Забава
(Видео) Го соблече гламурозниот фустан на „Версаче“ и облече маица и фармерки: улична изведба на Лејди Гага на „Оскарите“
Доделувањето на „Оскарите“ беше вечер на Лејди Гага – без разлика што таа не беше наградена. Како и секогаш, таа беше модната победничка на вечерта, каде што на публиката ѝ приреди гламур, сексапилност и изненадување.
Лејди Гага првпат се појави во брутален фустан на „Версаче“, кој изгледаше многу необично. Горниот дел од проѕирен корсет создаде совршени контури на фигурата, а долниот дел, здолниште со спуштена половина, беше луксузен и гламурозен.
По доминацијата на црвениот тепих, Лејди Гага направи уште едно изненадување. Таа изведе драматична трансформација кога ја отпеа својата песна Hold My Hand менувајќи ги фустанот и шминката со маица и фармерки.
Таа излезе на сцената во широка црна маица, искинати фармерки и стари чизми, ја отстрани шминката од лицето, а потоа седна на столот и ја отпеа насловната нумера на новиот филм „Топ ган“.
Гага на „Оскарите“ имаше номинација и за најдобра авторска песна токму за споменатата песна, но овој пат остана без награда.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Жена го нападна Тарантино во ресторан, му викаше дека е „ционистичко ѓубре“
Квентин Тарантино беше нападнат во ресторан во Њујорк.
„Ционистичко ѓубре“, му викаше жената која на социјалните мрежи го користи името Крекхед Барни, а потоа видеото го објавила на својот профил.
Social media wannabe influencer, Crackhead Barney, leads a pro-Hamas mob to harass Quentin Tarantino, a known supporter of Israel (and married to an Israeli) while he is in NYC.
The mob yells “toes!” while pressing their feet against the glass windows of his car (likely in… pic.twitter.com/7cr96Mf88J
— LAWYERGONEROGUE (@lawyergonerogue) June 16, 2024
На видеото се гледа како Барни, чие вистинско име се уште не е познато, му приоѓа на режисерот, кој седи сам на масата во аголот.
„Квентин Тарантино!“, му викна таа.
„Еј“, кратко одговори Тарантино.
„Зошто сте ционистички ѓубре?“, потоа го прашува жената.
Тарантино не одговори на тоа, туку само ги прекрсти рацете. Таа потоа го прашала „дали оди во Израел“, но директорот немал време да одговори бидејќи реагирале вработените во ресторанот. Додека Тарантино излегуваше од ресторанот, беше опколен од пропалестински демонстранти кои извикуваа „Слободна Палестина“.
Инаку, Тарантино е оженет со израелската пејачка и модел Даниела Пик и јавно застана на страната на Израел во војната.
Забава
Објавена нова фотографија направена од Кејт Мидлтон: „Те сакаме тато“
По повод Денот на татковците во Велика Британија, на Инстаграм профилот на принцот и принцезата од Велс е објавена фотографија направена од Кејт Мидлтон.
„Те сакаме, тато. Среќен ден на таткото“, стои во описот на фотографијата на која принцот Вилијам ги гушка своите деца Џорџ, Шарлот и Луис на плажа.
Фотографијата е направена оваа година од принцезата од Велс.
Инаку, Кејт викендов за прв пат се појави во јавноста откако објави дека има рак.
Принцезата од Велс присуствуваше на традиционалната парада Trooping the Color, придружувана од нејзините деца и принцот Вилијам. Trooping the Color ја одбележува роденденската забава на монархот, а принцезата учествуваше во поворката со кочија со своите деца.
Здравје
Безброј луѓе одат во Индија по „чудесниот лек“ за астма
Безброј луѓе кои боледуваат од астма одат во индискиот град Хајдерабад бидејќи, наводно, мала жива риба полнета со одредени растенија е „чудотворен лек“ за астма, пишува АП.
Агенцијата вели дека секое лето, на ден кој се смета за астролошки поволен, луѓето кои страдаат од астма и други респираторни заболувања патуваат во Хајдерабад за да проголтаат мали живи риби полнети со „разни чудотворни билки“ направени од семејството Батини.
Според легендата, во 1845 година, еден светец скитник му ја претставил тајната формула на чудотворната билка на еден човек кој живеел во градот Хајдерабад, Веран Гуд, и му рекол да ја даде формулата бесплатно на пациентите со астма.
Оттогаш, потомците на Гуд, познати како семејството Батини, ја зачувале традицијата и хербалната формула.
Секоја риба чини 40 рупии или околу 50 центи.
Кога се купува, жива риба се става во пластична кеса наполнета со вода и се носи кај семејството Батини, кое става мешавина од растенија во устата на рибата.