Спорт
(Видео) Дончиќ со трипл-дабл му го расипа дебито на Вембањама
Лука Дончиќ со трип-дабл ја отвори новата сезона во НБА лигата. Словенецот го предводеше Далас, во дербито на Тексас, до победата над Сан Антонио Спарс со 126:119. За Сан Антонио дебитираше првиот пик на драфтот Виктор Вембањама.
Дончиќ, чии настап на овој натпревар беше под знак прашалник, влезе во историјата на НБА лигата.
Тој одигра 34 минути, во статистиката запиша 33 поени, 13 скока и 10 асистенции, со што стана само третиот кошаркар во историјата на НБА кој постигнал трипл-дабл со 30 или повеќе поени на отворањето на сезоната.
Оскар Робертсон го направи тоа двапати, во 1961 и 1966 година, а во поновата ера тоа му успеа само на Јанис Адетокумбо во 2019 година. Тој стана и првиот играч на Далас со трипл-дабл во првиот натпревар од сезоната.
Натпреварот кој се очекуваше поради дебито на Вембањама, новото кошаркарско чудо за кое стручњаците велат дека ќе доминира во наредните години, го одбележа сензационална игра на поискусниот Словенец, чиј тим минатата сезона го пропушти плеј-офот, во новата влезе со големи амбиции.
Кајри Ирвинг додаде 22 поени, Грант Вилијамс и Тим Хардавеј Јуниор по 17, а дебитантот Лајвли одлично се претстави со 16 поени и 10 скока.
Повеќе од 40 години никој не влезе во НБА лигата со најмалку 15 поени и 10 скока, со реализација од најмалку 80 отсто.
Вембањама, кој изгледаше одлично во претсезоната, рано влезе во неволји со личните грешки, одигра 23 минути во своето деби во НБА. Ги искористи за 15 поени и пет скока, а имаше и пет загубени топки. Тој во последните седум минути од натпреварот постигна девет поени од вкупниот учинок.
Девин Васел беше најефикасен кај Сан Антонио со 23 поени.
Резултати:
Шарлот – Атланта 116:110
Индијана – Вашингтон 143:120
Њујорк – Бостон 104:108
Орландо – Хјустон 116:86
Бруклин – Кливленд 113:114
Мајами – Детроит 103:102
Торонто – Минесота 97:94
Чикаго – Оклахома 104:124
Мемфис – Њу Орлеанс 104:111
Јута – Сакраменто 114:130
Сан Антонио – Далас 119:126
ЛА Клиперс – Портланд 123:111
Foto/ EPA
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(ВИДЕО) Историска победа на Турција
Турција со одличен резултат се пласира во четвртфиналето на европското првенство, откако ја совлада Австрија која доживеа вистински пораз.
Годинава на Европското беа на првото место во една од најтешките групи, и изгледаа дека имаат одличен компактен тим за кој многу експерти предвидуваа дека ќе го оди до крај.
Сепак, Турција беше подобра и поради дисциплинираната одбрана.
Турција од вечерва ќе стане побогата за две фудбалски имиња – Мерих Демирел и Мерт Гунок.
Дефанзивецот Демирел постигна два гола од корнер, а Гунок со одлична одбрана во последните минути од натпреварот ја спаси победата на тимот.
Голманот на турската репрезентација херој на мечот.
Тој во последните моменти од мечот против Австрија го сопре обидот на Кристоф Баумгартнер и на тој начин спречи израмнување (2:1).
Голманот на Бешикташ ја направи можеби најдобрата одбрана на турнирот, ако се земе предвид моментот на игра.
Извесно е дека Турците имаат играчки и тактички квалитет за понатамошниот тек на натпреварувањето, а резултатот од 2008 година, односно полуфиналето, сигурно ќе биде мотив за следната рунда.
Спорт
Нема ден без селекторот
Пикси смета дека дал максимум за својата репрезентација.
Во наредниот период се очекува Стојковиќ да има разговори со првиот човек на ФСС Драган Џајиќ, а потоа и со претседателот на државата.
Во договорот потпишан од ФСС со Стојковиќ стои дека во случај на отказ, ќе му се должи сума од еден милион евра, а тоа е еден од главните проблеми околу оставката на актуелниот тренер, што можеби нема ни да се случи!
Доколку во секој случај ФСС решат да ја прекинат соработката со Стојковиќ, ќе имаат тешка работа во поглед на наоѓање нов тренер.
Од тамошните тренери на таа функција претендираат Славиша Јокановиќ и Александар Јанковиќ, додека веќе на големо се зборува дека во случај на отказ на Стојковиќ на негово место би можел да дојде тренер од странство.
Србија во септември ќе има обврски во Лигата на нации каде ќе се натпреварува во најсилната А дивизија, а ривали во групата ќе бидат Шпанија, Данска и Швајцарија, сите учесници во нокаут фазата на ЕП.
Србија во декември ќе ги добие ривалите во квалификациите за СП 2026 година, а борбата за пласман на Мундијалот во САД, Мексико и Канада ќе започне во март 2025 година.
Спорт
Модерниот дом на фудбалот
Модерниот дом на фудбалерите на Лајпциг се наоѓа на местото на некогаш најголемиот стадион во Германија и еден од најголемите во Европа.
Во него се вградени најнапредните аудио-визуелни системи.
Oсветлувањето е интегрирано во покривот, а акустиката на стадионот е најдобра во земјата.
„Стадионот Лајпциг“, како што официјално се нарекува за време на Европското првенство, прима 40.000 навивачи – помалку од сите останати.
Поради добрата акустика, стадионот во Лајпциг беше домаќин на концертите на Тина Тарнер, Пол Макартни и многу други музички великани.
Градот Лајпциг е познат во светот по својата богата музичка традиција и импресивна архитектура.
Кулата висока 142,5 метри е најпрепознатливото архитектонско обележје на Лајпциг, а палубата за набљудување на 31-ви кат нуди панорамски поглед на целиот град и поширокиот регион.
Ова е последен дуел на Европското првенство што ќе се одигра во Лајпциг.