Спорт
Кадена СЕР: Мбапе се договорил со Реал

Сагата околу трансферот на Килијан Мбапе е една од главните теми во фудбалскиот свет, во последните две сезони. Повеќе извори тврдат дека Мбапе ќе го напушти ПСЖ во овој преоден рок. Напаѓачот има договор со „светците“ до наредното лето.
Мбапе ги шокираше сите во клубот, кога со писмо ги извести челниците на ПСЖ дека нема да ја искористи опцијата за продолжување на договорот до 2025 година.
Напаѓачот сака да ја одработи оваа сезона во ПСЖ и потоа како слободен играч да го напушти клубот. Желбите на играчот се едно, а реалноста во која се наоѓа клубот нешто друго.
ПСЖ мора да го продаде играчот за да го испочитува финансискиот фер-плеј, во спротивно ќе се најде во серизни проблеми.
Француските медиуми вчера објавија дека клубот му поставил ултиматум на Мбапе и дека тој има рок до крајот на јули да каже дали ќе го продолжи договорот, доколку не го стори тоа ќе биде продаден.
Истовремено, шпанскиот Кадена СЕР пренесува дека играчот ги договорил личните услови со Реал и дека сега се чека само договор меѓу клубовите околу обештетувањето.
Според овој извор, Мбапе ќе добие петгодишен договор во „кралскиот клуб“, до летото 2028 година. Неговата плата ќе изнесува 50 милиони евра годишно. Покрај тоа, клубот во неговиот договор ќе вклучи клаузула за обештетување од една милијарда евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Победата на Барселона кај Мајорка во сенка на судиските одлуки

Фудбалерите на Барселона триумфираа на Мајорка (3:0), во натпревар за кој ќе се зборува поради судиските одлуки на Хозе Луис Мунуера.
Домашниот тим играше со двајца играчи помалку од 39-та минута. Ведат Муриќ доби директен црвен картон, само шест минути по вториот жолт картон што го заработи Ману Морланес.
Во ситуација „11 на 11“, Барселона покажа класа, постигнувајќи два гола за околу дваесет минути.
Прво, Рафиња го совлада Лео Роман во седмата минута, но домашните сметаа дека голот е нЈрегуларен. На почетокот од акцијата, се чини дека топката излезе надвор, пред Ламин Џамал да ја собере и да ја продолжи играта.
El gol de Raphinha viene de un balón que recupera Lamine Yamal que sale por banda.
Es una vergüenza de LIGA desde el primer partido 🤢🤢🤢🤢pic.twitter.com/ZGqXVU305s
— REAL MADRID FANS 🤍 (@AdriRM33) August 16, 2025
Во 23-та минута, Феран Торес, постигна гол од околу дваесет метри, но откако претходно судијата не ја прекина играта бидејќи еден играч на Мајорка остана да лежи на теренот откако топката го погоди во главата.
Судијата Мунуера беше во центарот на вниманието во судиското продолжение од првото полувреме, кога го казни Рафиња за особено остар и невнимателен старт само со жолт картон.
Comment tu met pas rouge à Raphinha là ??? pic.twitter.com/AdcTnSratT
— Kenpachi (@Kenpachi1070) August 16, 2025
Не беше реално Мајорка да му наштети на шампионот во вториот дел со деветмина на теренот. .
Јамал го постави конечниот резултатво четвртата минута од судиското продолжение.
Барселона ќе го пречека Леванте во следната рунда, додека Мајорка ќе ја пречека Селта Виго.
Foto/ EPA
Спорт
(Видео) Дончиќ се повреди – веднаш го напушти теренот

Словенечката кошаркарска репрезентација загуби од Латвија со 100:88 во подготвителен натпревар пред Евробаскетот.
Освен поразот, Словенија може да биде загрижена и за статусот на Лука Дончиќ, кој се повреди во третиот период.
За разлика од натпреварот против Литванија, овој пат Словенците играа со Лука Дончиќ, кој веќе во првото полувреме покажа каква движечка сила е за тимот на Александар Секулиќ.
Во првото полувреме, кошаркарот на Лос Анџелес Лејкерс постигна 26 поени за 17 минути игра, заедно со четири скока, пет асистенции и две украдени топки.
Третата четвртина им донесе главоболки на Словенците, Дончиќ се повреди откако соиграчот Грегор Хроват падна врз неговото колено.
Ѕвездата на Лејкерс веднаш сигнализираше дека не може да ја продолжи играта, па го напушти теренот и се упати кон соблекувалната.
Подоцна, се врати на клупата, од каде што го следеше натпреварот до крајот.
Ова беше четвртиот пораз за Словенците во подготвките. Двапати загубија од Германија, а пред Латвија загубија и од Литванија.
Foto/ EPA/TOMS KALNINS
Luka Doncic’s teammate fell into him and the Lakers star appeared to injure his knee.
Doncic asked out of the game and went back to the Slovenia locker room. pic.twitter.com/RLSDjpeQkS
— ClutchPoints (@ClutchPoints) August 16, 2025
Спорт
(Видео) „Граѓаните“ се прошетаа низ Вулверхемптон

Фудбалерите на Манчестер сити убедливо славеа на гостински терен кај Вулверхемптон (4:0), на почетокот од сезоната во Премиер лигата.
Ерлинг Халанд ја започна сезоната со два гола, а со по гол на официјален натпревар дебитираа Тижани Рејдерс и Рајан Шерки.
Сити ќе го пречека Тотенхем следната недела, додека Вулверхемптон ќе биде домаќин на Борнмут.
Премиер лига, 1. коло:
Сабота
Брајтон – Фулам 1:1 (0:0)
(О’Рајли 55п – Мунис 90+7)
Сандерленд – Вест Хем 3:0 (0:0)
(Маџенда 61, Балард 73, Исидор 90+2)
Тотенхем – Барнли 3:0 (1:0)
(Ришарлисон 10, 60, Џонсон 66)
Вулверхемптон – Манчестер Сити 0:4 (0:2)
(Халанд 34, 61, Рејндерс 37, Шерки 81)
Астон Вила – Њукасл 0:0
Недела
15.00 Челзи – Кристал Палас
15.00 Нотингем Форест – Брентфорд
17.30 Манчестер Јунајтед – Арсенал
Foto/ EPA/ADAM VAUGHAN