Регион
Пукање во Сараево: маж испукал неколку куршуми кон автомобил
Мажот осомничен дека испукал неколку куршуми во автомобил во сараевската населба Ковачи е уапсен во попладневните часови.
Како што беше нагласено, полицијата го уапсила Ј.Х. (1995), а во моментов е под кривична истрага, пренесува Klix.ba.
„Денеска околу 12:30 часот, полициско одделение Стари Град било известено дека било употребено огнено оружје. По излегувањето на терен, полициските службеници ги потврдиле наводите од пријавата, дека непознато машко лице употребил огнено оружје, при што во таа прилика нема повредени, а едно возило претрпело материјална штета. Известен е обвинителот, кој делото го оквалификува како убиство во обид. Мажот Ј.Х. (1995), за кого постои основа за сомневање дека е сторител на ова кривично дело, полициските службеници на Полициската управа го лишиле од слобода и против него се води кривична постапка. Полициски службеници продолжуваат да работат на овој случај“, соопшти МВР.
Неофицијално, осомничен за нападот е Џан Хукелиќ.
Според Klix.ba, целта бил Емир Кундо кој бил во Golf VII. Во автомобилот во кој се наоѓал Кундо било пукано од мотоцикл во движење.
Инаку, Кундо (1997) и претходно беше поврзан со криминални активности, поточно со пукањето што се случи на улицата Ферхадија во Сараево во 2016 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Поставен рекорд во центарот на Белград: 1.000 гитаристи свиреа истовремено
Концертот на „Guitar Art“ денеска собра 1.000 гитаристи на плоштад во Белград, кои поставија национален рекорд во присуство на инструменталисти кои свират на гитара и слични инструменти, пренесе српска „Политика“.
Концертот „1.000 гитари“ ги привлече пред се во центарот на Белград најмладите гитаристи и нивните учители, но заедно свиреа цели семејства, составени од три генерации: дедо, татко и син…
Имаше мајки и ќерки кои „замавнаа“ со белградскиот блуз квартет и специјалните гости на концертот, меѓу кои Дејан Цукиќ, Ју групата, Кики Лесендриќ и Пилотите, Срѓан Гојковиќ Гиле, Бојана Стаменов, Никола Чутурило – Чутура. „Ова е конечно моментот кога барем на еден час ги заменуваме силиконите за витамини на ’Трг Републике’. Ова е сеќавање на мојата младост и почетоци во рокенролот. Среќен сум“, изјави Никола Чутурило Чутура за Танјуг.
За неколку минути неколку илјади љубопитни луѓе се собраа на плоштадот да уживаат во првокласен музички настан.
Регион
Загинаа две лица, а пет се водат како исчезнати по судар на чамец и крузер во Дунав кај Будимпешта
Две лица го загубија животот доцна синоќа, а пет се водат за исчезнати во судар на мал моторен чамец и крузер на реката Дунав северно од Будимпешта, соопшти денеска унгарската полиција.
Телата на возрасен маж и жена се пронајдени северно од главниот град, а властите се уште трагаат по пет исчезнати лица.
Сома Чечи, портпарол на полицијата во Будимпешта, на прес-конференција рече дека, според досегашните сознанија, во чамецот имало вкупно осум возрасни лица и потврди дека две лица загинале, а пет се водат како исчезнати. Тројца мажи и две жени моментално се бараат со глисери и дронови, јавуваат унгарските медиуми.
Полицијата соопшти и дека во градот Комаром бил запрен поголем брод, а од увидот било откриено дека му е оштетен страничниот дел. Се врши увид и во тек е истрага за опасноста по водениот пат и смртта на неколку лица.
Регион
По обидот за атентат словачкиот премиер Фицо е надвор од животна опасност
Словачкиот премиер Роберт Фицо е надвор од животна опасност по обидот за атентат, изјави денеска министерот за одбрана и вицепремиер Роберт Калинак за словачката новинска агенција ТАСР.
Состојбата на Фицо се подобрува, а лекарската комисија утре треба да одлучи дали тој ќе биде префрлен. Фицо моментално се опоравува во универзитетската болница во Банска Бистрица.
Фицо беше тешко повреден на 15 мај, по седницата на Владата во градот Хандлова, кога 71-годишниот писател Јурај Цинтула, од непосредна близина неколку пати пукаше со пиштол во него. Специјалниот кривичен суд во словачкиот град Пезинок, со силно полициско обезбедување вчера му одреди притвор на Цинтула.