Црна хроника
Апсења на шверцери на артефакти
Во тек е голема полициска акција за приведување на диви копачи на археолошки наоѓалишта и недозволена трговија со археолошки артефакти, потврди денеска во Скопје министерката за внатрешни работи Гордана Јанкулоска
Досега се приведени 48 лица, а претресени се околу 60 објекти, каде е пронајдено големо количество монети, керамика и други археолошки артефакти што биле предмет на недозволена трговија.Акцијата се спроведува во повеќе места во Македонија и тоа во Прилеп, Крушево, Неготино, Марвинци, Штип. Со оглед дека акцијата е се уште во тек министерката Јанкулоска не сакаше да го соопшти идентитетот на уапсените и детали најави за подоцна или за утре.
Се апсат полицајци, бизнисмени, директори, општински советници кои организирано шверцувале културно наследство и профитирале од овој нелегален бизнис, дознава Макфакс.
Со оглед дека акцијата е се уште во тек, Министерството за внатрешни работи (МВР) не ги соопштува имињата на уапсените, но меѓу нив се споменуваат и началници на полициски станици.
Досега се уапсени 48 лица, претресени се 60 објекти во осум градови, Прилеп, Штип, Струмица, Неготино а и пронајдени се голема количина на метални монети, керамика, статутки, фрески, со кои профитирале дивите копачи.
„Ги отфрламе сите обвинувања и шпекулации кои можат да бидат поврзани со овој случај бидејќи нашата единствена цел со оваа голема полициска акција е да се расчистат кривичните дела поврзани со недозволена трговија со археолошки предмети. Со оглед на тоа што ова е полициска акција која тече и во овој момент, не сме во можност да даваме информации во поглед на идентитетот на лицата, со оглед на финалниот број на пронајдените предмети, меѓутоа во текот на периодот што следува, денеска подоцна или во текот на утрешниот ден зависно како ќе течат претресите, детално ќе ја информираме јавноста за сите информации и податоци поврзани со оваа полициска акција“ изјави министерот за внатрешни работи Гордана Јанкуловска.
Во Македонија, според познавачите, егзистираат голем број на групи на диви копачи кои дејствуваат и крадат најчесто кај Марвинци, Мариово Вранче, Чепигово, Стоби, Хераклеја, Скупи.
Антиквитетите најчесто се одлеваат во Грција, земјите на Западна Европа, а некои го продолжуваат патот и кон САД.
Во илегалниот бизнис се знае кој копа, кој посредува, кој купува. Голем број на диви копачи од странство, авантуристи и криминалци се почесто ја осиромашуват земјава./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Три лица, меѓу кои и полицаец, осомничени за разбојништво и противправно лишување од слобода
Јавен обвинител од Основното јавно обвинителство Скопје донесе Наредба за спроведување истражна постапка против две лица кои како соизвршители се осомничени за кривични дела – Разбојништво од член 237 став 1 и Противправно лишување од слобода согласно член 140 став 5 од Кривичниот законик.
Двајцата се осомничени дека на 23 април противправно лишиле од слобода едно лице, така што го повикале да излезе со изговор дека им е потребна помош, а потоа присилно го внеле во автомобил и се упатиле кон мостот на улицата “Беласица”.
Со возилото управувало трето лице – полициски службеник против кого постапката е издвоена и ќе ја води Одделението за гонење кривични дела сторени од лица со полициски овластувања и припадници на затворската полиција при Основното јавно обвинителство за гонење на организиран криминал и корупција.
Додека полицискиот службеник возел, двајцата други осомничени му се заканувале на оштетениот и му нанеле убодни рани со нож во ногата и во рамото. Кога стигнале под мостот, насилно го извадиле од автомобилот и сите тројца физички го нападнале со удари со клоци и тупаници по целото тело, нанесувајќи му тешки повреди.
Му одзеле околу 8.000 денари колку што имал оштетениот со себе во моментот, а потоа го пуштиле да си оди со закана дека доколку до 1 мај не им исплати 10.000 евра ќе го убијат и него и неговиот татко.
Основното јавно обвинителство Скопје до Основниот кривичен суд Скопје достави предлог за определување мерка притвор за двајцата осомничени против кои постапува. Едниот од нив е во бегство и притворската мерка ќе започне да се применува од неговото пронаоѓање и лишување од слобода.
Топ
Уапсени крадци на автомобили – ги расклопувале за делови
Единицата за внатрешни работи Центар и Бит Пазар при СВР Скопје поднесе кривична пријава против Ш.Н.(68) од Липково, поради постоење основи на сомнение за сторени 4 кривични дела „одземање на моторно возило“, од кои три на подрачјето на скопски Центар и едно на подрачјето на општина Аеродром, како и против Ф.Љ.(22) од Скопје, поради постоење основи на сомнение за сторено кривични дело „помагање“.
Имено, првопријавениот кривичните дела ги извршил во последните два месеца, така што со употреба на физичка сила и погоден алат ги отворал бравите од возилата, ги одземал возилата и ги предавал на второпријавениот, каде што возилата биле расклопувани и продавани за делови.
Полициски службеници со судска наредба извршиле претрес на локација, сопственост на Ф.Љ., каде биле пронајдени поголема количина делови од возила кои потекнуваат од кривичните дела. Известен бил Јавен обвинител, а од страна на Судија на претходна постапка на Ш.Н. му е одредена мерка притвор.
Топ
Две жртви во сообраќајката на патот Радовиш-Штип, уште едно лице повредено
Две лица загинаа на лице место во сообраќајната несреќа што се случи попладнево на магистралниот пат Радовиш-Штип.
Во несреќата е повредена и сопатничката од едното возило, која е пренесена во штипската Болница.
Веста за „Макфакс“ ја потврди портпаролката на СВР Струмица, Александра Трајанова, која информираше дека во несреќата учествувале автомобили „пасат“ и „опел“.
„На местото на несреќата починале возачите на двете возила, смртта ја констатирал лекар од „ЈЗУ Здравствен дом Радовиш“ а сопатничка од патничкото возило „опел” била пренесена во Медицински центар Штип“, информира Трајанова.
Увид на местото на несреќата врши јавен обвинител, а сообраќајот се пренасочува по стариот пат.
Од полицијата повеќе детали за несреќата најавуваат за утре.