Регион
Грчки полицаец ја убил поранешната сопруга: пред крвавиот чин ги однел нивните две деца на училиште
38-годишен грчки полицаец со пушка ја убил 42-годишната сопруга, а потоа се самоубил. Трагично настраданиот пар има две деца, кои, според грчките медиуми, сè уште не знаат ништо за злосторството.
Според полициските информации, делото се случило во стан во месноста Каламарија.
Соседите ја известиле полицијата за пукањето. Безживотните тела биле пронајдени кога пристигнале на местото на настанот.
Убиецот ги одвел своите две деца на училиште непосредно пред да го изврши крвавиот чин.
Тој и неговата сопруга се разделени од минатата година.
Полицаецот немал службено оружје.
Според информации, полицискиот службеник Л. М. служел во одделот за технички апликации на северна Грција и немал службено оружје.
Ја застрелал сопругата со пушка, при што смртно ја ранил во стомакот.
Нивните деца моментно посетуваат психолог и се обидуваат да најдат начин да ги информираат за ситуацијата.
„Ги познавам со години, последната година беа разделени, не живееја заедно“, вели локален жител, кој ја познавал поранешната двојка.
Властите истражуваат дали мотивите на убиецот се поврзани со љубомора.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Под сомнение за планирање терористички напад уапсено е малолетно девојче од Црна Гора
Во Австрија е уапсено четиринаесетгодишно девојче од Црна Гора, кое, според австриските медиуми планирало терористички напад на Јакоминиплац во Грац, а истражителите од Државната служба за државна безбедност и борба против екстремизмот во Штаерска успеале да спречат тоа.
При претресот на куќата, како што пишува истиот медиум истражителите заплениле секира и нож.
Информациите за планираниот напад дојдоа од Европска безбедносна управа. На овој начин, локалните истражители од Државниот завод за државна безбедност и борба против екстремизмот (ЛСЕ) на Штаерска им влегле во трага на првично непознатите лица.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.
Регион
Убиство и самоубиство во Бјеловар, Хрватска
Во Бјеловар, Хрватска во семејна куќа се пронајдени две починати и едно тешко повредено лице, кое е префрлено во болница. Најверојатно се работи за насилна смрт, а според неофицијални информации, мажот ја убил мајката на неговата жена, а се обидел да ја убие и сопругата која е тешко повредена.
Напаѓачот, според првичните инфрормации се самоубил.
Хрватската полиција засега не ги потврдува неофицијалните информации дека се работи за убиство и самоубиство.
Полицијата дојавата ја добила околу 10 часот, а на местото се врши увид.