Европа
(Видео) Британците цела ноќ ѝ оддавале почит на кралицата, спиеле и на тротоарите
Илјадници Британци и синоќа продолжија да ѝ оддаваат почит на кралицата Елизабета Втора, пренесуваат светските медиуми.
Нејзиниот ковчег е изложен во Вестминстерската сала во Лондон, а многумина чекаат во редици со часови низ центарот на Лондон.
Некои од нив спиеле на тротоарот во текот на ноќта, храбрејќи се на дождот, за да си го обезбедат местото во линијата која се протегала од Вестминстерската сала до 15 километри, пренесуваат агенциите.
Mourners have begun filing past the Queen's coffin in Westminster Hall, many of whom will have queued overnight for the opportunity.
The queue stretches back miles and passes landmarks like London Bridge and Tower Bridge.
More here: https://t.co/ZxRZbRn4og pic.twitter.com/pFFaWHK5Ex
— Sky News (@SkyNews) September 14, 2022
Владините претставници не можеа да прецизираат колку луѓе чекаат во ред, но се верува дека до 16 часот има 750.000 луѓе пишува во написите.
Надбискупот од Јорк, Стивен Котрел, обраќајќи им се на оние што чекаат, рекол дека тие слават две големи британски традиции – „љубовта кон кралицата и љубовта кон чиновите“.
Меѓу насобраните се и оние кои пристигнаа во име на нивните постари родители, оние кои сакаат да бидат дел од историјата и оние кои сакаат да ѝ се заблагодарат на жената која е на власт од 1952 година и извршуваше службена должност дури два дена пред да почине, анализираат новинарите.
I have never seen anything like this, and perhaps naively, never expected to.
One of the busiest roads in London comes to a standstill in all directions as people abandon their cars to get a glimpse of Queen Elizabeth II on her final journey. pic.twitter.com/QYgmTTTjKH
— Charlie Proctor (@MonarchyUK) September 13, 2022
„Таа ни даде 70 години од својот живот“, вели Жаки Д’Арси, 63-годишна жителка на Есекс, која од синоќа чека на ред.
!Важно е да ѝ оддадеме почит на покојната кралица. А моите родители го сакаат кралското семејство и не можат да бидат таму. Значи, тоа е двојно, дојдов за мајка ми и татко ми, но и за себе”, изјавила Д’Арси.
Според Марк Бонсер (59) од Донкастер „кралицата е втора мајка на сите“.
„Таа ни даде 70 години од својот живот. Сигурен сум дека можам да дадам 24 часа од мојот живот за да ѝ оддадам таква почит“, рекол тој.
Церемонијата во Лондон ќе трае вкупно пет дена, а завршува на денот на погребот на кралицата.
Зголемен е и бројот на доброволци и полицајци, а подготвена е и лекарска помош за оние кои ќе треба предолго да чекаат, јавуваат агенциите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Снежната бура остави без струја околу 33.000 домаќинства во Франција
Околу 33.000 домаќинства останаа без струја вчера во Франција, главно во Нормандија и долж реката Лоара на запад, поради бурата Каетано што го зафати регионот, соопшти компанијата „Енедис“, која управува со електричната мрежа.
„Во 13 часот 33.000 домаќинства останаа без струја“, соопшти мрежата, додавајќи дека најпогодени домаќинства се во Нормандија (15.000 домаќинства) и околу реката Лоара (12.000 домаќинства).
Невремето предизвика прекини на многу сообраќајни правци, а влијаеше и на железничкиот сообраќај.
Мобилизирани се 2.200 техничари за да ги отстранат нарушувањата и да обезбедат електрична енергија, по налетот на бурата што предизвика врнежи од снег и брзина на ветер до 130 километри на час.
Европа
Германците објавија план во случај на војна со Русија
Германија почна поинтензивно да работи на подготовките за можни кризни ситуации, вклучително и воени сценарија кои директно би влијаеле на земјата. Според весникот „Франкфуртер алгемајне цајтунг“ (ФАЗ), Бундесверот развил стратешки документ наречен „Операционен план Германија“, во кој се детализирани улогата на економијата и клучните инфраструктурни сектори во случај на вооружен конфликт.
Еден од клучните елементи на овој план е соработката со приватниот сектор за обезбедување снабдување и одржување на функционалноста на клучните сектори во случај на криза. Неодамна во Хамбург се одржа средба со претставници на логистички компании, на која воените власти презентираа насоки за подготовка во кризни ситуации. Беше истакнато дека логистиката ќе има клучна улога во овозможување мобилизација на силите и зачувување на стабилноста во земјата. Според ФАЗ, Бундесверот составил листа на приоритетни објекти и инфраструктура кои треба да бидат заштитени во случај на војна, вклучувајќи транспортни центри, магацини и енергетски системи.
Според сценариото кое предвидува одговор на НАТО на потенцијален конфликт со Русија, планирана е мобилизација на дури 800.000 војници и 200.000 возила преку германска територија. Јасно е дека за таква операција е потребно исклучително прецизно планирање и координација со цивилниот сектор, пишува ФАЗ.
Овие мерки доаѓаат во контекст на растечките геополитички тензии, особено по руската инвазија на Украина.
Освен Германија, други европски земји ги засилуваат подготовките за непредвидливи сценарија. Нордиските земји, како што се Шведска, Финска и Норвешка, исто така ги советуваат своите граѓани како да се подготват за потенцијални кризни ситуации, вклучително и обезбедување основни залихи со храна и вода.
Германското Министерство за одбрана редовно ги ажурира своите планови, приспособувајќи ги на промените во безбедносната средина.
Европа
Украинскиот парламент ја одложи седницата, на пратениците им е кажано да ги држат своите семејства подалеку од владиниот кварт на Киев
Украинскиот парламент ја одложи седницата што требаше да се одржи денеска поради безбедносни причини, јави јавната телевизија Суспилнe, повикувајќи се на извори.
„Беше планирано да се одржи седница на Врховната Рада на 22 ноември, на која пратениците требаше да поставуваат прашања до владата, но сè беше откажано поради безбедносни причини“, објави Суспилне. На пратениците им е кажано да ги држат своите семејства подалеку од владиниот кварт на Киев, а според некои од нив, следната седница на украинскиот парламент не е закажана до декември.
Одложувањето дојде откако рускиот претседател Владимир Путин во телевизиско обраќање објави дека Русија вчера истрела хиперсонична балистичка ракета со среден дострел врз украински воен објект, како одговор на употребата на американски и британски ракети од Киев за гаѓање цели на руска територија.
Путин посочи дека „во случај на ескалација на агресивни дејствија“ би можеле да следат уште такви потези. Предупредувањата за големи ракетни напади ги натераа американските и другите амбасади во Киев да ги затворат своите врати во средата.
Еден опозициски член на парламентот, Олексеј Хончаренко, изрази фрустрација поради откажувањето на седницата во објава на апликацијата за пораки Телеграм, велејќи дека тоа е изгубена можност да се поставуваат прашања на владата.