Снимките од воздух покажуваат како четворица украински војници излегуваат од уништена куќа, едниот со кренати раце во знак на предавање, а потоа легнат со лицето надолу во тревата во селото Пјатихатки во јужна Украина. Над нив стојат вооружени руски војници.

Два дрона, едниот украински, а другиот руски, ја снимиле целата ситуација од воздух. Компаративната анализа на двете видеа, до која дојде Асошиејтед прес, открива шокантна разлика во содржината: во руското видео затворениците се живи, а видеото нагло престанува. Снимката од украинскиот дрон ја покажува нивната егзекуција од непосредна близина.

-4 servicemen of the 🇺🇦 128th Mountain Brigade. TWK. Piatykhatky, March 13. pic.twitter.com/hF4ghOO8f2

— Niebla de Guerra (@NieblaGuerra) April 10, 2025

Според видеото добиено од европските воени претставници и анализирано од Британскиот центар за информативни истраги (ЦИР), војниците кои носат руски воени ознаки го креваат оружјето и пукаат на секој од четворицата Украинци во грб.

„Од сите егзекуции што ги анализиравме од крајот на 2023 година, ова е едно од најјасните“, рече Роло Колинс од ЦИР. „Ова не е убиство во борба. Ова е незаконска егзекуција“.

Според информациите кои ги добил АП од европски претставници, инцидентот се случил на 13 март. Два дена претходно, руските војници објавија видео на социјалните мрежи на кое се гледа како поставуваат знаме среде урнатините на Пјатихатки, во регионот Запорожје.

На руската снимка се гледа моментот кога експлозивниот дрон влегува во куќата во која се криеле Украинците, а потоа еден од затворениците излегува со кренати раце и лежи на земја со останатите.

Украинските снимки покажуваат како руски војници накратко ги прегледуваат затворениците, а потоа пристигнуваат уште двајца, комуницираат преку радио, а потоа започнува егзекуцијата. Руски војник се приближил со оружје во рака и почнал да пука, а му се придружиле и уште двајца. Додека едниот го наполнува оружјето, вториот пука во главата и шлемот на еден војник, а третиот потоа ги „завршува“ сите останати. Ги убиваа еден по еден, методично.

Украинската 128-та бригада на планинските сили, која го сними инцидентот, одби да коментира бидејќи е започната истрага. Украинската служба за безбедност потврди за АП дека случајот се истражува како можно воено злосторство.

Според украинските податоци, руските сили егзекутирале најмалку 245 украински воени заробеници од почетокот на инвазијата. Обвинителите тврдат дека не станува збор за изолирани случаи, туку за систематска практика поддржана од највисокото раководство на руската влада.

И покрај тоа што е речиси половина од април, месецот кој повеќето го поврзуваат со пролетта, утрово во турската престолнина паѓа обилен снег.

It snows in Ankara in mid-April pic.twitter.com/W25pICcR5r

— Ragıp Soylu (@ragipsoylu) April 11, 2025

Турскиот новинар Рагип Сојлу објави видео од Анкара со натпис: „Во Анкара врне снег во средината на април“.

Метеоролозите вчера предупредија на обилни врнежи и бурни ветрови.

Гувернерот на Анкара, Васип Шахин, вчера најави дека сите образовни институции во турската престолнина денеска ќе бидат затворени поради неочекуваните временски услови.

Yapılan son meteorolojik değerlendirmelere göre; İlimizde yarın (Cuma) ilk saatlerden itibaren başlayacak kar yağışının öğle saatlerine kadar etkili olması, yer yer 15 cm’ye kadar kar örtüsü bırakması ve ayrıca kuvvetli rüzgar ve fırtına (40 ilâ 60 km/h ) beklendiğinden,…

— Vasip Şahin (@vasipsahin) April 10, 2025

Според неговата објава на социјалните мрежи, прогнозите покажуваат дека снегот ќе почне да паѓа во раните утрински часови и ќе продолжи до пладне, со можни акумулации и до 15 сантиметри во некои делови од градот. Најавени се и удари на ветер од 40 до 60 километри на час.

Русија изврши напади со беспилотни летала врз украинскиот главен град Киев и Миколаев на југот на земјата во текот на ноќта, при што беа повредени најмалку 12 лица, соопштија властите.

Две жени се повредени во главниот град, каде што дроновите предизвикаа пожар во магацин и оштетија станбени згради, соопшти градската воена управа на Киев.

Украинските воздухопловни сили соопштија дека собориле 85 од 145 беспилотни летала лансирани од Русија во нејзиниот напад во текот на ноќта. Се додава дека 49 други не успеале да ги постигнат своите цели, најверојатно, поради контрамерки од електронско војување.

Воздухопловните сили не разјаснија што се случило со преостанатите 11 беспилотни летала.

Во нападот во текот на ноќта беа повредени и 10 лица во јужниот град Миколаев, изјави регионалниот гувернер Виталиј Ким.

Во рускиот напад оштетени се и девет станбени згради, 30 гаражи и една административна зграда, додаде тој.

Русија негира дека намерно гаѓа цивили, но илјадници се убиени и повредени во нејзината инвазија на Украина.