Скаути на три англски екиши, во петокот биле во Минхен на натпреварот меѓу Баерн и Лајпциг. Скаутите го следел напаѓачот на Лајпциг, Бенјамин Шешко.

Словенечкиот интернационалец успеа да постигне гол во втората минута, но не му помогна на тимот да избегне убедлив пораз (1:5).

Специјализираните фудбалски портали пренесуваат дека скаут ина Јунајтед, Сити и Арсенал, во петокот во Минхен го гледале Шешко.

Шешко долго време е на мета на англиските клубови, финансиски најмоќните во светот, па лесно може да се погоди во која насока ќе оди неговата кариера.

Прашање е само кој англиски клуб ќе победи во трката за потписот на Словенецот.

Секој што сака да го направи тоа ќе мора да издвои меѓу 70 и 75 милиони евра, колку што бара Лајпциг.

Јунајтед, како и Сити, минува низ тежок период во последните неколку недели, на кој не му се гледа крајот, па оттука и потребата да се најде голгетер од врвна класа како решение за лошите резултати. Од друга страна, Арсенал е во врвот, ќе се бори за титулата, но тимот на Артета има проблем со реализицијата

Како и да заврши оваа трансфер сага, кој на крајот ќе ја добие битката за Шешко ќе добие потенцијална машина за голови и моќен адут во офанзивната линија.

Фудбалерот Романо Флориани веќе подолго време е во центарот на вниманието на италијанските медиуми поради неговото потекло. Неговото целосно име е Романо Бенито Флориани Мусолини.

Романо е правнук на Бенито Мусолини, диктаторот кој влијаеше на ширењето на фашизмот во Европа во средината на 20 век.

Младиот Романо повторно „влијаеше“ да се дискутира за Мусолини 80 години подоцна, но сега во поинаков контекст.

Флориани сега е член на Јуве Стабија која се натпреварува во Серија Б, а беше единствениот стрелец на натпреварот против Чезена.

По голот, сите навивачи на тимот од предградието на Наполи, кои според политичките определби и припаѓаат на левицата, поради што на натпреварите на клубот често се гледаат слики од Че Гевара, сега ги нарушија своите идеали.

Дали прпвоцираа или само го прославија голот, тие го поздравија Флориани како што тоа го правеа фашистите за време на Втората светска војна.

Самиот фудбалер не сака да зборува на оваа тема, неколку пати потенцираше дека не го интересира политика.

„Мојот прадедо Бенито беше значајна личност во Италија, но ова е 2024 година и светот се промени. Сето ова не ми пречи, бидејќи тоа што го правам нема врска со политика. Подготвен сум за предизвици, мое е да ги замолчам сите оние кои негуваат предрасуди кон мене поради моето презиме“.

Benito Mussolini’s great grandson Romano Mussolini scores for Serie B side Juve Stabia pic.twitter.com/WvDYB1QUtx

— Matteo Bonetti (@Bonetti) December 22, 2024

Илкај Гундоган една сезона мина во Барселона, поради финасиските проблеми со кои се соочува клубот мораше да замине, па се врати во Манчестер сити.

Поранешниот германски репрезентативец е далеку од формата во која беше во првиот мандат на „Етихад“, кога беше еден од најважните фудбалери во тимот на Пеп Гвардиола.

Сити во последните два месеци не игра добро, има само една победа на последните 12 натпревари. Јасно е дека на крајот од сезоната Гвардиола ќе мора да направи реконструкција. Како што сега стојат работите Гундоган нема да добие понуда за нов договор.

Целата ситуција ја следат во Интер. Спортскиот директор Бепе Марота е познат по својата работа, односно да донсе врвен фудбалер без клубот да плати оштета.

Имено, италијанските медиуми пренесуваат дека Гундоган сака да се пресели во Интер.

Гундоган за германската репрезентација одигра 82 натпревари и постигна 19 голови, а пред Сити играше за Дортмунд и Барселона.