Спорт
Инцидент во „Пионир“ – Играчите на Црвена звезда застанаа во одбрана на колегите од Партизан
Вториот натпревар од финалето на плејофот меѓу Црвена звезда и Партизан заврши со големи инциденти, по завршувањето на натпреварот. Црвена звезда во драматична завршница победи со 85:81, води во серијата со 2:0 и уште една победа ја дели од одбрана на трофејот во АБА лигата.
Бурно беше во текот на целиот натпревар помеѓу Црвена звезда и Партизан, а тензиите кулминираа на крајот.
Еден од тренерите во стручниот штаб на Партизан имаше што да и каже на публиката зад својата клупа, на што домашните навивачи веднаш реагираа, на теренот од трибините беа фрлани разни предмети. Ситуацијата дополнително ескалираше кога во метежот се влезе центарот на Партизан, Матијас Лесор.
Тогаш неспортски реагираше уште еден поранешен играч неговиот соиграч Кевин Пантер, кој им покажа среден прст на навивачите. Пантер и Лесор се поранешни играчи на Црвена звезда.
Лесот се стрча кон публиката, сакајќи физички да се пресмета со некого, за среќа по нешто повеќе од две минути се се смири.
Кошаркарите на Црвена звезда имаа голема улога во смирувањето на тензиите, Лука Митровиќ прв застана на влезот во тунелот, спречувајќи ги неговите навивачи да продолжат да фрлаат со разни предмети кон играчите на Партизан.
Големи проблеми имаше и во текот на натпреварот во режија на навивачите на Црвена звезда. Жељко Обрадовиќ, беше навредуван исто како и во првиот натпревар, а овојпат навредуван беше и спортскиот директор Зоран Савиќ, поради што натпреварот неколку пати беше прекинуван.
Третиот натпревар од финалната серија, во кој домаќин ќе биде Партизан , ќе се одигра во среда.
Haos posle završetka utakmice… pic.twitter.com/5r1owFxZ4P
— B92 Sport (@b92sport) May 29, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Покетино: ВАР го нарушува имиџот на англискиот фудбал
Менаџерот на Челзи, Маурисио Покетино, изјави дека употребата на ВАР технологијата го нарушува имиџот на англискиот фудбал. Аргентинецот ова го изјави по натпреварот во Бирмингем, каде на Челси против Астон Вила му беше поништен гол за победа во 95.минута.
Челзи, на „Вила Парк“, губеше со 2:0, се врати во мечот со головите на Мадуеке и Галагер, а во петтата минута од судиското надополнување, по употребата на ВАР технологијата, голот на Аксел Дисаси беше поништен поради прекршок на почетокот на акцијата.
„Ова е болно и го нарушува имиџот на англискиот фудбал. Мислам дека ниту играчите на Астон Вила, ниту нивните навивачи не разбираа зошто голот е поништен. Судиите рекоа дека е прекршок, а ако на секој таков дуел гледаме како фаул, тогаш ние не би го завршиле натпреварот со 11 играчи. Можеме да зборуваме за играта или за одлуката, таа му штети за на фудбалот“, рече Покетино.
Спорт
(Видео) Два гола и две асистенции, Меси го реши Њу Ингланд
Фудбалерите на Интер Мајами ја продолжија победничката серија во МЛС лигата, а Меси ја продолжи голгетерската серија.
Избраниците на Херардо Тата Мартино славеа над Њу Ингланд со резултат 4:1 на гостински терен, во рамките на 11. коло и ја задржаа лидерската позиција во Источната конференција.
Ова беше шести триумф за Интер сезонава, за него најзаслужен беше Лионел Меси, двоен стрелец и асистент на стадионот „Жилет“ во Фоксборо, Масачусетс.
Аргентинецот на тој начин се проби на првото место на листата на стрелци со девет гола, а воедно е и прв асистент во лигата со осум асистенции.
Гол за гостите постигна и Луис Суарез, а меѓу стрелците се запиша и Американецот Бенјамин Кремаски.
In case you guys missed…here's highlights of Lionel Messi vs New England Revolution | 2 goals and an assist🐐pic.twitter.com/hu4l8fhgvq
— SK10 𓃵🇵🇸 (@SK10_Football) April 28, 2024
Спорт
Порто го смени претседателот по 42 години
Хорхе Нуно Пинто повеќе не е претседател на Порто, а на негово место е избран поранешниот тренер на овој клуб Андре Вилаш Боаш.
Новиот претседател доби дури 80 отсто од гласовите, со што заврши најдолгата претседателска ера во светот на фудбалот.
-„Порто повторно е слободен“, изјави Вилаш Боаш откако беше избран.
Хорхе Нуно Пинто, беше претседател на трофејниот клуб од 1982 година. Кога го презеде, Порто беше далеку зад ривалите од Лисабон (Бенфика и Спортинг) по бројот на национални титули (седум), а 42 години подоцна имаат 30, дури 11 повеќе од Спортинг, а Бенфика е напред со 38.
Покрај тоа, Порто во неговата ера освои дури пет европски трофеи и два Интерконтинентални купа.
Еден од тие пет трофеи како тренер го освои Вилаш Боаш, Лига Европа во 2011. Таа сезона, единствената во која беше тренер на Порто, ја заокружи со сите три домашни трофеи. Потоа ги водеше Челзи, Тотенхем, Зенит, Шангај СИПГ и Олимпик од Марсеј.