Свет
Извозот на користена облека од ЕУ го влоши проблемот со отпадот во земјите во развој
Европската унија тројно го зголеми извозот на користена облека од почетокот на векот, што дополнително го влоши проблемот со акумулацијата на отпадот во земјите во развој, предупреди денеска Европската агенција за животна средина (ЕЕА).
Европа има ограничен капацитет за повторна употреба и рециклирање, така што голем дел од фрлената и донирана облека се извезува во Африка и Азија, истакнува агенцијата во извештајот објавен денеска.
„ Постои заедничка перцепција кај јавноста дека донации на користена облека се секогаш добредојдени во овие региони, но фактите кажуваат друга приказна“, предупредуваат експертите за животна средина во извештајот. „Иднината на извезениот искористен текстил е често неизвесна“, додаваат тие.
Во 2000 година ЕУ извезла околу 550.000 тони текстил, според податоците од извештајот. Во 2019 година извозот достигна речиси 1,7 милиони тони, што одговара на 3,8 килограми по жител.
„ Текстилот првенствено се реупотребува поради побарувачката за евтина, користена облека од Европа. Она што не е погодно за повторна употреба најчесто завршува на отворени депонии и неофицијални текови на отпад“, објави агенцијата.
Во 2019 година, ЕУ извезла 41 отсто од искористениот текстил во Азија, каде што бил сортиран и преработен во централните точки. Поголемиот дел од него се користел во индустријата или бил испратен во други азиски земји за рециклирање и во Африка каде што бил повторно пуштен во употреба. Речиси половина од искористениот текстил завршил во африканските земји, откри ЕЕА.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Најмалку две лица загинаа, а голем број се повредени во торнадото во Тексас и Оклахома
Најмалку две лица загинаа, а голем број се повредени во торнадото што ги погоди американските сојузни држави Тексас и Оклахома.
Торнадото предизвика штети на автопатот што ги поврзува двете држави, како и на домови и далноводи во бројни градови во Тексас, Оклахома и Арканзас, оставајќи 250.000 домаќинства без струја.
„Торнадо го погоди округот Дентон во саботата вечерта, а нема извештаи за повредени“, соопштија локалните власти.
Регион
Непознат маж се обидел насилно да влезе во пилотската кабина на авионот на аеродромот Гардермоен во Осло
Непознат маж се обидел насилно да влезе во пилотската кабина на авионот на „Норвешка Ер“ на аеродромот Гардермоен во Осло, кој требало да полета на летот DI1990 за Сплит во 6.50 часот, а кога не успеал, се заклучил во тоалетот во задниот дел од авионот, објави хрватски Дневник.
Норвешката полиција подоцна го идентификуваше лицето како 23-годишен хрватски државјанин.
Мотивите за овој чин засега не се познати.
Авионот бил полн со патници кои главно патувале во централна Далмација на одмор. Повеќето од нив не забележале дека се случува нешто необично, дури ни оние што седеле напред.
„Авионот веќе полета и додека се движеше кон делот од пистата, наеднаш застана. Првото известување до пилотот било дека има технички проблеми и дека мора да застанат. Полицајците влегле во предниот дел и по краток разговор се упатиле назад каде што се заклучил. Во авионот имало тепачка, сите сакале да видат што се случува, па не било јасно дали полициските сили влегле во тоалетот или патникот сам се предал. Секако, тројца полицајци му ставиле лисици и преку пистата го одвеле до аеродромската зграда“, изјави еден од патниците кој со сопругата патувал за Водице, Хрватска.
Како што подоцна соопшти полицијата, патникот не бил во алкохолизирана состојба или под дејство на други опијати. Засега не е познато кои биле неговите крајни намери.
По завршувањето на сите формалности, новиот лет за Сплит пристигна околу 9 часот.
Компанијата им се извини на сите патници за доцнењето од два часа.
Свет
Седум бебиња загинаа во голем пожар во болница во источниот дел на Њу Делхи
Седум бебиња загинаа во голем пожар во болница во источниот дел на Њу Делхи, а пет се спасени и префрлени во друга болница, соопштија денеска локалните власти.
Сопственикот на болницата за бебиња во која избувна пожарот во саботата е во бегство, соопшти полицијата.
Како што пренесе Тајмс оф Индија, пожарот е ставен под контрола, а истрагата за причините за несреќата е во тек.