Македонија
Градскиот превоз во Скопје ќе функционира нормално, автобусите излегоа од автобазите, платите ќе легнат на сметките
Автобусите на Јавното сообраќајно претпријатие „Скопје“ утрово излегоа од двете автобази во Автокоманда и Ѓорче Петров.
Дека редовно ќе сообраќаат, за „Макфакс“ потврдија и надлежните во ЈСП, а во изјава за неколку медиуми тоа го потврдил и претседателот на Синдикатот на Јавното сообраќајно претпријатие „Скопје“, Миќо Стојановски.
„Автобусите ќе сообраќаат редовно, а во текот на денот на сметка ќе им легнат и платите на вработените„ потврдија во изјава за „Макфакс“ надлежните од ЈСП.
„Се работи за недоразбирање и техничка формалност затоа беше задоцнувањето на платите од еден ден“, велат од ЈСП за „Макфакс“.
Инаку, утрово, неколку празни автобуси беа забележани како празни се движат накај базата, а до раните утрински часови не беа забележани на улица.
Надлежните изјавија дека се надминати недоразбирањата за личниот доход и вработените денес ќе ја добијат јануарската плата.
Според вчерашните најави на синдикатите, денеска автобусите на Јавното сообраќајно претпријатие „Скопје“ не требаше да сообраќаат поради неисплата на јануарската плата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Заклетвата на Силјановска-Давкова во која не употрби „Северна“
Гордана Силјановска-Давкова денес положи заклетва во Собранието за претседател на државата без да употреби Северна Македонија, по што грчката амбасадорка ја напушти пленарната сала во знак на протест.
Во продолжение, видеото од заклетвата.
Македонија
„Имало директива од грчкото МНР“, пишува грчкиот весник „Катимерини“ за протестот на амбасадорката по заклетвата на Силјановска
Амбасадорката на Грција во Северна Македонија, Софија Филипиду, која беше поканета на седницата на Собранието за положување заклетва на Гордана Силијановска, си замина во знак на протест . Забележано е дека имало релевантна директива од грчкото Министерство за надворешни работи, пишува грчкиот весник „Катимерини“.
Весникот натаму додава: „Петседателката на Северна Македонија, Гордана Силијановска напладне положи заклетва на посебна седница на Собранието. Силијановска, за време на заклетвата, државата ја нарече „Македонија“, и покрај тоа што во текстот на заклетвата, кој го кажа претседателот на Собранието во заминување, Јован Митрески, а Силјановска требаше да повтори, земјата беше наречена ‘Северна Македонија’“.
„Катимерини“ потсетува и на вчерашната изјава на грчкиот премиер, Кирјакос Мицотакис за Преспанскиот договор.
„Со загриженост гледам дел од изјавите на функционерите на ВМРО и ќе го чекам официјалниот за името на државата. Јас лично не се согласував со Договорот од Преспа. Но, го прифатив во контекст на континуитетот на државата и сфатив дека, и покрај моето несогласување, морам да го почитувам. Сакам да се надевам дека она што се слушаше пред изборите нема да се слушне по изборите. Ако тоа се случи, ќе имаме проблеми “, рече Мицотакис.
Весникот пишува и дека на денешната церемонија не присуствувале лидерите на соседните земји, Бугарија, Србија и Албанија , за разлика од последната церемонија каде присутен бил и бугарскиот претседател Румен Радев, а земјите наводно тврдат дека не ги добиле поканите навремено.
И грчката „Прототема“ пишува за инаугурацијата и протестот на грчката амбасадорка, со коментар дека е прекршен договорот од Преспа.
„Амбасадорката на Грција во Северна Македонија, Софија Филипиду ,која беше поканета на седницата на Собранието за положување заклетва на Гордана Силијановска, си замина во знак на протест поради тоа што таа за време на нејзиното полагање заклетва го прекрши Договорот од Преспа“.
Македонија
Грчката амбасадорка ја напушти собраниската сала во знак на протест на инаугурацијата на Силјановска-Давкова
Грчката амбасадорка во земјава – Софија Филипиду, ја напушти собраниската сала за време на инаугурација на Гордана Силјановска-Давкова за претседателка на државата.
Информацијата што подоцна беше потврдена, прв ја сподели пратеникот од ВМРО-ДПМНЕ, Антонијо Милошоски на социјалните мрежи.
„Грчката амбасадорка Филипиду, демонстративно ја напушти собраниската ложа, заради употребата на терминот Македонија при положувањето на заклетвата од новата Претседателката Силјаноска Давкова“, напиша Милошоски.
Силјановска Давкова претпаднево во Собранието даде свечена заклетва дека дека функцијата ќе ја извршува совесно и одговорно, дека ќе ги почитува Уставот и законите и дека ќе ги штити независноста, суверенитетот и територијалниот интегритет на земјата, без притоа, да употреби „Северна“ во името на државата.
Повторувајќи по претседателот на Собранието, Јован Митрески кој го користеше уставното име на земјата Република Северна Македонија, Силјановска-Давкова употребуваше само Македонија.
Давкова по заклетвата се обрати пред пратениците, а говорот во најголем дел им го посвети на жените.