Регион
Излезни анкети: ГЕРБ на Борисов ги добива изборите во Бугарија
Партијата од десниот центар Граѓани за европска Бугарија (ГЕРБ) на поранешниот премиер Бојко Борисов, е најверојатниот победник на предвремените парламентарни избори во Бугарија но нема да добие апсолутно мнозинство, покажаа излезните анкети, што е резултат кој може да значи уште едена несигурна коалиција која ќе се мачи да ги разреши големите проблеми, од цената на енергијата, преку банкарската криза и да го заживее економскиот раст.
ГЕРБ кого го води поранешниот контроверзен премиер Бојко Борисов, добил околу 33 отсто од гласовите додека неговиот најголемиот негов противник Бугарската социјалистичка партија (БСП) доби 16 проценти од гласовите, што веројатно ќе значи дека претстојат денови или седмици преговори со помалите партии за да се осигури поддршката за новата влада.Новата влада ќе биде петта по ред за помалку од две години во најсиромашната членка на Европската унија во кој масовните протести на улиците ја соборија претходната влада на ГЕРБ а неодамна поради истите причини се повлече и владата поддржана од социјалистите. Аналитичарите сметаат дека нестабилноста ќе ги одбие инвеститорите, како и гласачите, кои следат како нивната земја влегува од криза во криза. Директните странски инвестиции паднаа за повќе од петина во текот на 2014 година. Големите димензии на разочарувањето на граѓаните од политичките елити ги навестија излезните анкети кои покажуваат дека одѕивот на избирачите на овие избори бил најнизок во 25-те години откако Бугарија го напушти комунизмот. Излезните анкети, исто така, покажуваат и дека рекорден број – осум политички партии веројатно ќе влезат во Народното собрание (парламентот) што е уште еден доказ за разочараноста на избирачите од големите партии што ја зголеми привлечноста на помалите партии.Портпаролот на БСП, Атанас Мерџанов, вее го оцени резултатот на својата партија како „тежок пораз“.„Со вака расцепкан парламент тешко е да се формира влада, а се поставува и прашањето колку таа ќе биде стабилна“, вели Димитар Бечев, политички аналитичар од лондонскиот Економски факултет. Како најважно за новата влада ќе биде носењето одлука како да се реши проблемот со „Корпоративната Комерцијалната Банка“, четвртата според големината бугарска банка која е затворена откако штедачите под сомнителни околности и шпекулации одеднаш ги извадија своите вложувања во јуни и чијашто судбина оттогаш е неизвесна./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) „Мојот син Данило и моите браќа. Да живее Србија“ – Вучиќ објави снимка од кафанска прослава по победата на изборите
„Мојот син Данило и моите браќа. Да живее Србија“, пишува под видеото од прославата што претседателот на Србија, Александар Вучиќ, што го објави на својот Инстаграм профил.
Локалните избори во Србија се одржаа во недела во 89 градови и општини. Според првите проценки, листата на СНС има најмногу гласови во Белград, Ниш и Нови Сад.
View this post on Instagram
Претседателот на Србија и член на Српската напредна партија, Александар Вучиќ, по вчерашните локални избори и победата, оцени дека Србија влегува во нова ера и нагласи дека сега сите имаат јасен и отворен мандат за реформите и промените неопходни за српското општество.
Регион
СНС освои најмногу гласови во Белград, Нови Сад и Ниш на локалните избори во Србија
СНС освои најмногу гласови во Белград, Ниш и Нови Сад на локалните избори што се одржаа вчера во Србија во 89 градови и општини.
Според првичните проценки, во Белград, листата на СНС и СПС „Белград утре“ освоила 52,9 отсто, опозициската листа „Крени промени“ со 17,5 отсто од гласовите, додека на третото место според проценките е листата на опозицијата од поранешната коалиција Србија против насилството-„Го бираме Белград“ со 12,3 отсто. За нив е „Ние силата на народот“ со 9 отсто, и руската партија со 1,2 отсто.
Во Нови Сад, најмногу гласови освоила листата на СНС „Нови Сад утре“ – 53,1 отсто, потоа се „Обединети за слободен Нови Сад“ со 24 отсто, „Крени промени“ со 9,8 отсто гласови, „Херои“ со 3,8 отсто од гласовите и Сојузот на војводинските Унгарци со 1,2 отсто.
И во Ниш најмногу гласови освоила листата на СНС „Ниш утре“, но опозицијата тврди дека нема мнозинство за совет.
Регион
(Видео) Aвтомобил влета во публиката на трка во Осиек, има повредени
Четири лица се повредени и префрлени во Клиничкиот болнички центар Осиек, Хрватска, откако денеска на улична трка на 31. улица Осиек Стрит Рајс во нив удри автомобил.
Според првичните информации автомобилот изгубил контрола, излетал од патеката и удрил во гледачите.
Несреќата се случила веднаш по почетокот на трката.
Двајца од четворицата повредени имаат отворени скршеници на ногата, објави Јутарњи лист.
Повредените седеле во првиот ред на трибината која била поставена веднаш до патеката.
„Еден од возачите изгубил контрола над возилото и удрил во трибината, при што повредил неколку гледачи. Со брзата реакција на лекарскиот тим на сите повредени им е укажана помош и никој не е во животна опасност “, соопшти организаторот.