Црна хроника
Пронајдени трупови во Куманово и во Скопје
Педесет ишест годишен кумановец во среда бил пронајден мртов, а на неговата глава се забележани повреди од удар со тврд предмет, соопштуваат од МВР
Според полицијата, станува збор за Заре К. чие тело било пронајдено вчера околу 13.40 часот на улицата Ѓуро Пуцар во Куманово. Увидна екипа од СВР куманово при прегледот на телото во пределот на главата ги констатирала повредите нанесени со тврд предмет.Истражен судија наредил обдукција на телото, а полицијата презема мерки за расчистување на случајот.Во среда на падините на Водно во Скопје, беше пронајден и труп на девојка за која подоцна беше откриено дека станува збор за 20-годишната Кимета Селими.За овој случај од МВР информираа дека таа била пријавена за исчезната на 3-ти декември, од страна на нејзините родители кои во четврток го идентификуваа телото на починатата.Селими исчезна откако нејзиното момче си го одзеде животот легнувајќи на железничката станица во Скопје, пред речиси еден месец.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Сомнителни лица со возило се движеле низ воениот објект Криволак, во автомобилот имале алати за ископ
Полицијата поднесе кривична пријава против Б.А.(50) од с.Никуштак, општина Липково, Р.М.(50) од с.Вакуф, кратовско и Б.А.(37) од с.Орланци, скопско, поради постоење основи на сомнение за неовластено влегување во воени објекти и правење скици или цртежи на воени објекти и борбени средства.
„На 14 април 2024 пријавените биле затекнати како со патничко возило „шаран“ со скопски регистарски ознаки се движат низ воениот објект Криволак и при преглед било утврдено дека во возилото има метал – детектори и скенер за вршење археолошки истражувања, како и алат за вршење ископ за кои не поседуваат соодветна документација“, објави МВР во дневниот билтен.
Црна хроника
Државјанин на Турција најден починат на Бит Пазар
Вчера во полицијата било пријавено дека во станот во кој престојува на на подрачјето на Бит Пазар, бил пронајден починат А.К.(69) од Република Турција, со престој во Скопје.
Лекар од Итна медицинска помош констатирал смрт без видливи траги на насилство, а по наредба на јавен обвинител телото на починатиот било предадено на обдукција.
Извршен бил увид.
Црна хроника
Сопружници од Скопје меѓусебно се обвиниле за напад среде трговски центар во Центар
Педесетгодишен скопјанец пријавил во полицијата дека пред два дена бил нападнат од неговата 36-годишна сопруга во трговски центар на подрачјето на Центар.
Исто така, и сопругата пријавила дека била физички нападната од нејзиниот сопруг, кој и упатувал и закани, а потоа и го одзел мобилниот телефон и го фрлил.
Се преземаат мерки за расчистување на случајот, велат од МВР.