Црна хроника
Апелација ќе одлучи каде ќе продолжи судскиот процес за случајот Новаковиќ
Апелациониот суд во Битола ја прими одлуката на охридскиот Основен суд за смена на Кривичниот совет за убиството на српскиот турист Дејан Новаковиќ
Како што пишува во четвртокот Охридњуз, до Битола се испратени и изјавите на охридските судии за изземање затоа што веќе постапувале по предметот во истражната постапка и согласно законот, никој од нив не може да го води процесот.Како што информираат од Основниот суд во Охрид, заедничка проценка на сите судии било да се испрати одлуката во Битола.„За да нема никаков сомнеж при работата на судот во постапувањето по предметот, за пристрасност и донесување на пресудата, оставаме Апелација да одлучи каде ќе продолжи судскиот процес“ е ставот на претседателот на Основниот суд, Владо Дејаноски.Од Апелациониот суд во Битола објаснуваат дека, по потпишувањето на изјавите на охридските судиите за изземање, на нив останува единствено да донесат одлука во кој суд ќе биде префрлен предметот, односно дали тоа ќе биде во Основниот суд во Битола, Прилеп или Струга, кои се под надлежност на Апелациониот суд во Битола.Инаку, одлуката за изземање на Кривчниот совет предводен од судијката Милка Танеска од случајот, кој започна во Основниот суд во Охрид, според адвокатите од одбраната е незаконска.„Одлуката за изземање на Кривичниот совет од постапката е донесена на барање на полномошникот на семејството на Дејан Новаковиќ, односно на оштетените, кој според Законот за кривична постапка не е странка во судскиот процес. Такво барање до судот може да поднесат само странките во постапката, а тоа се овластениот тужител и одбраната, но не и полномошникот на оштетените“, вели за Охридњус, адвокатот Игор Кичеец.Како што е познато, претседателот на Основниот суд Охрид, Владо Дејаноски, на барање на полномошникот на семејството на убиениот српски турист, во понеделникот донесе решение за изземање на Кривичниот совет кој го водеше судскиот процес за убиството на српскиот турист, поради пропусти во постапката.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсени тројца скопјани, со метални предмети истепале син и мајка
На 29 и 30 мај, полициски службеници од Единицата за интервентна полиција при СВР Скопје ги лишиле од слобода Т.Б.(50), Д.Б.(21) и Е.Б.(34), тројцата од Скопје, извести МВР.
„Тие се сомничат дека на 29.05.2024 околу 10.15 часот, по претходна расправија, физички ги нападнале М.М.(39) и неговата мајка Д.М.(56), двајцата од с.Инџиково, скопско, во дворот од нивната семејна куќа, при што употребиле метални и остри предмети, а потоа оштетиле и товарно возило“, соопшти МВР.
По целосно документирање на случајот ќе следува соодветен поднесок.
Црна хроника
43-годишник истепан од тројца малолетници во скопски Аеродром
Вчера во 18.14 часот во СВР Скопје, 43-годишниот П.Б. од Скопје пријавил дека на подрачјето на општина Аеродром во Скопје, по претходна расправија, бил физички нападнат од тројца малолетници, од кои едниот му се заканил со остар предмет, извести МВР.
Се преземаат мерки за расчистување на случајот.
Црна хроника
Скопјанка добила експлицитно видео од својата малолетна ќерка на социјална мрежа, полицијата го расчистува случајот
Вчера во 10.40 во СВР Скопје 32-годишна жена од скопско пријавила дека на 23.05.2024 на нејзин профил на социјална мрежа, од малолетник од Скопје, кој бил во љубовна врска со нејзината ќерка, добила видео со експлицитна содржина на кое била нејзината малолетна ќерка, извести МВР.
Се преземаат мерки за расчистување на случајот.