Шестгодишно девојче во четвртокот вечерта околу 22 часот било повредено во пределот на задникот здобивајќи се со потешка пвореда при славеничко пукање во струшкото село Долна Белица

Семејната веселба се одржувала во струшкото село Долна Белица во дворот на куќата на педесет ичетиригодишен жител од тоа село. Девојчето е пренесено во медицинскиот центар во Струга, каде лекарите утврдиле дека се работи за влезно-излезна рана, односно телесна повреда.Полициската станица во Струга презема мерки за расчистување на случајот.И покрај апелите на полицијата и невладните организации, во Македонија славеничкото пукање е се уште честа појава.Невладината организација Цивил на Меѓународниот ден за уништување на оружјето излезе со фрапантни податоци околу состојбата со нелегалното оружје во Македонија и побара уште една акција за разоружување.Според невладината Цивил од 1 јануари 2009 г. до денес 554 илјади луѓе се жртви на огнено оружје. За еден ден во светот умираат илјада луѓе а ранети се три илјадиСекој осми жител во светот поседува огнено оружје. 74 отсто од вкупното оружје се наоѓа кај цивилите, 23 отсто кај оружените сили, а 3 проценти кај полицијата.Од 180 земји во светот, Македонија е на 20-то место според бројот на нелегално оружје, што го поседуваат цивилите.„Би сакале да апелираме до јавноста оваа година да се воздржат од славеничко пукање, да го остават оружјето ако го имаат дома. Владата да ја зголеми довербата меѓу граѓаните и институциите и меѓуетничките заедници. Со мали мерки не можеме да му застанеме на патот на оружјето. Треба сериозно да се зафатиме со проблемот. Освен што расте бројот на нелегално оружје во Македонија расте и спремноста на граѓаните да го употребуваат оружјето за најбанални причини“, рече претседателот на невладината Цивил, Џабир Делара.