Црна хроника
Шверцер на цигари бегајќи удрил со возило во полицаец и избегал
Министерството за внатрешни работи информира дека при акција за откривање на шверц на цигари во Делчево на 20 март, во обид да сопрат возило во кое се пренесувала стоката, возачот на возилото ја зголемил брзината на движење и обидувајќи се да ја избегне полициската контрола удрил во полициски службеник по што избегал од местото.
Полицаецот од ударот на возилото се здобил со полесни повреди.
Според информациите на МВР по преземени мерки од страна на надлежните органи пронајдено е возилото со кое се вршел транспортот на цигарите и кое ја загрозило безбедноста на полицискиот службеник.
Во акцијата уапсен е С.Н. кој управувал со возилото, како и уште неколку други лица за кои полицијата се сомнева дека биле соработници во извршување на ваквото дело.
По целосно завршување на истрагата против сторителите ќе биде поднесен соодветен поднесок./крај/мф/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Жена физички нападната од возачот на автобус на ЈСП
Вчера во 17.15 часот во СВР Скопје, С.Б.(60) од Скопје пријавила дека околу 10.20 часот на автобуска постојка на Транспортен центар-Скопје била физички нападната од едно лице – возач на автобус на ЈСП.
Се преземаат мерки за расчистување на случајот.
Црна хроника
Импровизиран кревет и забоден кујнски нож нашла Кацарска пред гаражата – заканите се пријвени во МВР
Претседателката на Уставниот суд, Добрила Кацарска, пријавила во МВР дека добила закани за својот живот.
Од полицијата информираа дека случајот бил пријавен во текот на вчерашниот ден.
„Од страна на Д. К. било пријавено дека на подрачјето на Центар во подземни гаражи, пред нејзиното гаражно место, биле пронајдени импровизиран кревет и кујнски нож, кој бил забоден на прекинувачот за светло“, велат од МВР.
За случајот известен е јавен обвинител, предметите се подигнати за вештачење и се преземаат мерки за расчистување на случајот.
Црна хроника
Во хотелска соба во Охрид пронајдена почината 82-годишна жена од Аргентина
82-годишна жена била пронајдена почината во Охрид, соопшти полицијата.
Имено, на 14.5.2024, во 7.15 часот, во СВР Охрид е пријавено дека во соба во хотел во Охрид, каде што престојувала, била пронајдена почината Р. В. Б. (82) од Аргентина.
Лекар од итната медицинска помош констатирал смрт без видливи траги на насилство.
Надлежните извршиле увид.