Македонија
Дипломатскиот синдикат: Доста беше лажење, министре Османи, оставка поднесуваат функционери, не службеници
Македонскиот дипломатски синдикат реагира на изјавата на министерот за надворешни работи, Бујар Османи, за оставката на директорот за протокол на МНР. Од таму го прашуваат Османи до кога ќе ја лаже јавноста и ќе го жртвува угледот на дипломатите. Од Синдикатот обвинуваат дека не само што не се работи за оставка туку споменатиот колега за една недела заминува на амбасадорска позиција во една голема земја за каде, како што велат, билетите му биле извадени уште пред инцидентот со знамињата.
„До кога ќе ја лаже јавноста господинот Османи? До кога ќе го жртвува угледот на дипломатите за да се заштитите себеси од одговорност? Каква е таа оставка од државен службеник? Такво нешто не постои. Дали измислил некаков механизам за депонирање оставки на државни службеници? Тој многу добро знае дека оставки може да поднесуваат само функционери, како што е впрочем тој, кои се избрани или назначени на определен временски мандат. Службеници никако.
Нè загрижува неговото сè почесто лажење. Летото извади голем број дипломати на демонстрации пред Собранието кога излажа дека сениорските дипломати во нашето МНР го разгледале, односно се согласиле со потпишувањето на т.н. француски предлог. Го злоупотреби нивниот авторитет за да се покрие себеси. Потоа излажа дека евентуалното непотпишување ќе доведе до безбедносни тензии во Македонија. Тој во МНР лажел и високи дипломати дека ќе ја поддржи нивната кандидатура за највисоки меѓународни позиции во меѓународни организации, па потоа не го сторил тоа нанесувајќи непосредна штета за државата. За сопствен пиар, ги излажа дипломатите да се пријавуваат за амбасадорски места по имејл, но без конкурс, за потоа колегите да се исмејуваат со нив, а тој и натаму да си испраќа свои луѓе што немаат никаква врска, ниту искуство со дипломатија. Малку ли беше срамот со ТВ-презентерки и деца на јавни лица на високи дипломатски и конзуларни позиции во странство? Дури преку својот кабинет вршеше и притисок на дипломати да клеветат и да обвинуваат сопствени колеги за нешто што не го сториле за да може да им отвора селективни дисциплински постапки“, велат од дипломатскиот синдикат.
Бујар Османи, според Синдикатот, е единствен министер во светската дипломатска историја од кого неговите дипломати се имаат оградено, а подоцна и барале оставка.
„Како синдикат се согласуваме дека оставка е потребна, но не некаква фингирана од колеги што не може да дадат оставка. Оставка треба да даде господинот Османи што побргу зашто во желбата да проектира поубава слика за себе, преку партизирање и централизирање на куќата на дипломатијата, сака да стави сè под своја контрола. Нема да дозволиме тоа да трае. Македонскиот дипломатски синдикат ќе продолжи да се бори за зачувување на дигнитетот на професијата и за остварување на економските, социјалните, здравствените и професионалните права на вработените во МНР. Куќата на дипломатијата ќе го врати стариот сјај“, порачаа од Македонскиот дипломатски синдикат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
На Клиниката за неврологија отворен ден за граѓаните за подигнување на свесноста и превенција од мозочен удар
По повод Светскиот ден на мозочниот удар – 29 октомври, Универзитетската клиниката за неврологија, утре организира отворен ден за граѓаните за подигнување на свесноста за превенција, препознавање на симптомите рана дијагностика и навремено лекување на мозочниот удар, под мотото „Мозочниот удар се лекува“.
Во рамките на настанот, на 28 октомври 2025 година (вторник), ќе се врши бесплатен доплер на каротидни артерии за сите заинтересирани граѓани, без потреба од упат, во периодот од 10:00 до 12:00 часот, во просториите на Клиниката за неврологија.
Со овој настан, Клиниката велат од таму, испраќа порака за важноста на редовните прегледи и контролата на ризик факторите кои можат да доведат до мозочен удар, како што се покачен крвен притисок, шеќер во крвта, зголемени масти, пушење и седечки начин на живот.
Македонија
Уапсени двајца полицaјци осомничени за разбојништвото на златарницата во Гостивар, се трага и по други лица
Министерството за внатрешни работи до Основното јавно обвинителство Гостивар поднесе кривична пријава против две лица поради сомнение дека како соизвршители учествувале во извршување на кривично дело „разбојништво“ по член 237 став 4 во врска со став 1 од Кривичниот законик.
Осомничените се лишени од слобода во текот на вчерашниот ден, соопшти полицијата.
Тие на 10.10.2025, заедно со други засега непознати лица, влегле во златарница во Гостивар и со сила и закана со огнено оружје одзеле 18 килограми злато.
Двајцата осомничени се полициски службеници од ОВР Кичево, кои се договориле и направиле план за грабежот заедно со другите лица за кои интензивно се преземаат дејствија за пронаоѓање. Осомничените учествувале во подготовките со извиди на локацијата и на работата на златарницата два дена пред грабежот. На самиот ден, тие со службено возило на МВР го обезбедувале патот на двете возила искористени за грабежот во Гостивар, од кои едното потоа е пронајдено запалено на магистралниот пат Гостивар-Дебар, додека другото е пронајдено напуштено во Кичево, во близина на сточниот пазар.
„МВР во координација со ОЈО Гостивар презема мерки и активности за целосно расчистување на случајот“.
Македонија
Општина Центар: Отстранети двете паднати дрвја
Општина Центар известува дека екипите на ЈП „Паркинзи на Општина Центар“ и ЈП „Паркови и зеленило“ навремено интервенираа и ги отстранија двете дрвја кои паднаа во близина на ООУ „Киро Глигоров“.
Благодарение на нивната брза реакција, улицата е целосно расчистена и повторно ставена во функција, додаваат од општината.

