Свет
Поради бомбардирањето и апсењето медицински персонал, престана да работи уште една болница во Газа
![](https://makfax.com.mk/wp-content/uploads/2023/12/gaza-luge.jpg)
Баптистичката болница „Ал Ахли“, лоцирана во Појасот Газа, престана со работа, соопшти палестинското Министерство за здравство.
„Болницата ‘Ал Ахли’ не е во функција поради бомбардирањето, опсадата и апсењето медицински персонал“, се вели во соопштението, според Си-ен-ен.
„Ал Ахли“ беше една од ретките делумно функционални медицински установи во Газа.
Во моментот само 11 од 36-те болници делумно функционираат во Појасот Газа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Цени во грчките ресторани, кафулиња и маркети: оваа сезона се малку повисоки од минатата година
![](https://makfax.com.mk/wp-content/uploads/2018/09/Grcija-plazi.jpeg)
Голем број туристи веќе уживаат на плажите во Грција, а оние што летуваат во популарниот олимписки регион велат дека цените на храната и пијалаците во маркетите, рестораните и во кафулињата го следат европскиот тренд на раст, па оваа сезона тие се малку повисоки од минатата година.
Цените на овошјето и зеленчукот на пазарите во Лептокарија се генерално слични на македонските, па доматите, краставиците и кромидот може да се најдат за само едно евро за килограм, а компирите и тиквичките за помалку од едно евро.
Лубеницата може да се купи за цена од 0,6 евра за килограм, дињите за 1,50 евро, а вишните за 1,90 евро. Лимоните се две евра, кајсиите и јаболката од 1,50 евро па нагоре, а праските од 2,50 до 2,75 евра.
Цената на грчкото кафе во повеќето кафулиња и ресторани се движи од 1,80 до 2,50 евра, еспресото и капучиното се меѓу 2 и 3 евра, а нес-кафето е околу 3 евра. Најниската цена за половина литар пиво е четири евра, за толку може да се испие и чаша вино, а за жестоки пијалаци треба да потрошите најмалку пет евра.
Лежалките и чадорите во сопственост на кафулињата се бесплатни доколку нарачате пијалак, а во некои од нив оваа поволност можете да ја користите цел ден. Некои кафулиња имаат правило дека не мора да плаќате за лежалка и чадор ако нарачате една пијачка наутро, а друга попладне.
Во супермаркетите шише вода од 1,5 литар чини меѓу 0,3 и 0,5 евра, а пакување од шест шишиња чини 1,70 евро. Најевтиниот леб може да се купи за 0,9 евра, литар млеко е од 1,8 до 3,5 евра, а цената на јајцата е меѓу 0,23 и 0,45 евра за парче. Цената на сирењето е од 6 до 15 евра за килограм, маслинките од 4,50 до 7 евра, а литар маслиново масло од 13 до 17 евра.
Просечната цена на една порција лигњи во рестораните е околу десет евра, иста цена како пилешко и свинско сувлаки, како и свински стек и пилешко филе. Цената на тестенините се движи од пет до десет евра, а пиците од 4,5 до 11 евра.
Омилената храна на туристите кои летуваат во Грција е гирото, а на почетокот на летото пита со гиро чини меѓу 3,80 и 4 евра, а порцијата во ресторан е до 10 евра. За оние што сакаат да јадат нешто од нога има и хот-дог, кој чини од 2,50 до 3,50 евра.
Топка сладолед чини две евра, за две топки треба да платите 3,50 евра, а за три 4,50 евра.
Свет
Четири лица загинаа во поплавите во Кина
![](https://makfax.com.mk/wp-content/uploads/2023/09/kina-poplava.jpg)
Четири лица загинаа во поплавите предизвикани од силниот дожд што го погодија округот Шангханг во источнокинеската провинција Фуџијан, соопштија денеска локалните власти.
Од недела до понеделник 15 општини во округот доживеаја 24-часовни врнежи од дожд, кои ги надминаа сите претходни рекорди, соопшти локалниот штаб за контрола на поплавите и сушата, пренесе „Ксинхуа“.
Според прелиминарните статистички податоци, во поплавите во споменатиот округ беа погодени 66.498 лица.
Свет
„Дојче веле“: „Луфтханза“ ќе сервисира и воени авиони
![](https://makfax.com.mk/wp-content/uploads/2024/02/lufthanza.jpg)
Поради големата побарувачка за експерти за одржување воени авиони, германската авиокомпанија „Луфтханза“ неодамна го формира одделот за одбрана LHT. Во основа се согласи на преквалификација и усовршување работници од други области.
LHT е деловна единица за одржување и поправка на германската „Луфтханза“, таа се грижи за повеќе од 800 клиенти во светот и има повеќе од 20.000 вработени, пишува „Дојче веле“.
Како што е наведено, често се регрутираат експерти од компании, кои работеле како доставувачи на делови, а чии производи повеќе не се барани поради преминот кон електрични автомобили.