Спорт
(Видео) Вардар ја победи Брера, Шкупи убедлив против Работнички
Фото/ facebook.com/FKVardarSkopje
Вардар ја запиша втората последовна победа во домашниот шампионат, Шкупи убедливо го порази Работнички, шампионот Струга загуби во Гостивар, Воска однесе бод од Тетово, против Шкендија, а Тиквеш во 96.минута се спаси од пораз кај Македонија ЃП.
Шкупи и Шкендија по 12.рунди во домашноот првенство се израмнети на челната позиција на табелата со по 25 поени. Шкупи го искористи киксот на Шкендија.
Во Чаир со 3:0 го порази Работнички, со двата гола на Куевен во 39. и 74.минута и Кука 52.минута.
Во Тетотво, Воска имаше предност над Шкендија од 47.минута преку Бајрами. Бод за Шкендија спаси Шала во 74.минута.
Вардар на стадионот во Маџари, забележа уште една минимална победа. Во минатото коло црвено-црните со 1:0 го победија Работнички, а во ова со ист резултат славеа против АП Брера. Единствениот гол во третата минута го постигна Омерагиќ.
Тиквеш во Ѓорче Петров, освои бод против Македонија со голот на Ивановски во 96.минута. Претходно домаќинот водеше со голот на Попзлатанов во 33.минута.
Актуелниот првак Струга доживеа непланиран пораз во Гостивар. Гостиварци имаа предност со головите на Кехунде и Потук, Стружани успеаја само да намалат преку Кампоаре во 90. минута.
Резултати, 12.коло:
Шкендија-Воска спорт 1:1
Вардар-АП Брера 1:0
Шкупи-Работнички 3:0
Гостивар-Струга ТЛ 2:1
Македонија ЃП-Тиквеш 1:1
Табела:
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ројс со пиво почести 80.000 навивачи
Фудбалерот на Борусија Дортмунд, Марко Ројс го одигра последниот натпревар на „Вестфален“, пред домашните навивачи.
Во последното коло од Бундес лигата Дортмунд, вчера победи против Дармштад со 4:0, а меѓу стрелците се запиша и Ројс. Од слободен удар го постигна вториот гол на натпреварот.
Ројс ги почести сите 80.000 фанови со пиво со порака на прошталниот натпревар.
„Во благодарам за се! Последната тура пиво е на мене”.
Германецот по 12 години ја напушта Борусија, а колку се емотивни неговите соиграчи и навивачи покажува кореографијата што му ја подготвија.
На Ројс му останува уште еден натпревар, а тоа е финалето од Лигата на шампионите на 1 јуни против Реал Мадрид на „Вембли“.
Dortmund reverencia Marco Reus. Hoje a festa é sua, craque! 👏🟡⚫️#BundesligaNoSportv pic.twitter.com/DyEIvSxW0s
— sportv (@sportv) May 18, 2024
Спорт
(Видео) Дончиќ и Далас во финалето на Западот
Кошаркарите на Далас ја победија Оклахома со 117:116 и се пласираа во финалето на Западната конференција.
Маверикс со вкупен резултат 4:2 го победија Тандер, тимот кој регуларниот дел од сезоната го заврши на првото место на Западот.
Победничките поени за Далас ги постигна Пи Џеј Вашингтон од линијата за слободни фрлања на 2,5 секунди до крајот, поточно го погоди првото, а намерно го промаши второто, а во преостанатото време играчите на Тандер имаа само време да шутираат од својата половина и не успеаја да реализираат.
Оклахома пропушти голема шанса да избори мајсторка бидејќи во третата четвртина имаше предност од 17 поени.
Херој на Маверикс, како и обично, беше фантастичниот Словенец Лука Дончиќ, кој блескаше и оствари трипл-дабл со 29 поени и по 10 скока и асистенции.
Трагичар на Оклахома беше нејзиниот најдобар играч, Шај Гилџис-Александер, кој го фаулираше Вашингтон. Најефикасниот кошаркар на натпреварот постигна дури 36 поени.
Спорт
(Видео) Усик го победи Фјури – Светот доби апсолутен шампион во тешка категорија
По 24 години светот на боксот има апсолутен шампион во тешка категорија. Тоа е Украинецот Александар Усик, кој по 12 извонредни рунди го совлада Британецот Тајсон Фјури во долгоочекуваниот меч.
Двајца судии гласаа за Усик (114-113 и 115-112), а еден за Фјури (114-113).
Усик тргна подобро, беше поагресивен во почетната фаза од мечот, но во шестата рунда се чинеше дека Украинецот е многу далеку од победа бидејќи беше разнишан од одличните комбинации на „кралот на циганите“.
Сепак, во деветтата рунда, Усик покажа зошто е еден од најголемите борци на својата генерација и со фантастичен бокс и различни притисоци, го нокаутира својот ривал.
Можеби судијата тука требаше да го прекина мечот, затоа што Фјури доби голем број на удари без активно да се брани и возврати. Гонгот на крајот од рундата го спаси видно дезориентираниот Фјури, а се чинеше дека Украинецот ќе успее да дојде до престана победа во следната рунда.
Сепак, Фјури „преживува“ до крајот на 12. рунда, но Украинецот победи на поени.
Борбата се одржа пред преполната „Кингдом арена“ во Ријад, а Усик сега е сопственик на сите главни титули на денешницата, во верзиите на ВБА, ВБЦ, ИБФ, ВБО (како и помалку значајната ИБО), титулата на списанието „Ринг“, како и титулата линеален шампион на светот.
Усик има совршени 22-0 како професионалец.
HOW did Tyson Fury survive this from Oleksandr Usyk 🤯 pic.twitter.com/49IbID0yNl
— Happy Punch (@HappyPunch) May 18, 2024