Црна хроника
Сакал да увезе бумбари повеќе од дозволеното
Вкупно 240 бумбари за опрашување се одземени од страна на царинските служби од Граничната испостава „Гевгелија“ при контрола на комбе со македонски таблички.
При контролата на комбето, покрај пријавените 3.600 бумбари (60 кутии по 60 бумбари), пронајдени се и 240 непријавени бумбари (4 кутии по 60).
Непријавените 240 бумбари се одземени, и согласно законот се предадени во надлежност на Агенцијата за управување со одземен имот. Бидејќи се потребни посебни услови за чување и исхрана во тек е постапка на отстапување на бумбарите на Факултетот за земјоделство.
Увоз на бумбарите, како што информираат од царинската управа, неопходна е дозвола од Ветеринарен институт. За пријавените 3.600 сеуште не е обезбедена потребната дозвола, и истите се наоѓаат на ЦИ „Гевгелија“. По комплетирање на документите, ќе биде спроведена царинската постапка.
Бумбарите со латинско име Bombus terrеstris во Македонија се увезуваат за опрашување на растенија во пластеници за побрз процес на производство на зеленчук. Тие се транспортираат во специјални картонски кошници.
Во секоја кошница има по 60 бумбари доволна да опрашат еден поголем стакленик. Во минатото, производителите се потпирале на медоносните пчели, рачно опрашување или раст со хемикалии, во зависност од културата.
Сите овие методи имаат многу недостатоци, па затоа опрашувањето со бумбари е најприроден и најбрз процес. При увозот потребна е дозвола од Влезен ветеринарен документ за живи животни кое е потребно да се извади при самиот влез во државата. /крај/мф/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тешко повреден Грк, со „опел“ удрил во две возила во Дојран
Вчера во 21.55 часот во Полициската станица Гевгелија било пријавено дека на ул.„Маршал Тито“ во село Сретеново, општина Стар Дојран, патничко возило „опел“ со грчки национални ознаки, управувано од грчкиот државјанин Р.Н.(70), удрило во паркирано патничко возило „шкода“ со кумановски регистарски ознаки и во патничко возило „опел“ со грчки национални ознаки, управувано од грчкиот државјанин А.Л.(61).
Во несреќата со тешки телесни повреди се здобил возачот Р.Н., констатирани во Медицински центар Гевгелија. Увид на местото извршила екипа на Полициската станица Гевгелија.
Црна хроника
Судир на два автомобили и камион со приколка на автопатот „Пријателство“, тешко повредено едно лице
Во 17.40 часот во СВР Куманово било пријавено дека на автопатот „Пријателство“, во насока кон Куманово, атар на с.Романовце, кумановско, патничко возило „бмв“ со велешки регистарски ознаки, управувано од Г.Г.(35) од Велес, удрило во патничко возило „ланд ровер“ со скопски регистарски ознаки, паркирано од М.Џ.(33) од Скопје, кое пак по инерција удрило во товарно возило „ивеко“ и приколка со битолски регистарски ознаки, паркирано од Т.П.(47) од Прилеп.
Во несреќата со тешки телесни повреди се здобил М.Џ., констатирани во Општата болница Куманово. Извршен бил увид од увидна екипа од СВР Куманово.
Црна хроника
Србин кршел на скопскиот аеродром, полиција го уапсила
Вчера во 05.00 часот на Граничниот премин Меѓународен аеродром Скопје, полициски службеници го лишиле од слобода Д.С.(43) од Република Србија, затоа што во терминалната зграда го оштетил стаклото на заштитната врата.
Тој бил предаден на полициски службеници од Полициското одделение Петровец за понатамошна постапка.