминген – Сараево добил порака со заканувачка содржина, пренесува „Radiosarajevo.ba“.
Патникот добил дојава за поставена бомба во авионот.
Пораката пристигнала додека авионот бил над Хрватска, а авионот слетал на аеродромската писта во Сараево, по што бил спроведен кризен акциски план.
Информацијата ја потврдила и Белма Чурековиќ, портпарол на сараевскиот аеродром за порталот „Radiosarajevo.ba“.
Во авионот имало 190 луѓе.
Локалните медиуми потсетуваат дека денеска, во 15 часот и 36 минути, на Меѓународниот аеродром во Сараево била пристигната електронска пошта со заканувачки содржини дека на аеродромот се поставени експлозивни направи.
Според написите, била направена контрадиверзантска проверка на целиот меѓународен аеродром во Сараево и се покажало дека дојавата за поставени експлозивни направи е лажна.
Свет
(Видео) Улици како реки: големи поплави, невреме и град во францускиот град Кан
Обилните врнежи предизвикаа поплави во францускиот град Кан, а на социјалните мрежи кружат видеа од овој град.
„Во нашето подрачје има силно невреме, повремено пропратено со град. Ги повикуваме сите граѓани да бидат внимателни и да преземат мерки на претпазливост доколку патуваат“, се наведува во соопштението на Градската управа на социјалната мрежа Икс.
In France, the streets of Cannes turned into rivers this morning following torrential rain 🌊👀pic.twitter.com/iQ7cZ4B9Qw
— Volcaholic 🌋 (@volcaholic1) September 23, 2024
Во соопштението се наведува дека сообраќајот е блокиран поради поплави.
In France, the streets of Cannes turned into rivers this morning following torrential rain 🌊👀pic.twitter.com/spe4KfdHL3
— Volcaholic 🌋 (@volcaholic1) September 23, 2024
„Пријавени се штети во некои подруми и продавници. Во моментов нема пријавени случаи на човечки жртви“, се наведува во соопштението, пренесува Н1.