Спорт
(Видео) Фелипе Маса бара отштета за „заговорот“ да остане без светската титула во 2008!
![](https://makfax.com.mk/wp-content/uploads/2023/08/fb54d0b228448af83476740375ae29c540e637bb.jpg)
Адвокатите на поранешниот возач на Ферари, Фелипе Маса, почнаа со правната постапка против шефовите на Ф1 и Светската автомобилистичка федерација (ФИА), барајќи „значителна отштета“ поради „заговорот“ да ја загуби светската титула од 2008 година.
42-годишниот Маса смета дека бил „ограбен“ за титулата со постапки на врвните луѓе на спортот, со што загубил милиони долари во заработувачка и бонуси. Од ФИА и Ф1 засега нема коментар.
„Да се објасни ситуацијата поедноставно – г-динот Маса е правичниот шмпион од 2008, а ФИА и Ф1 намерно ги игнорираа мамењата поради кои остана без титула. Г-динот Маса не може целосно да ги опише своите загуби, но се работи за проценка од над 10 мииони евра“, се вели во писмото пратено до ФИА и Ф1, на кое очекуваат одговор во следните 14 дена.
Маса водеше на Сингапур ГП трката во 2008 година, кога неговиот бразилски сонародник, Нелсон Пике Јуниор се судри со своето Рено во 14. круг. По ова излезе безбедносното возило, по кое колегата на Пике, Фернандо Алонсо победи, а Маса не ја заврши трката по бизарен инцидент во боксот. Губењето на овие поени придонесе Луис Хамилтон, тогаш во Мекларен да го победи на последнатат трка.
Пике во 2009 година откри дека шефовите на Рено, предводени од Флавио Бријаторе му наредиле да се судри за да му помогне на Алонсо, за што тој и Бријаторе добија суспензии. Маса тврди дека тогашните шефови, Берни Еклстоун и покојниот претседател на ФИ, Макс Мозли, знаеле за ова, но не го казниле Пике и Рено.
„Сакам правда и да се дознае што се случувало. Шефовите на Ф1 и ФИА го знаеја тоа и во 2008 и не направија ништо. Дали тоа е фер?“, изјави Маса во мај оваа година.
Маса не беше блиску до титулата по таа 2008, откако на Унгарското ГП во 2009 доби страшна повреда на главата, но потоа се врати на спортот. Тој се повлече од Ф1 во 2017.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Ферстапен победи во Шпанија пред Норис и Хамилтон
![](https://makfax.com.mk/wp-content/uploads/2024/06/12320773.jpg)
Возачот на Ред Бул, Макс Ферстапен победи на Шпанското ГП. Второто место го зазеде Ландо Норис за Мекларен, додека трет заврши асот на Мерцедес Луис Хамилтон.
Стартот на Големата награда на Шпанија беше највозбудиот дел од трката. Трката со брилијантен потег ја отвори возачот на Мерцедес Џорџ Расел – стартуваше од четвртото место, но веќе во првиот свиок се проби на челната позиција.
Сепак, водството на Расел беше краткотрајно, бидејќи Ферстапен го стигна и го престигна на почетокот на третиот круг.
Од тој момент, актуелниот шампион го диктираше темпото и беше во водство, освен кога менуваше гуми.
Норис, влезе во борба со пилотите на Мерцедес, стигна до втрото место, но не успеа да му се доближи на Ферстапен.
Зад најдобрите тројца се пласираа Џорџ Расел од Мерцедес, двоецот на Ферари Шарл Леклер и Карлос Саинц, Оскар Пјастри (Мекларен), Серхио Перез (Ред Бул), а во Топ 10 беа и полотите на Алпин Пјер Гасли и Естебан Окон.
Спорт
УЕФА одлучи: Два меча суспензија за Даку по навредите за Македонците и Србите на Европското првенство
![](https://makfax.com.mk/wp-content/uploads/2024/06/daku-2.jpg)
Албанската фудбалска федерација соопшти дека УЕФА му ja изрекла забраната на албанскиот репрезентативец, Мирлинд Даку. Тој доби два меча суспензија откако ги наведе навивачите на националистички скандирања, пренесе „Асошиејтед прес“.
Даку зеде мегафон по ремито 2-2 на Албанија со Хрватска во средата во Хамбург и извика:„Е*и ги Македонците…, е*и ги Србите…“
Албанската федерација, исто така, соопшти дека УЕФА изрекла казни во вкупна вредност од 47.250 евра (50.500 американски долари) за инцидентите на натпреварот, кога албанските и хрватските навивачи извикуваа антисрпски пароли.
Српската фудбалска федерација по инцидентите објави дека ќе го напушти турнирот доколку УЕФА не казнува.
Албанија ќе го игра решавачкиот натпревар од групната фаза во понеделник против Шпанија.
Спорт
Марej се повлече од Вимблдон
![](https://makfax.com.mk/wp-content/uploads/2024/06/m.jpg)
Енди Мареј, некогашниот тенисер број еден во светот, сепак нема да игра на Вимблдон.
Тој во саботата мораше да оди на операција на циста и тоа е причината да не биде на третиот Грен слем сезонава.
Мареј играше оваа недела на турнир во Квинс, но мораше да му отстапи меч од второто коло на Џордан Томпсон.
Според првите информации, тој ќе има пауза од шест недели, па под знак прашалник е и неговото учество на Олимписките игри во Париз.
“По операцијата на цистата на ‘рбетот, за жал, Енди Мареј нема да биде на Вимблдон. Заздрави и одмори се Енди, на сите ќе ни недостигаш таму”, изјавија организаторите на турнирот.