Црна хроника
Истрага за двајца скопјани, фатени се како кријат дрога во подземна гаража
Јавен обвинител од Основното јавно обвинителство Скопје денеска донесе наредби за спроведување истражна постапка против две лица за кривично дело – Неовластено производство и пуштање во промет наркотични дроги, психотропни супстанции и прекурсори од член 215 став 1 од Кривичниот законик.
Кај првиот осомничен, на 21 јуни била откриена наркотична дрога – кокаин со вкупна нето маса од 347,09 грама, која била спакувана во повеќе помали пакувања и наменета за неовластена продажба. Дрогата ја чувал во домот и над цевки во близина на подземната гаража во зградата во која престојувал на улицата „Никола Русински“ во Скопје.
На 25 јуни, пак, при претрес во зградата во која престојувал вториот осомничен, на улицата „Методија Шаторов Шарло“, полициските службеници пронашле 904,2 грама наркотична дрога марихуана. Дрогата осомничениот ја чувал скриена под церада на мотор паркиран во гаража во подрумските простории на зградата.
За двајцата осомничени јавниот обвинител до судијата на претходна постапка од Основниот кривичен суд Скопје достави предлози за определување мерка притвор, бидејќи оцени дека постојат законски основи да се обезбеди нивното присуство во текот на постапката.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Две тинејџерки во Скопје тепале соученичка, а уште две снимале – таткото на нападнaтото девојче има видео
Насилство во близина на средно училиште во Центар. Две тинејџерки тепале соученичка, а уште две снимале со мобилен телефон.
Ова се случувало во октомври, но деновиве до видео материјалот дошол таткото на нападнатото девојче, кој случајот го пријавил во МВР.
Од полицијата велат дека се преземаат мерки за расчистување, а засега нема информации за возраста на средношколките.
МВР во денешната хроника информираше за уште еден сличен случај на врсничко насилство што се одвивал пред два дена на подрачјето на општина Аеродром, а во близина на основно училиште. Според информациите од полицијата, малолетник бил физички нападнат од друг малолетник, соученик во училиштето. Полицијата го расчистува и овој случај.
Црна хроника
Тротинет се судри со автомобил во Струмица
Вчера на крстосницата од бул. „Балканска“ и ул. “Крушевска република“ во Струмица се случила сообраќајна несреќа помеѓу електричен тротинет управуван од А.Ѓ.(47) и патничко возило „фиат пунто“ со струмички регистарски ознаки, управувано од П.Р.(72), двајцата од Струмица.
Во несреќата со тешки телесни повреди се здобила А.Ѓ., констатирани во Општата болница Струмица.
Извршен бил увид од увидна екипа од СВР Струмица, објави МВР во дневниот билтен.
Црна хроника
Автомобил удри во пешак во Скопје, жена се здоби со тешки повреди
Вчера на крстосницата од улиците Благоја Паровиќ и Џон Кенеди во Скопје, патничко возило „форд“ со скопски регистарски ознаки, управувано од Л.А. од Скопје, удрило во Н.Х.(65) од Скопје.
Во несреќата со тешки телесни повреди се здобила Н.Х., констатирани во Градската општа болница „Св. Наум Охридски“, објави МВР.
Извршен бил увид од увидна полициска екипа.