Спорт
(Видео) Подвиг на Лејкерси без Леброн, по две продолженија, победија во Милвоки
Фанатстичен меч, со две продолженија, одиграа во Милвоки, Бакс и ЛА Лејкерси. „Езерџиите“, без Леброн Џејмс, славеа со 128:124.
Милвоки Бакс не успеаја да победат и покрај тоа што на осум минути до крајот на натпреварот имаа предност од 19 поени. Лејекрси со серија 10:0 успеаја да изборат продолженија.
Предводници на Лејекрси беа Ентони Дејвис кој забележа монструозен дабл-дабл со 34 поени и 23 скока, додека Остин Ривс оствари трипл дабл со 29 поени, 14 скока и 10 асистенции. Ист број на поени постигна и ДиАнџело Расел.
Трипл-дабл со 29 поени, 21 скок и 11 асистенции на спротивната страна забележа Јанис Адетокумбо. Демијан Лилард го следеше со 27 поени и осум асистенции.
Мајами беше декласиран на домашен терен од Голден Стејт. Гостите победија со 113:92 благодарение на одличната игра во вториот дел.
Вориорс до победата ги предводеше Клеј Томпсон со 28 поени, Џонатан Куминга додаде 18, а Стеф Кари 17 поени.
Далас ја врза петтата победа. Лесно го победија Сакраменто Кингс со 132:96 на гостински терен. Дончиќ постигна 28 поени и 11 скока, додека Кајри Ирвинг имаше 24 поени и осум асистенции.
Оклахома го комплетираше стопроцентниот учинок на гостинските екипи со победата над Њу Орлеанс од 119:112. Џош Гиди постигна 25 поени, а Шеј Гилџис-Александер 24 поени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Лука Модриќ го напушта Реал Мадрид
Лука Модриќ ќе го напушти Реал Мадрид на крајот од оваа сезона!
Неколку извори од Шпанија денеска открија дека Реал верува дека сега е вистинското време да се збогува со играчот со најмногу трофеи во историјата на клубот.
Модриќ ги испиша најмногу златните страници во историјата на Реал Мадрид, откако пристигна во летото 2012 година од Тотенхем за 40 милиони евра.
Флорентино Перез смета дека е време да се збогува и Реал да се сврти кон помладите играчи. Модриќ има совршена можност да се збогува на најдобар можен начин со освојување на Лигата на шампионите, заедно со Ла Лига.
На 25 мај навивачите на Реал Мадрид и на „кралскиот“ клуб ќе можат величествено да се збогуваат со Лука Модриќ.
Лука Модриќ е најкорисниот играч на Реал Мадрид со 25 освоени трофеи и дефинитивно ќе замине како една од најголемите легенди на „кралскиот“ клуб.
Спорт
Капело: Де Зерби е трета лига, за него се зборува затоа што Гвардиола му е спонзор
Роберто Де Зерби (44) од 18 септември 2022 година го води Брајтон. На 87 натпревари на клупата на тој клуб има 38 победи, 20 нерешени и 29 порази, а минатата сезона се пласираше во Лига Европа.
Де Зерби негува атрактивен и напаѓачки фудбал, поради што е ценет кај колегите. Пеп Гвардиола често зборува за него во суперлативи. Сепак, легендарниот италијански тренер Фабио Капело (77) смета дека Де Зерби е преценет.
„За мене Де Зерби е третокласен тренер. Тој не спаѓа во елитната група на тренери, но не и во втората класа. Според мене спаѓа во третиот ешалон. За него многу се зборува само затоа што Гвардиола го спонзорира, но оваа сезона покажа што може да направи. Сега е десетти со Брајтон Ајде да погледнеме во неговото „Си-ви“, тој има освоено само еден Куп со Шахтјор и тоа е тоа“, изјави Капело и дополни.
„Тој е школуван тренер кој ги покажува своите идеи преку тимовите што ги води, но сепак треба да се докажува. Го поврзуваат со толку многу клубови, а никој досега не контактирал со него. Го имаме и Брајтон, со кој има клаузула од 15 милиони евра во неговиот договор, а тоа не е мала сума кога се работи за тренер“.
Де Зерби во кариерата ги водеше Фоџа, Палермо, Беневенто, Сасуоло и Шахтјор. По 36 кола во Премиер лигата, Брајтон има 12 победи, 12 нерешени и 12 порази и се наоѓа на десеттото место. Испадна од Лига Европа, ФА Купот и Лига Купот.
Спорт
Мајк Џејмс МВП на сезоната
Кошаркарот на Монако, Мајк Џејмс е најдобар играч на Евролигата за сезоната 2023/24. Џејмс е првиот Амриканец по пауза од 19 години кој ја добива престижната награда. Ентони Паркер во 2005 и 2006 година беше МВП.
Како и за сите други награди во Евролигата, за наградата МВП на сезоната одлучуваат гласовите на навивачите, новинарите, капитените и тренерите на клубовите од Евролигата.
Монако трета година по ред стигна до плеј-офот, но оваа сезона во четвртфиналето загуби со 3-2 од Фенербахче и не успеа да се пласира на завршниот турнир.
Мајк Џејмс сезонава одигра 39 натпревари во Евролигата и само во еден немаше двоцифрен број на поени. Имаше просек од 17,9 поени, 5,1 асистенции, 4,1 скока, 1,2 украдени топки и просечен индекс на корисност од 19,4.по натпревар.
Патем стана и најдобар стрелец во историјата на Евролигата, во дуелот на Монако со Црвена звезда го престигна Василис Спанулис.
Списокот на играчи кои ја добија наградата за МВП на сезоната започнува со Тони Паркер (2005 и 2006 година) и продолжува со Тео Папалукас, Рамунас Шишкаускас, Хуан Карлос Наваро, Милош Теодосиќ, Димитрис Дијамантидис, Андреј Кирилемко, Василис Спанулис, Серхио Родригез, Немања Бјелица, Нандо де Коло, Серхио Љуљ, Лука Дончиќ, Јан Весели, Василије Мициќ, Никола Миротиќ и Саша Везенков, кој беше МВП минатата сезона.