Свет
Се огласи од затвор монструмот од Австрија, кој ја држеше ќерката во ропство и ѝ направи седум деца: Сакам да живеам 130 години
![](https://makfax.com.mk/wp-content/uploads/2023/05/ccelebritiesNINTCHDBPICT000531860363.jpg)
Сексуалниот престапник Јозеф Фрицл (87) првпат проговори за својот сон за слобода и во интервју изјави дека мисли оти неговото семејство ќе му прости за злосторствата и верува дека повторно ќе се соедини со нив.
Фрицл за „Сан“ изјави дека секогаш мисли на своето семејство и дека е обожавател на кралот Чарлс и дека го гледал на телевизија неговото крунисување.
Во шокантно интервју зад решетки австрискиот силувач рече дека сака да живее 130 години. Тој нагласи дека секој ден вежба за да биде фит кога ќе биде ослободен и ќе биде со семејството, кое го криел 24 години. Опишувајќи ја својата строга диета и план за вежбање, тој рече дека секој ден го почнува со кафе.
„Морам да го имам ова за да се разбудам правилно, а потоа набргу со шолја топло какао. Потоа пијам чај и јадам три јајца, парче тост со шунка и колбаси и сирење. Земам и витамин Ц, како и магнезиум и цинк“, рече тој.
Фрицл, за кој се верува дека боледува од деменција, рече дека пие и многу вода во текот на денот.
„Неодамна прочитав дека научно е докажано оти луѓето може да доживеат 150 години ако се хранат и вежбаат правилно. Сакам да живеам 130 години, тоа е мојот план“, рече тој.
Фрицл беше осуден на доживотен затвор во 2009 година по обвинувањето за силување, ропство и убиство затоа што ја држел својата ќерка затворена и ја силувал 24 години во Австрија. Ја држел својата ќерка Елизабет затворена во ќелија во семејната куќа во Амштетен, ја силувал и со неа имал седум деца.
Едно бебе починало во 1996 година бидејќи Фрицл одбил да му даде медицинска нега. Три деца останаа во ќелијата додека Фрицл преостанатите три ги одгледа со сопругата Розмари (84). Се развела од него кога дознала за ужасните злосторства.
Тој исто така верува дека има повеќе вонбрачни деца во странство бидејќи одел на службени патувања. Од австрискиот затвор во Кремс, Фрицл зборуваше за „Сан“ преку својот адвокат.
„Многу ми недостига семејството. Секогаш мислам на нив и многу би сакал да ги видам моите внуци. Сигурен сум дека еден ден повторно ќе бидеме заедно и мислам дека ќе ми простат за она што го направив“, рекол Фрицл.
Тој додал дека многу му е жал за тоа што го направил и се кае за своите злосторства. Не се шета низ затворскиот двор бидејќи има неколку затвореници што чекаат да го претепаат. Во јуни 2022 година судот пресуди дека Фрицл мора да остане во затвор со висок степен на обезбедување откако судијата ги откри плановите да го префрлат во полесен затвор.
Неговиот случај привлече меѓународно внимание во 2008 година кога Елизабет ѝ кажа на полицијата дека татко ѝ насилник ја држел заробена со години.
Тој ја намамил ќерката Елизабет во ќелија во семејната куќа во 1984 година кога имала 18 години. Тој ѝ рекол на својата сопруга Розмари дека Елизабет побегнала и се приклучила на култ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
(Видео) Торнадо на северот на Италија, делови од земјата под вода
![](https://makfax.com.mk/wp-content/uploads/2024/06/0bd70e9c-1b8e-45ef-a383-94e6a14f6d4d.jpg)
Северните и централните делови на Италија беа зафатени од невреме, а во градот Ровиго во провинцијата Венето се формира торнадо, врнежите се очекува да траат уште неколку дена.
Пожарникарите примиле повеќе од 200 повици за помош, а меѓу другите извлекле и жена заробена во автомобил од поплавен подвозник.
Fierce floods takeover the streets of Langhirano, #Italy following heavy rains #Flood #Langhirano #Maltempo #Flooding #Flashflood #Rain #Weather #Viral #Climate pic.twitter.com/Uy9V4Wpvfz
— Earth42morrow (@Earth42morrow) June 25, 2024
Повиците за помош биле поврзани и со поплави и разнесени покриви. Неколку автомобили паркинг пред трговски центар биле оштетени од металниот покрив кој се одвоил од блиската зграда, пишува „Анса“.
Обилни врнежи паднаа и на северот на Тоскана, каде што пожарникарите користеа чамци за да ги спасат возачите заробени на поплавените улици.
Издадено е црвено предупредување за водостојот на реките, кое важи и за областа Модена и Пјаченца во провинцијата Емилија Ромања, пишува италијанската новинска агенција „Анса“.
Температурите во поширокото подрачје на северниот и централниот дел од земјава се движат околу 20 Целзиусови степени. Метеоролозите предвидуваат дека врнежите ќе продолжат до четврток, а најлошо ќе биде во провинциите Лигурија, Пиемонт, Тоскана, Умбрија и регионот Марке.
Свет
За прв пат по повеќе од една година, разговараа шефот на Пентагон и рускиот министер за одбрана
![](https://makfax.com.mk/wp-content/uploads/2024/06/b7e7c25c-e291-45d3-a9c1-802e2f3d899c.jpg)
Министрите за одбрана на Соединетите Американски Држави и Русија разговараа телефонски во вторникот за прв пат по повеќе од една година, а двете страни дадоа многу различни прикази за разговорот потоа.
Пентагон соопшти дека американскиот секретар за одбрана Лојд Остин и неговиот руски колега Андреј Белоусов разговарале за важноста на отворените линии на комуникација.
Остин го иницираше повикот и тоа беше прв таков повик од март 2023 година, изјави за новинарите портпаролот на Пентагон, генерал-мајор Патрик Рајдер.
Руското Министерство за одбрана соопшти дека Белоусов го предупредил Остин за опасностите од континуираната испорака на американско оружје за Украина во нејзиниот 28-месечен конфликт со Русија.
„И. Р. Белоусов укажа на опасноста од натамошна ескалација на ситуацијата преку континуирана испорака на американско оружје за украинските вооружени сили“, се вели во соопштението на Министерството за Телеграм.
Москва минатиот викенд рече дека Соединетите Американски Држави се одговорни за нападот на Украина на полуостровот Крим, анектиран од Русија, со пет проектили испорачани од САД во кои загинаа четири лица.
Свет
(Видео) На протестите во Кенија полусестрата на Обама меѓу демонстрантите погодени со солзавец
![](https://makfax.com.mk/wp-content/uploads/2024/06/vvv.jpg)
Кениската активистка Аума Обама, полусестра на поранешниот американски претседател Барак Обама, била меѓу демонстрантите кои беа погодени со солзавец пред зградата на парламентот во Најроби.
Според странските медиуми, покрај солзавец, полицијата пукала и врз демонстрантите кои се обиделе да упаднат во зградата на парламентот, а се јавува и дека загинале најмалку десет демонстранти. Десетици луѓе беа повредени, а делови од зградата на парламентот беа опожарени додека пратениците го гласаа законот за зголемување на даноците.
.@LarryMadowo is live on scene as protests over a controversial financial bill escalate in the Kenyan capital of Nairobi.
He’s been speaking to protesters on the ground, including Auma Obama – Barack Obama’s sister: pic.twitter.com/12TOW2iR7e
— CNN International PR (@cnnipr) June 25, 2024
Законот сè уште треба да го одобри претседателот Вилијам Руто.