Црна хроника
Седум албански емигранти фатени на границата со Грција
Седуммина албански државјани била фатени вчера попладнето при обид илегално да ја минат границата со Грција, во близина на струмичко Ново Село
Како што соопшти денеска Министерството за внатрешни работи албанските емигранти била забележани од полициска патрола околу 18.40 минути кај месноста „Ајдукот“.Илегалците најнапред се оглушиле на наредбата да застанат и почнале да бегаат. Двајца полициски службеници пукале во воздух во знак на предупредување, по што лицата застанале.Албанските државјани се приведени, а се работи за шест машки и едно женско лице на возраст од 17 до 26 години, против кои ќе бидат поднесени соодветни поднесоци, се вели во соопштението на МВР.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Претрес во Мала Речица, пронајдена дрога
Вчера во 18.45 часот во Тетово, полициски службеници од Отсекот за недозволена трговија со дрога и оружје при СВР Тетово го лишиле од слобода А.Т.(35) од с.Мала Речица, тетовско.
При претрес во домот кој го користи под наем, извршен со судска наредба, биле пронајдени и одземени саксии со насади од растението канабис, шишиња со течност и други предмети поврзани со делото.
Лицето било задржано во полициска станица и по целосно документирање на случајот, против него ќе биде поднесена соодветна пријава.
Црна хроника
Петгодишно дете исчезна во Сарај, МВР го најде по два часа
Петгодишно девојче исчезнало денес околу 16.20 часот во паркот Сарај.
Како што објави МВР, веднаш презеле мерки, па околу 18.15 часот детето било пронјадено.
Претходно, од полицијата информираа дека се трага по девојче со руса долга коса, облечено во розово фустанче и розови чевли
Црна хроника
Ископана човечка коска во дворот на Клиничкиот центар во Скопје
Вчера во СВР Скопје било пријавено дека кај Клиника за психијатрија при Комплексот клиники „Мајка Тереза“, при изведување на градежни работи – вршење на ископ, била пронајдена коска, најверојатно човечка, на место каде порано имало гробишта.
Излезено било на местото на настанот од полициски службеници од СВР Скопје и известен бил јавен обвинител.