Економија
YES, OF CORSA! Новата Opel Corsa пристигна во Македонија
• Македонска премиера: дружење во пријатна атмосфера со новата Opel Corsa;
• Јасна визија: Opel Corsa останува да биде еден од најпосакуваните модели на брендот, како од физичките така и од правните лица ;
Скопје. Презентација на новата Opel Corsa? Yes, of Corsa!
Новата Opel Corsa, “volume maker“ во гамата на Опел со продадени 14 милиони примероци во 6 генерации. Новиот изглед сега е помодерен и стилски, а реакциите се високо позитивни. Овој модел ги претставува сите постулати на Opel брендот:
– #Detox. Има комплетно детоксифицирана надворешност и внатрешност. Одстранети се сите „непотребни“ елементи и детали, сѐ со цел деа се добијат чисти линии, кои се манифестираат во нов и смел дизајн.
– #ModernGerman. Новата Opel Corsa зрачи со германска самоувереност и германски стил.
– #Greenovation. Во неа има вградено современи и еколошки материјали.
Од напред – сјајна црна предна маска т.н Opel визор кој ги интегрира новите предни LED светла кои се достапни дури и во стандардното ниво на орпеменост и Ве наведува да помислите дека се работи за електрична верзија. Прилагодливи LED Матрикс предни светла без отсјај, со 7 LED елементи во секој фар.
Назад – самоуверено испишано името Corsa и нов спортски заден браник.
Внатре – холистички пристап со нов интуитивен инфозабавен систем базиран на Snap Dragon Cocpit платфомата и 10“ екран, дополнет со опционалална дигитална инструмент табла од 7 инчи. Ергономски седишта, нова ткаенина и светли материјали кои ја акцентираат пространа внатрешност. Во согласност со нашето ново начело #Greenovation, употребени се вегански материјали и отстранет е хромот од употреба.
Опременост – „детоксифицирани“ нивоа на опременост, со два пристапа: Edition ниво на опременост, рафиниран со побогата сериска опрема, како: паркинг сензори назад, автоматски брисачи како и GS ниво на опременост, одважен и атлетски.
Под хаубата – бензински мотори од 75КС до 100КС. Или пак 50 KWh батерија за електричната верзија Corsa Electric, сега со подобрена автономија на движење со едно полнење до 357км или пак Corsa Electric Long со 51kWh батерија и автономија до 405км според WLTP нормите.
Вториот важен параметар за клиентите е времето на полнење…. до 80% на брз полнач за време од 30 мин или прилагодено на нашата енергетска мрежасо Wallbox, трофазен од 11KW полнењето ќе биде до 5 часа и 15 мин или кај Electric Long до 3 часа.
„Дизел моторите повеќе нема да се понудуваат и ги заменивме со самополнечки 48V хибридни верзии на нови бензиски 1.2 мотори со 100КС и 130КС кои имаат електомотор сместен во менувачот и произведува сила од 28КС и вртежен момент од 55Nm. Погонуван од литиум јонска батерија со капацитет од 432Wh, ќе има задача да го стартува возилото на ладен старт или опслужува при маневрирање на мали брзини до 30км/час. Во целосно електричен режим на возење автономојата на движењето е до 1км. Оваа 48V хибридна технологија набргу ќе ја имаме понуда и ни носи намалување на емисијата на јаглерод диоксид до 22g на 100km и 1 литар помала потрошувачка според WLTP нормите.
Со новата Opel Corsa можеме да одговориме на желбите и потребите на физичките лица но и на компаниските (B2B) побарувања.“ – изјави Драган Јовев, Продукт менаџер за Opel во Македонија.
Новата Opel Corsa e конструирана од Германските инжинери во Руселсхајм, а ќе се произведува во опеловата фабрика во Зарагоса, во Шпанија, каде овој модел од „Б“ сегментот се произведува веќе 41 година (од 1982).
ПР
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
БРАКО ќе промовира ново електрично возило на саем во Минхен
БРАКО ќе претстави ново електрично возило од својот бренд Грин Машинс на светскиот саем IFAT, кој следната недела ќе се одржи во Минхен.
Возилото беше развивано две години од страна на инженерскиот тим за развој на БРАКО/Грин Машинс и е сосема ново техничко и функционално решение во програмата за производство на возила за одржување урбана хигиена.
Моделот 720 ZE работи на електричен погон и e со технологија од последната генерација, со вградени мотори во задните тркала и управување на сите четири тркала, поголем контејнерски простор, широка кабина за две лица, 360⁰ камера и оптимизиран начин на чистење.
Се очекува новиот модел да отвори уште повеќе пазари во светот, каде се бараат возила за одржување хигиена од овој габарит и перформанси.
Моделот 720 ZE беше најавен како концепт на саемот IFAT во 2022 гoдина и тимот за развој планираше да го развие во следните две години, во што и успеа и создаде возило кое е целосно замислено, проектирано и произведено во погоните на БРАКО.
Возилото во завршна фаза беше претставено пред гостите на прославата на 20-годишнината на Феро Инвест и БРАКО пред шест месеци, а сега во Германија ќе ја доживее својата светска промоција.
