Свет
Тина Тарнер откри во кој колега била заљубена: „Никогаш не можевме само да стоиме и да пееме“
![](https://makfax.com.mk/wp-content/uploads/2023/05/R-2.jpg)
Во последното интервју за „Гардијан“, кралицата на рокенролот Тина Тарнер откри некои детали за себе.
Таа зад себе остави многу богата кариера, живот исполнет со убави моменти, но и трагедии, а како што еднаш кажа и самата, нема да се плаши кога ќе дојде смртта.
Во интервјуто кое го даде пред еден месец, таа откри дека на некој начин цел живот го сакала Мик Џегер.
„Сакав да работам со Ролинг Стоунс, отсекогаш ми се допаѓаше Мик Џегер“, изјави Тина, додека самиот Џегер е познат по тоа што изјави дека таа му била инспирација.
Џегер и Тарнер соработуваа на сцената неколку пати во текот на нивните кариери, настапуваа заедно и испорачаа совршени изведби. Ќе ја памети турнејата во Филаделфија кога Мик и го скина здолништето на сред сцена.
Пишувајќи за инцидентот во своите мемоари, Тина Тарнер се присети:
„Мик и јас никогаш не можевме само да застанеме наоколу и да пееме, тоа не бевме ние. Моравме да направиме нешто. Тој ме погледна. Носев тесен црн кожен горен дел и здолниште и можев да видам како се формира зла идеја во неговата глава. „Дали тоа здолниште се оттргнува?“, праша итро. „Што?“, беше мојот изненаден одговор… „Ќе ти го соблечам здолништето“. Го прашав зошто, но беше предоцна да се зборува за тоа, Мик веќе реши да го направи тоа“.
По нејзината смрт, Мик Џегер се огласи и на Инстаграм.
„Многу сум тажен поради смртта на мојата прекрасна пријателка Тина Тарнер. Беше бескрајно талентирана, одлична пејачка, полна со инспирација и забава. Многу ми помогна кога бев млада и никогаш нема да можам да го заборавам тоа” напиша Џегер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Европа
Нема струја, водата носи мостови, расте бројот на исчезнати во Швајцарија (ВИДЕО)
![](https://makfax.com.mk/wp-content/uploads/2017/07/oBK9lwTeiv-i-istanbul-pod-voda-poplavite-predizvikale-haos-i-vo-turcija.jpeg)
Во Швајцарија неколку лица се водат како исчезнати во кантон Тичино на југоистокот на земјата, по свлечиште предизвикано од силни дождови што ја зафатија оваа алпска земја, соопшти полицијата.
„Големите бури предизвикаа свлечиште во регионот Фонтана и луѓе се пријавени како исчезнати“, се наведува во соопштението на полицијата без да изнесат дополнителни детали.
Спасувачките акции се особено тешки поради лошите временски услови, додаваат од полицијата. Апел за евакуација од куќите во близина на реката Маги е упатен рано утрово за жителите на Прат-Сорника и долината Маги, каде се бараат исчезнатите. Патиштата се пресечени, а камповите што се наоѓаат покрај реката се евакуирани, соопшти кантоналната полиција. Водата однесе мост и блокираше кантонален пат. Струјата е исклучена во делови од регионот, а дел од кантонот остана без питка вода, според федералниот систем за предупредување Swissalert. Голем дел од Швајцарија од вчера попладне беше погоден од силни грмежни невремиња проследени со многу обилни врнежи.
⛈️ Nouvelle catastrophe à Zermatt en Suisse où des orages diluviens causent des inondations cette nuit, 8 jours après les précédentes. 🌊 (© Manuel Jorge) pic.twitter.com/eYuKmHmZT5
— Météo Express (@MeteoExpress) June 29, 2024
Европа
Русија соопшти дека соборила 36 дронови испратени од Украина
![](https://makfax.com.mk/wp-content/uploads/2024/04/shahed-136-dron00002-830x0.jpg)
Системите на руската противвоздушна одбрана уништија 36 дронови, испратени од Украина во текот на изминатата ноќ кон територијата на Русија, соопшти Министерството за одбрана во Москва.
Петнаесет беспилотни летала се соборени над Курска област, девет над Липецка, по четири над Воронешка и Брјанска и по два над Орловска и Белгородска, посочи Министерството во објава на социјалната мрежа Телеграм.
Европа
Четиринаесетгодишно девојче е киднапирано во Грција, во месноста Лариса
![](https://makfax.com.mk/wp-content/uploads/2024/06/isceznata.jpg)
Четиринаесетгодишно девојче е киднапирано во Грција, во месноста Лариса, а активирана е „Амберт алерт“ – килибарна тревога. Девојчето Хрисула Хрисобаланти исчезнало на 27 јуни околу 20.30 часот. Се претпоставува дека девојчето било киднапирано од постаро лице.
Медиумите пренесуваат дека девојчето е високо 155 сантиметри, тешко 55 килограми, долга кафена коса и темнозелени очи.
Во моментот на нејзиното исчезнување носела зелени бермуди, бела маица и бели влечки.
Грчките власти пред неколку дена известија дека трагаат по девојчето Константина-Ирини Р.(16), кое исчезна од предградието Ахарнес во Атина.
Според грчките медиуми, девојчето последен пат била видена во неделата на 16 јуни во вечерните часови.