Свет
Сексуално малтретирал петгодишно момче во Париз, брутално го претепал, го задавил и го оставил да умре, обвинение за 29-годишен маж
29-годишен маж е обвинет за обид за убиство, кој беше уапсен под сомнение дека сексуално малтретирал петгодишно момче во Париз, а потоа брутално го претепал, го задавил и го оставил да умре.
Член на семејството на момчето, кој се наоѓа во болница во тешка состојба, потврдил дека осомничениот бил бебиситер и дека во последните три години редовно го чувал малото дете.
Момчето било пронајдено во петокот, завиткано во вреќа, на улица меѓу два автомобила. Малото момче било пронајдено околу 19 часот откако осомничениот влегол во полициска станица да пријави дека го убил детето.
Полицијата веднаш го уапсила, а додека бил на распит, на телефонот покажал фотографија од момчето и објаснил каде го фрлил телото. Во исто време полицијата повикала случајни минувачи, кои рекле дека пронашле дете во вреќа за ѓубре, кое едвај дише.
Кај детето биле констатирани тешки физички повреди на телото и вратот, а постои сомневање дека момчето било сексуално малтретирано. Како што пренесуваат француските медиуми, осомничениот му ја завиткал главата на детето во вреќа за ѓубре.
На рочиштето во Обвинителството осомничениот се бранеше молчејќи и не откри зошто го малтретирал и се обидел да го убие момчето.
Инаку, осомничениот и претходно бил обвинет за полов напад врз малолетник. Тој е осомничен дека во јуни минатата година вознемирувал дете што имало 15 години.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Кси Џинпинг му подари скулптури на Вучиќ кои го симболизираат кинеско-српското пријателство
За време на официјалната посета на Белград, кинескиот претседател Кси Џинпинг на српскиот претседател Александар Вучиќ му подари скулптури на Небесниот храм во Пекинг и Храмот на Свети Сава изработени од челик.
Фотографија на Кси Џинпинг и Вучиќ во присуство на нивните сопруги кои ги гледаат подароците беше објавена на интернет од страна на помошничката министерка за надворешни работи на Кина, Хуа Чунјинг, а пренесена од Спутник.
President Xi gifted President Vučić sculptures made of steel produced by the HBIS Smederevo steel plant. pic.twitter.com/66Mh5cae5v
— Hua Chunying 华春莹 (@SpokespersonCHN) May 9, 2024
Таа во најавата наведе дека на скулптурите се претставени небесниот храм во Пекинг и храмот Свети Сава во Белград, кои го симболизираат кинеско-српското пријателство.
Свет
Ердоган по повод Денот на Европа: Односот на некои земји кон кризата во Газа ја разниша вербата во европските вредности
Претседателот на Турција, Реџеп Таип Ердоган, објави порака по повод Денот на Европа, во која посочи дека политиката што ја спроведуваат некои европски институции и земји во контекст на кризата во Газа ја разнишаа вербата во европските вредности.
Ердоган изјави дека 9 мај, кога беше објавена декларацијата на Шуман, со која беа поставени темелите на европската интеграција, во Турција се доживува како Ден на Европа од 1999 година кога Анкара го доби статусот на кандидат за членство во Европската Унија.
„Денот на Европа, 9 Мај, не само што го означува почетокот на политичкото и економското единство на Европа туку ги означува и мирот и стабилноста, кои се плод на децениските заеднички напори“, посочи тој.
Свет
ОН: 109 Палестинци убиени, 296 ранети во Појасот Газа од понеделник до среда
Најмалку 109 Палестинци беа убиени, а 296 ранети во израелските напади врз Појасот Газа од понеделник до среда попладне, вклучително и жени и деца што беа убиени во нападите на станбени куќи во Рафа, соопшти канцеларијата на Обединетите нации за координација на хуманитарните прашања (УНОЧА) врз основа на податоците добиени од Министерството за здравство во Газа контролирано од Хамас.
УНОЧА соопшти дека 32 лица биле убиени во шест израелски напади врз Рафа, меѓу кои 11 деца и осум жени.
Девет лица, меѓу кои четири деца и две жени, загинаа во израелски напад врз бегалски камп југоисточно од Рафа.
Девет лица загинаа во нападот во источна Рафа, меѓу кои четири деца и три жени.
Две деца и две жени загинаа кога беше погодена нивната куќа во источниот дел на Раф.
Пет лица, меѓу кои една жена и едно дете, загинаа во израелски напад врз куќа во западна Рафа.
Според УНОЧА, во два одделни напада на истокот и западот на Рафа загинаа уште пет лица, пренесе „Ал џезира“.