Спорт
Де Брујне во јануари се сели кај Роналдо и Мане
Кевин де Брујнe по повеќе од осум години го напушта Манчестер sити и најверојатно од јануари кариерата ќе ја продолжи во редовите на Ал-Наср од Саудиска Арабија. Работата наводно е веќе договорена, пишува „Газета дело Спорт“.
Кевин де Брујне од крајот на минатата сезона има проблем со повредите. И повеќе од јасно е дека неговото тело повеќе не може да ги издржи напорите во Премиер лигата и Лигата на шампионите.
Поради тоа во јануари е подготвен да им се приклучи на Кристијано Роналдо, Садио Мане, Марсел Брозовиќ и поранешниот соиграч од Сити Ајмерик Лапорте, во Ал-Наср.
„Газета дело Спорт“, пишува дека Де Брујне ја договорил платата и дека таа ќе биде значително поголема од онаа што ја има во Сити. Годишната плата на Белгиецот во Манчестер сити изнесува 20.800.000 фунти.
Кевин де Брујне пристигна во Манчестер сити во 2015 година од Волфсбург, за сума од 76.000.000 евра.
Во изминативе осум години за „Граѓаните“, одигра 358 натпревари и има учинок од 96 гола и 153 асистенции. Тој освои пет титули во Премиер лигата, една во Лигата на шампионите, два ФА купа, пет ЕФЛ купови и Комјунити Шилд.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Аталанта избори место во ЛШ
Аталанта следната сезона ќе игра во Лигата на шампионите. Тимот од Бергамо на тој начин им се приклучи на Интер, Милан, Јувентус и Болоња со оглед дека Италија ќе има пет претставници во елитата.
Аталанта во претпоследното коло победи во Лече со 2:0.
Гостите пропуштија можности преку Пашалиќ во шестата, Скамака во 27. кога ја погоди гредата, Запакоста во 39. минута …
Сепак, во вториот дел, тимот од Бергамо постигна два гола, поведе преку Де Кетеларе во 48. минута, а само пет минути подоцна Скамака го постави конечниот резултат.
На две кола пред крајот Аталанта има шест бода повеќе од шестопласираната Рома, но и подобар меѓусебен скор, па теоретски си го обезбедија пласманот во Лигата на шампионите, додека Лече е во сигурната зона.
Спорт
Шампионот загуби од Шкупи, Шкендија избори квалификации во КЛ, Вардар ќе игра бараж за опстанок
Фото/ fcstruga.com
Спуштена е завесата на сезоната 2023/2024 во Првата македонска фудбалска лига. Струга ја одбрани титулата, а второто место го освои Шкендија.
Струга во претходното коло, со победата над Шкендија ја одбрани титулата, па за овој тим дуелот со Шкупи на домашен терен немаше никаква важност. Шкупи победи во Струга со 2:1.
Головите за Шкупи ги постигнаа Рамани во деветата и Аворњо во 51 минута. Голот за шампионот го постигна Шабани во 30. минута. изедначи на 1-1.
Шкендија во Скопје го победи Работнички со 2:0. Стрелци беа Красниќи во 34. минута и Аганспахиќ во 72. минута. Со овој триумф Шкендија се избори за место во квалификациите за Конференциската лига.
Од лигата испаднаа Брегалница и Македонија ЃП, а бараж за опстанок ќе игра Вардар.
Резултати, 33. коло:
Струга Трим Лум – Шкупи 1-2
Работнички – Шкендија 0-2
Вардар – Тиквеш 2-2
АП Брера – Македонија ЃП 5-3
Брегалница – Силекс 1-1
Воска спорт – Гостивар 1-1
Табела:
Спорт
(Видео) Марко Ројс со гол се прости од „Вестфален“
Легендата на Борусија Дортмунд, Марко Ројс постигна гол на својот последен натпревар за „милионерите“ во Бундеслигата.
Тимот од „Вестфален“, го пречека тимот од Дармштад кој одамна испадна од Бундес лигата и славеше со 4:0.
Ројс не можеше да има подобро збогување од навивачите. го постигна вториот гол во 18.минута.
Марко Ројс својот последен меч за Борусија Дортмунд ќе го одигра на „Вембли“, кога „милионерите“ во финалето на Лигата на шампионите ќе се сретнат со Реал Мадрид.
MARCO REUS https://t.co/v1V07JgTsH pic.twitter.com/tuK5kmytzp
— MUFTI MESSI🇰🇲 (@FahadPulga) May 18, 2024