(ПР)
Економија
Почна пријавувањето за директни плаќања по програмата за финансиска поддршка во земјоделството за 2024 година
Министерството за земјоделство, шумарство и водостопанство заедно со Агенцијата за финансиска поддршка во земјоделството и руралниот развој ги информира земјоделските стопанства, дека во период од 10 мај до 1 јули ќе можат да поднесат барања по Програмата за финансиска поддршка во земјоделството за 2024 година.
Во наведениот период земјоделските стопанства можат да поднесуваат барања за: растително производство по обработлива земјоделска површина со поледелски и градинарски култури, за одржување на постоечки површини со овошни и лозови насади како и површина за производство на сертифициран семенски и саден материјал, сточарско производство за обележани грла говеда, овци и кози, за маторици, презимени пчелни семејства како и за заклани говеда во кланица, како и за органско земјоделско производство.
Земјоделските стопанства своите барања ги поднесуваат во електронскиот систем на АФПЗРР, а доколку имаат потреба од помош или поддршка можат да се обратат во подрачните единици на МЗШВ.
Аплицирањето е преку линкот www.ipardpa.gov.mk – Директни плаќања е-субвенции. Со отварање на овој линк, во полето „Известувања/упатства“ достапни се деталните упатства за поднесување на барањето, Листата на потребни документи како и Програмата и Уредбата за директни плаќања во кои детално се претставени условите и висината на финансиската поддршка.
Економија
Ангеловска-Бежоска на форумот на Виенската иницијатива: Капитализираноста на македонскиот банкарски систем порасна двојно повеќе од ЦЈИЕ
Гувернерката Ангеловска-Бежоска, како претставничка на шесте централни банки од Западен Балкан во Одборот на „Виенската иницијатива“, учествуваше на Годишниот форум на панел-дискусијата посветена на банкарските системи во Централна и Југоисточна Европа (ЦЈИЕ), којшто оваа година се одржа во Вилнус, Литванија.
И покрај шоковите од невидени размери, банкарските системи во регионот, вклучително и македонскиот, покажаа високо ниво на отпорност. Македонскиот банкарски систем не само што ја задржа стабилноста, туку и уште повеќе ја зголеми. „Резултатите од овие напори се видливи. Капитализираноста на нашиот банкарски систем во споредба со претпандемичниот период е зголемена за близу 2 п.п., што е двојно повеќе од порастот во регионот на ЦЈИЕ и во моментов е највисока во изминатите 17 години, а квалитетот на капиталот е на историски високо ниво. Овие трендови во голема мера ги одразуваат зајакнувањето на регулативната рамка, на супервизијата и макропрудентните мерки преземени од страна на Народната банка“, посочи Ангеловска-Бежоска.
Притоа, особено е важно што и во овие кризни години имаше солидна кредитна поддршка за граѓаните и компаниите (просечен кредитен раст од околу 7%). Во услови на циклус на монетарно затегнување, каматните стапки на кредитирање пораснаа, но растот беше помал од растот на каматните стапки во ЕУ. Со тоа домашните каматни стапки на кредитите значително се приближија до каматните стапки во ЕУ и разликата меѓу нив е историски најниска. Во овој момент, просечната каматна стапка изнесува 5,5%, односно е двојно пониска во споредба со периодот пред Големата финансиска криза, кога изнесуваше околу 11%, во просек.
Гувернерката се осврна и на финансиската писменост и заштитата на корисниците на финансиските услуги, коишто се значајни за носење соодветни финансиски одлуки, но и за зголемување на конкурентските притисоци и за понуда на поконкурентни финансиски услови. „Финансиската писменост, едукацијата и заштитата на потрошувачите, коишто се стратешки приоритети на Народната банка, се важни за клиентите за да можат подобро да ги разберат и правилно да ги споредат понудите меѓу различните банки. Неодамна формиравме посебна организациска единица за финансиската писменост и заштитата на потрошувачите. Под водство на Народната банка, беше усвоена и првата национална Стратегија за финансиска инклузија и писменост, додека регулативната рамка беше зајакната минатата година, вклучително и преку усвојување на Насоките за банките и штедилниците за добри практики за заштита на потрошувачите, фер и транспарентни односи, врз основа на јасни и лесно разбирливи информации за производите и услугите што ги обезбедуваат. Беа преземени и мерки за зголемување на транспарентноста преку споредба на надоместоците за најрепрезентативните банкарски платежни услуги, коишто заедно со либерализацијата на пазарот на платежни услуги, ја поттикнуваат конкуренцијата во системот“, истакна Ангеловска-Бежоска.
„Виенската иницијатива“ е платформа којашто ги поврзува меѓународните финансиски институции, банкарските регулатори и претставниците на банкарските групи од Европа, присутни во регионот на ЦИЈЕ и секоја година, од 2009 година до денес, организира собири во областа на финансиите на кои сите засегнати чинители зборуваат за идните насоки во политиките поврзани со банкарскиот сектор и за поопшти макроекономски прашања.