Македонија
(Видео) Петковиќ: За извршителите и судиите што не ги бришат застарените долгови чаре се кривични пријави
Кривична пријава за злоупотреба на службената положба и овластувањето против извршителите и судиите што не носат одлуки за бришење на долговите постари од 10 години или, пак, не ги намалуваат каматите на долговите, кои не треба да го надминат износот на основниот долг, советува Зоран Петковиќ-Бакли, професор по кривично право, криминологија, корупција и организиран криминал на Факултетот за безбедност во Скопје при Универзитетот „Климент Охридски“.
Тој е дециден дека сите службени лица треба без одлагање да постапуваат по измените на Законот за облигационите односи и Законот за извршувањето од минатата година, кои се во корист на граѓаните. Нагласува дека за непримена на законот или кршење на законот треба да се одговара кривично.
„Уставот, член 51 став 2, кажува општо за сите – секој е должен да го применува законот. Нема исклучок за никого. За непримена на законот или кршење на законот треба да се одговара кривично. Друго чаре нема. Има разрешување, меѓутоа нивните комори и комисиите што ги имаат за дисциплински, за одземање лиценца, како и министерот – не функционираат. Единствено чаре е да ангажираат адвокат или да се здружат со здруженија што се борат за првата и против извршителите, да поднесат кривични пријави пред надлежниот обвинител“, вели професорот Петковиќ.
За да им помогне на граѓаните, тој подготвил урнек кривична пријава, која им ја дал на здруженијата што се борат против извршителите. Целиот случај со извршителите, судиите и непримената на законот, кој ги заштитува граѓаните, вели дека ќе го стокми во предавање за студентите како случај на организиран криминал.
„Овој проблем со извршителите, а и со правниот систем, со правосудството, датира од поодамна, почнувајќи од 1995 година, кога немаше извршители. Правниот систем почна да се растура и да не се применуваат и тие законски прописи што ги имаме. Конкретно за извршителите, односно непримената на Законот за измената и дополнувањето на Законот за облигационите односи, кој стапи во сила на 20.7.2023 година, и неодамна Уставниот суд ги одби 11-те иницијативи за поништување и укажа дека овој закон е уставен. Имаше сознанија дека вакви законски прописи има во судовите во Европа – Франција, Норвешка, Холандија, не е некоја новина, но тргнувајќи од тоа што со години знаеме кои се извршителите, како наплаќаа од еден денар до 1.000 евра, ова, за мене, е организиран криминал. Набргу на студентите, на кои им предавам пракса кривично право, организиран криминал и корупција, им го спремам како практичен предмет во една информација, едно предавање. Овој предмет е од можеби најголемите за организиран криминал и корупција, и тоа поширока корупција и криминал бидејќи, како што знаат граѓаните, и судот има два става. Има неколку примери во кои еден судија во едниот предмет го применува законот, во друг предмет со ист основ не го применува, носи обратна одлука“, вели професорот Петковиќ.
По усвојувањето на измените на законите во корист на граѓаните минатата година во јули, извршителите бараа толкување од Собранието, не ги применуваа оправдувајќи се дека чекаат упатства од Комората на извршителите и од министерот за правда, а продолжија да ги одлагаат одлуките и откако пред два месеца Уставниот суд ги отфрли 11-те иницијативи за поништување на измените.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Повеќе нови службени возила отколку што има вкупно амбулантни – Левица бара средства за здравството и Центар за изгореници
Пратеничката група на Левица поднесе амандмани на ребалансот на Буџетот за 2025 година, со кои предлага зголемување на средствата за јавното здравство.
Со еден од амандманите се предлага издвојување на 1 милион евра за набавка на нови амбулантни возила, имајќи предвид дека, според нив, просечната старост на возниот парк на итната медицинска помош во државата изнесува 14 години, а над 70 отсто од амбулантните возила се донации.
Во образложението на амандманот се наведува дека во периодот 2023–2024 година, институциите набавиле 270 нови службени возила, додека вкупниот број на амбулантни возила на ниво на државата е околу 200. Според податоците што ги наведуваат, државата располага со над 2.600 службени возила.
