Македонија
Пратеник му врати на Ковачевски: Премиерот си го злоупотребува семејството, со сликањето како јаде тост нема да е поблизок до народот
Не Христијан Мицкоски, туку премиерот Димитар Ковачевски сам си го злоупотребува семејството, а со цел да се претстави како човек на народот. Ова од собраниската говорница го кажа пратеникот Александар Вељановски од ВМРО-ДПМНЕ, откако, Ковачевски кажа дека сопругата е мета на напади по нарачка на лидерот на опозициската партија, а ќерката му била мета на недолични видеа на „Тик-ток“. Вељановски испрати и порака до Ковачевски.
„Каква е таа расипаност, во време на сиромаштија, да се потрошат 26.000 евра за спонзорирани видеа, стории, објави, во кои замислете, на крајот се потпишувал и премиерот. Сметам дека оваа Фејсбук кампања, која ја води премиерот, ги злоупотребува неговото семејство и неговите најблиски, а злоупотребува и деца, злоупотребува и градинки, злоупотребува буквално се, за да се претстави како човек на народот. Не е доволно господине премиер да јадете еден тост и да се сликате со тој тост во реклама, која е вредна неколку илјади евра, тоа нема ве направи поблизок до народот“, кажа пратеникот.
Вељановски ставот го кажа со собраниската говорница, на седница каде се дискутира за разрешување на замениците-министри од Владата, кои се кадри на Алтернатива и ДУИ. Тој го искритикува и експозето на Ковачевски кој не навел ниту една причина за разрешување на министрите.
„Се работи за чисто пазарење, за да се опстои уште некој месец на позицијата премиер на Владата“, додаде пратеникот Вељановски.
Тој потоа набројуваше зошто Ковачевски треба да поднесе оставка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Телефонски разговор Муцунски – Липавски: Регионот на Западен Балкан што поскоро треба да биде дел од ЕУ семејството
Министерот за надворешни работи и надворешна трговија, Тумчо Муцунски, денес оствари телефонски разговор со министерот за надворешни работи на Република Чешка, Јан Липавски.
Министерот Липавски упати честитки до министерот Муцунски за назначувањето на фукцијата, посакувајќи му успех во извешувањето на задачите.
Министрите се осврнаа на јубилејот 30-години од воспоставувањето на дипломатските односи, нагласувајќи ги заемните заложби за натамошно зајакнување на соработката.
Муцунски изрази благодарност за недвосмислената и гласна поддршка на Република Чешка за пристапните преговори на нашата држава со Европската унија, притоа реафирмирајќи ја нашата определба за зајакнување на економската соработка и поддршката во мултилатералните организации.
Соговорниците изразија очекување за забрзување на евроинтеграцискиот процес и успешно спроведување на започнатите реформи, истовремено потенцирајќи ја важноста дека Регионот на Западен Балкан што поскоро треба да биде дел од ЕУ семејството.
За време на разговорот беа разменети мислења и за актуелните меѓународни и регионални прашања, како и за соработката и предизвиците во рамките на мултилатерални формати со крајна цел, зачувувањето на безбедноста, мирот на европскиот континент.
Македонија
(Видео) Паднати дрва, скинати проводници, поплавени куќи по невремето во Скопската котлина
Како резултат на силното невреме што ја зафати Скопската котлина во попладневните часови, преку eдинствениот број за итни повици 112 во ЦУК, биле добиени пријави и известувања за причинети штети.
Жители на Бутел преку видео ја опишуваат состојбата по невремето во оваа скопска општина.
Според ЦУК на бројот за итни повици биле добиени пријави за паднати и навалени дрва, како и скршени гранки, скинати проводници, навалени бандери и други проблеми со електрични, интернет и телефонски кабли.
Имало пријави за поплавени куќи, поплавени подрумски простории и гаражи, поплавени улици, проблеми во снабдувањето со електрична енергија, оштетени покриви, скршени стакла и откачени лимови и олуци од куќи и згради, оштетени патнички моторни возила, паднати огради, блокирани улици и слични случаи предизвикани од невремето.
Македонија
Зголемувањето на пензиите ќе се разгледува утре на владина седница
Претседателот на Владата Христијан Мицкоски, оствари работна средба со министерката за финансии, Гордана Димитриевска Кочовска и со министерот за социјална политика, демографија и млади Фатмир Лимани, на која беше финализирана конструкцијата на проектот за зголемување на пензиите.
Со овој проект, повеќе од 300 илјади македонски пензионери ќе добијат повисоки пензии почнувајќи од оваа година.
Ваквото изборно ветување кое доби своја конечна форма ќе биде разгледано на првата седница на Владата, која ќе се одржи на 28.6.2024 година во петок.
Новата Влада останува посветена на исполнувањето на своите ветувања и продолжува да работи со посветеност за добробит на сите граѓани.