Регион
По пет месеци од трагедијата во „Рибникар“: два инцидента во училишта, кај ученици најдени нож и лажен пиштол
Не помина ниту половина година од трагедијата во „Рибникар“, а за три дена се случија два тешки инцидента во основните училишта во Чачани, во кои актери се ученици.
Во ОУ „Танаско Раиќ“ во Чачак осмоодделенка донела нож во училиште за да ги исплаши учениците, кои го малтретирале брат ѝ. Во Основното училиште во Прељина вчера ученик донел реплика на пиштол во училиштето, што ги преплашило учениците.
Репортерот на ТВ „Нова“, Небојша Јовановиќ, утрово беше на самото место и се обиде да дознае какви се реакциите на училиштата за сите овие инциденти и дали нешто е сменето во однос на минатата година. Од училиштата сè уште нема официјално соопштение за овие инциденти. Против родителите на девојчето што донело нож во училиштето „Танаско Раиќ“ е поднесена прекршочна пријава.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
За една недела тројца исчезнати туристи пронајдени мртви на грчките острови
За само една недела тројца исчезнати туристи се пронајдени мртви на грчките острови, јавија грчките медиуми. Турист од САД кој исчезна на островот Матраки вчера е пронајден мртов како трет во изминатата недела, јавува грчката телевизија Скај њуз.
55-годишен маж исчезна од својот хотел на грчкиот остров Матраки во Јонското Море минатиот вторник, а 74-годишен маж од Холандија беше пронајден мртов на островот во саботата.
Британскиот ТВ водител д-р Мајкл Мозили беше пронајден мртов на егејскиот остров Сими пред една недела. Тој очигледно паднал по стрмна падина, изјави градоначалникот на Сими, Лефтерис Папакалодукас за Sky News.
Според грчките медиуми, во Грција моментално се водат како исчезнати уште неколку туристи.
Американски турист, 59-годишниот Алберт Калибет, исчезна на егејскиот остров Аморгос додека планинареше, а операцијата за потрага по двајца исчезнати француски туристи продолжува на егејскиот остров Сикинос.
Во соопштението на грчките власти се наведува дека спасувачката мисија ќе користи доброволци, пожарникари и ќе регрутира дополнителен полициски тим од блискиот остров Иос.
Регион
Црвен аларм за туристите на Јадранот: месојадни црви забележани на плажите во Будва, Црна Гора и во Италија
Месојадни црви се забележани на плажите во Будва, Црна Гора и во италијанските региони Сицилија, Калабрија и Апулија. За туристите и за жителите од овие региони издаден е црвен аларм за инвазија од месојадните црви, пишуваат денес српските и црногорските медиуми.
Невротоксинот во што го испуштаат месојадните црви предизвикува главоболка и вртоглавица. Долги се од 20 до 30 сантиметри и главно живеат на камено но и во песочното морско дно. Вообичаени се на Карибите и во тропските региони на западниот Атлантик.
Институтите за истражување на црви предупредуваат дека ваквите црви прават штета на рибарската индустрија оти се фаќаат за риболовната опрема. Многумина истражувачи работат на ограничување на ширењето на овој вид црви и на социјалните мрежи поттикнуваат секој што ќе ги забележи да пријави.
За оние кои ќе дојдат во допир со вакви црви, експертите советуваат боцките да се отстрануваат со суви прсти или леплива лента за да се избегне триење на кожата. Освен дезинфекција, препорачуваат да се измијат со ладна вода зафатените делови од телото и посета на лекар доколку се појават алергиски симптоми или покачена телесна температура.
На социјалните медиуми, минатиот месец, вакви црви првпат беа пријавени во Будва, Црна Гора.
Регион
11-годишно момче со велосипед падна од три метри висина на Калемегдан во Белград
Единаесетгодишното момче вчера вечерта паднало од тврдината Калемегдан во Белград и се здобило со тешки телесни повреди. Како што пренесуваат српските медиуми, момчето возело велосипед во паркот Калемегдан и паднало од висина од три метри.
Белградската Итна помош соопшти дека со повреди момчето било пренесено во Ургентниот центар каде е задржано на лекување.