Со друг амандман се бара издвојување на 10 милиони евра за изградба на нов Центар за изгореници, со образложение дека таков центар постоел во минатото, но бил затворен. Левица посочува дека по настаните во Кочани, се покажале слабостите на системот и потребата од посебна здравствена установа за третман на изгореници.
Пратеничката група смета дека со овие предлози се зајакнуваат капацитетите на јавното здравство и се одговара на потребите на граѓаните.
Македонија
Средба Перински – Суљевиќ: Зајакнување на билатералната соработка за одржлив регионален развој
На маргините на конференцијата на тема „Регионалниот развој во динамично променлив свет – Иднината започнува локално: Новата визија за одржлив и рамномерен развој“, што ја организира Министерството за локална самоуправа во Гевгелија, министерот за локална самоуправа, Златко Перински, оствари билатерална средба со министерот за регионален инвестициски развој и соработка со невладини организации на Црна Гора, Ернард Суљевиќ.
На средбата се разговараше за тековните инвестиции за регионален развој во двете држави, како и за потенцијалите за унапредување на билатералната соработка, особено во областа на регионалната политика.
Двајцата министри се согласија дека е потребно зајакнување на координацијата помеѓу централната власт и единиците на локалната самоуправа, како и активно вклучување на локалната самоуправа при подготовка и имплементација на развојни програми и проекти.
Министерот Суљевиќ, ќе говори на денешното отворање на дводневната конференција за перспективите на „Регионален развој во динамично променлив свет: Иднината започнува локално“.
Македонија
Скопскиот регион со најмногу интервенции, пожарите сѐ уште активни на седум локации
Во изминатите 24 часа, низ државата се евидентирани вкупно 32 пожари на отворен простор, информираат од Центарот за управување со кризи. Според нивните податоци, седум пожари се сѐ уште активни, еден е локализиран, еден под контрола, а 23 се веќе изгаснати.
Најсериозни пожари се пријавени во општините Прилеп (с. Бешиште), Македонски Брод (меѓу с. Црешнево и Слатин), Чашка (во близина на Солунска глава), Чучер Сандево (меѓу с. Блаце и Чучер), Шуто Оризари (депонија кај хотел Њу Стар), Дојран (с. Николич) и Крива Паланка (с. Жидилово). Гори претежно нискостеблеста и мешана шума, а пожари има и на депонии и карпести терени.
Пожарот во градската депонија во Делчево е ставен локализиран, додека пожарот во с. Самаково, Македонски Брод, каде што горел лесно запалив материјал, е ставен под контрола.
На 23 локации низ земјава пожарите се изгаснати. Најмногу интервенции имало во Скопскиот регион – Сарај, Петровец, Аеродром, Ѓорче Петров, Чучер Сандево и Центар. Изгаснати се пожари и во Велес, Куманово, Старо Нагоричане, Кратово, Штип, Долнени, Боговиње, Брвеница, Желино, Врапчиште, Битола, Свети Николе и Прилеп. Гореле ниски вегетации, стрништа, лозја, депонии, како и мешани шуми.
Надлежните апелираат до граѓаните да не палат оган на отворен простор, особено во периоди на високи температури и зголемен ризик од пожари.
Скопскиот регион со најмногу интервенции, пожарите сѐ уште активни на седум локации
Во изминатите 24 часа, низ државата се евидентирани вкупно 32 пожари на отворен простор, информираат од Центарот за управување со...
Пожар во кругот на Клиничката болница „Др. Трифун Пановски“ – Битола, не е загрозена безбедноста на пациентите и вработените
Министерството за здравство информира дека синоќа во кругот на Клиничката болница „Др. Трифун Пановски“ – Битола, избил пожар како резултат...
Лавров ги објави руските услови за мир
Рускиот министер за надворешни работи Сергеј Лавров ги изложи барањата на Москва за мировен договор за прекин на руската инвазија...
Шефот на НАТО: Ако Кина го нападне Тајван, кинескиот претседател ќе побара од Путин да го нападне НАТО
Доколку Кина започне инвазија на Тајван, би можела да побара од Русија истовремено да отвори втор фронт против земјите-членки на...
