Црна хроника
Девет лица од Куба спречени при обид нелегално да преминат граница
Вчера, околу 3 часот, кај граничниот камен 59, на државната граница со Република Грција, полициски службеници од Полициската станица Богородица ги лишиле од слобода М. М. Ј. (37), Р. Ј. Л. Д. Л. К. (24), М. Р. А. (31), М. К. Ј. А. (29), Ч. Л. Е. (28), К. Ч. Л. (39), О. М. М. (43), Г. Д. Ј. Р. (33) и М. Р. А. (43), сите од Куба, спречени при обид нелегално да ја преминат државната граница од нашата држава во Република Грција, надвор од граничен премин, соопшти полицијата.
Додаваат дека од страна на полициски службеници од Одделението за прекуграничен криминал, миграции, странци и реадмисија при Регионалниот центар за гранични работи „Југ“ бил известен судија од Основниот Суд во Гевгелија, од чија страна им била изречена глоба и им биле издадени решенија за протерување од државата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Претрес во Битола, приведен дилер
Вчера во 11.00 часот во Битола, полициски слушбеници од Одделението за криминалистичка полиција при СВР Битола го лишиле лицето 48-годишниот Г.Н. од Битола, извести МВР.
„При претрс во неговиот дом, извршен со судска наредба, биле пронајдени и одземени прашкаста материја, ампули апаурин и ампули диазепам“, велат од МВР.
Лицето било задржано во полициска станица и целосно документирање на случајот против него ќе биде поднесена соодветна пријава.
Црна хроника
Маж насилно изваден од својот дом и со убодни рани оставен кај Транспортниот центар во Скопје
Вчера во 07.40 часот во Полициската станица Аеродром, 34-годишниот К.Б. од Скопје пријавил дека на 24/25.04.2024 околу 01.30 часот, А.„Н“ со употреба на сила го извадил од неговиот дом и го внел во патничко возило кое го управувал К.„Н“, со уште едно лице совозач, извести МВР.
„Како што е пријавено, во возилото А.„Н“ му нанел неколку убодни рани со остар предмет и го однеле кај Транспортен центар во Скопје, каде што повторно му нанел повреда со остар предмет, по што физички го нападнале и го оставиле. Исто така, според пријавеното, тој не бил на преглед и не пријавил во полициска станица затоа што лицата му се заканиле“, соопшти МВР.
Се преземаат мерки за расчистување на случајот.
Црна хроника
Кривична против двајца штипјани, истепале полицаец
СВР Штип поднесе кривична пријава против 53-годишниот Д.Д. и 54-годишниот П.Д., двајцата од Штип, поради постоење основи на сомнение за сторено кривично дело „напад на службено лице при вршење работи на безбедноста“, извести МВР.
„На 22.02.2024, по претходна расправија околу сообраќајот, пријавените физички нападнале полициски службеник“, соопшти МВР.