Спорт
Синдикатот на фудбалери поднесе тужба против ФИФА
Европските лиги и Меѓународната организација на професионални фудбалери (ФИФПро) најавија жалба до антимонополските регулатори на ЕУ против меѓународниот календар на ФИФА.
Овој потег на двете тела следи по правната постапка што ја покренаа синдикатите на англиските, француските и италијанските играчи против ФИФА за истото прашање во Стопанскиот суд во Брисел минатиот месец.
Во наредните недели ќе биде поднесена жалба до Европската комисија, која делува како тело за спроведување на конкуренцијата на ЕУ, изјави лице упатено во целиот случај. Европските лиги и ФИФПро Европа веруваат дека меѓународниот календар на натпревари сега е пренатрупан, дека станал неодржлив за националните лиги и претставува ризик за здравјето на играчите.
„Жалбата ќе објасни дека однесувањето на ФИФА го прекршува правото на ЕУ за конкуренција и особено претставува злоупотреба на доминацијата. ФИФА има двојна улога и како глобален фудбалски регулатор и како организатор на натпревари. Ова создава конфликт на интереси“, велат тие.
Меѓународната фудбалска федерација се брани дека актуелниот календар едногласно бил одобрен од Советот на ФИФА по опсежни консултации, во кои биле вклучени ФИФПро и телата на лигата.
„Календарот на ФИФА е единствениот инструмент кој гарантира дека меѓународниот фудбал може да продолжи да опстојува, коегзистира и напредува заедно со домашниот и континенталниот клубски фудбал“, изјави портпаролот на ФИФА.
„Некои лиги во Европа, организаторите и самите регулатори на натпреварувањето, дејствуваат во комерцијални интереси, лицемерно и без да внимаваат на сите останати во светот. Тие лиги очигледно претпочитаат календар исполнет со пријателски и летни турнеи, кои често вклучуваат обемни глобални патувања“, велат од ФИФА.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тренерот на Партизан погоден во главата, навивачите го скршиле стаклото на соблекувалната
Гневните навивачи на Партизан направија голем скандал по 174. „вечно дерби“ кога по поразот фралел со разни предмети кон соблекувалната на нивниот тим. Погоден бил тренерот на Партизан Александар Станојевиќ.
Според информациите на „ТВ Арена спорт“, шефот на стручниот штаб на тимот од Хумска бил погоден во глава и веднаш му била укажана помош.
Поради ова тој не можеше да ги искаже своите впечатоци во микс зоната, но се појави на прес конференцијата.
„Што да кажам после ова. Срам за сите! Мојот е најголем! Жал ми е што го загубивме натпреварот вака без крв, без борба. Звезда покажа класа. Ја преземам одговорноста. Жал ми е игравме дома, мојот најтежок пораз од Звезда досега. Тешко ми е“, изјави Станојевиќ.
Спорт
(Видео) Црвена звезда го декласира Партизан, хет-трик на Ндијај
Фудбалерите на Црвена звезда го совладаа Партизан со 4:0 во 174-то вечно дерби. Ова е прва победа на Црвена звезда на стадионот на Партизан по 27.февруари 2-016 година.
Црвено-белите имаа апсолутна контрола на натпреварот, во голема мера го имаа и поседот на топката, а од тој посед Звезда создаваше шанси. Партизан ги бараше грешките на ривалите на средината на теренот и се обидуваше да се закани кон голот на Глазер со брза транзиција.
По една таква акција Партизан ја имаше најсериозната шанса коха Зубаиру центрираше,а левиот бек Јурчевиќ ја погоди гредата.
Претходно, црвена звезда постигна гол од пенал во 24.минута, стрелец беше Ендијај. Во последните секунди од првиот дел беше решен победникот во дербиот, кога Силас со гол заврши една фолга акција на соиграчите.
⚽️GOAL | Partizan 0-2 FK Crvena zvezda | Silaspic.twitter.com/DnGJZDViR0
— Goals Xtra (@GoalsXtra) September 23, 2024
Во вториот дел Ендијај со два гола го комплетираше хет-трикот и убедливиот триумф на својот гол. Ендија го одигра четвртото дерби, има постигнато шест гола.
Вака убедлива победа на некој од ривалите немало цели 26 години, кога во Во 110-то вечно дерби одиграно на 8 април 1998 година, Звезда победи и на домашен терен со 4:0.
Спорт
Димитирјевиќ: Идол ми е Теодосиќ, но навивам за Партизан
Најдобриот македпнски кошаркар, Ненад Димитријевиќ импресивно ја започна сезоната. Со Милано го освои Суперкупот на Италија, а тој беше прогласен за МВП.
проговори за своите идоли, Милош Теодосиќ и Партизан.
Тој во интервју за „Еурохопс“ зборуваше за повеќе теми, откри дека идол му е Милош Теодосиќ, но од мал навива за Партизан.
„Гледам кошарка 24/7, навлечен сум. Теодосиќ отсекогаш ми бил омилен играч, секогаш сум го гледал многу. Исто така и Спанулис”, изјави Димитријевиќ.
26-годишниот скопјанец имаше можност да игра против Теодосиќ во Еврокупот, кога српскиот ас ги бранеше боите на Виртус од Болоња. Тогаш му се оствари сонот да игра против својот идол. Во интервјуто откр кога се 2вљубил“ во Теодосиќ.
„Тоа не беше натпревар во Евролигата, тоа беше Светското првенство во 2010 година кога тој постигна тројка со звукот на сирената од десет метри за победа против Шпанија“, објасни Димитријевиќ.
И тоа што идол му Теодосиќ, омилен тим на Димитријевиќ е Партизан.
„Се сеќавам на четвртиот натпревар од плејофот на Евролигата во 2010 година помеѓу Партизан и Макаби. Партизан водеше со 2:1: ако победи, оди на фајналфор“, изјави Димитријевиќ и продолжи:
„Отидов на тој натпревар во Белград. Се ежам кога секогаш кога зборувам за тоа. Тоа беше најневеројатниот натпревар во мојот живот“.
Димитријевиќ ќе игра против „својот“ Партизан на 15 ноември, кога Милан доаѓа во главниот град на Србија.