Трамп и Нетанјаху: Блиску сме до наоѓање земји што би можеле да ги прифатат Палестинците
Американскиот претседател Доналд Трамп и израелскиот премиер Бенјамин Нетанјаху вчера се сретнаа во Белата куќа, каде што разговараа за напорите...
Трамп воведе нови царини: Камбоџа, Бангладеш, Србија и Босна поминаа најлошо
Американскиот претседател Доналд Трамп најави дека ќе воведе високи, единствени царини за увоз од најмалку 14 земји почнувајќи од 1...
(Видео) Арсовска: Фатен како прави див приклучок сторител беше извесен инспектор од МВР, кој во бес дека се фатени сред дело, физички ја нападна советничката Витина
„Град Скопје при вонредна теренска контрола, затекна лице (инспектор во МВР) кој во тој момент на нелегално се приклучува на...
Акциите на Тесла потонаа откако Маск најави дека ќе формира партија
Акциите на „Тесла“ паднаа за речиси 7% еден ден откако извршниот директор Илон Маск најави формирање на нова политичка партија,...
Уапсен скопјанец, подметнал пожар во Ѓорче Петров
Вчера вечер, полициски службеници од СВР Скопје на територија на Ѓорче Петров го лишија од слобода 57-годишниот Д.Н. од Скопје...
(Видео) „Зошто досега не се употребени хермелините“, прашува градоначалникот на Чучер Сандево, општината прогласи вонредна состојба
Општината Чучер Сандево прогласи вонредна состојба поради пожарите, објави градоначалникот појаснувајќи дека одлуката била донесена на денешната седница на општината....
Чад се шири од неколку места во подножјето на Скопска Црна Гора, Ангелов смирува: Нема опасност за куќите во Чучер
Големи облаци чад се шират од неколку места во подножјето на Скопска Црна Гора. Забележливи се и од градските улици...
Поради пожар, целосно прекинат сообраќајот кон граничниот премин Блаце
Министерството за внатрешни работи известува дека поради ширењето на пожарот во близина на Блаце, целосно е прекинат сообраќајот на патниот...
(Видео) Хеликоптерите на МВР со над 70 тони вода го гаснеа пожарот кај Блаце
Во рамките на денешните активности полициските службеници од Хеликоптерската единица за полициски намени при Министерството за внатрешни работи активно учествуваа...
Изгорено човечко тело пронајдено во Ѓорче Петров – прва жртва од пожарите во Скопско
Човечко тело било пронајдено изгорено во помошна просторија по пожарот што вчера избувна кај мостот на реката Лепенец, во близина...
(Видео) На 400 невработени Владата ќе им плати по 24.000 денари ако се пријават за помош во гаснењето пожари, најдобрите ќе добијат и вработување
Владата ги повика невработените да се пријават на огласи што ќе ги распишат општините за помош во справувањето со пожарите....
Владата со бесплатни инвитро-процедури и даночни олеснувања во борба против падот на наталитетот
Пратеничката Бети Стаменкоска-Трајкоска од ВМРО-ДПМНЕ предупреди дека Македонија повеќе од една деценија се соочува со сериозна фертилитетна рецесија и ја...
Апелот на Министерството за здравство да не се снимаат пациентите од дискотеката во Кочани е загрижувачки, смета Хелсиншкиот комитет
Хелсиншкиот комитет за човекови права изразува сериозна загриженост поради апелот на Министерството за здравство до медиумите да не ги фотографираат...
Кирков: Поморот во куќата на стравот продолжува – во Скопје ЗОО починаа уште две лами
„Нашата, скопската Зоолошка, е една хорор-приказна изминативе 3,5 години, ја нареков куќата на стравот со цел некоја ‘умна’ глава преземе...
(Видео) Два полициски хеликоптера го гаснат пожарот во околината на Блаце
Денеска, од 5 часот, полициски службеници од Хеликоптерската единица за полициски намени при МВР, со два хеликоптера на единицата за...
(Видео/фото) Масивен руски напад со дронови врз Киев, Харков и Одеса
Руските сили ја нападнаа Украина со беспилотни летала од типот „Шахед“, при што најтешко се погодени Харков, Одеса и Киев,...
