Регион
Ердоган ќе им дава турско државјанство на сириските бегалци
Турскиот претседател Реџеп Тајип Ердоган најави во саботата вечерта дека владата работи на проект кој во крајна линија би им овозможувал на сириските бегалци, кои тоа го сакаат, да добијат турско државјанство.
„Ви јавувам добра вест. Ќе им помогнеме на нашите сириски пријатели нудејќи им ја можноста, ако тоа го сакаат, да добијат турско државјанство“, рече Ердоган во говорот во јужната покраина Килис, на границата со Сирија, по повод ифтарската вечерата по повод одбележувањето на завршувањето на дневниот пост за рамазанските празници, известуваат турските медиуми.
Министерството за внатрешни работи набрзо би требало да ја објави постапката потребна за стекнување државјанство, додал турскиот претседател, без да наведе детали за оваа иницијатива, за која се претпоставува дека ќе предизвика контроверзии.
„Ве сметаме за наши браќа и сестри, не сте оддалечени од вашата татковина, туку само од своите куќи и добра, бидејќи Турција е и ваша татковина“, додал Ердоган пред собирот на сириските бегалци.
Турција на својата територија примила околу 2,7 милини раселени лица од Сирија, кои побегнаа пред граѓанската војна во нивната земја која започна во марти 2011 година. Тие, правно гледано, за Турција не се бегалци, туку „гости“. Турската влада веќе одобри работни и дозволи за престој за ограничена група Сиријци./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Пленковиќ: Бејби Лазања добива 50.000 евра од Хрватска
Бејби лазања ќе добие 50.000 евра од Хрватска за одличниот пласман на Евровизија 2024 година.
Оваа вест ја соопшти техничкиот премиер Андреј Пленковиќ.
„Искрени честитки до Марко Пуришиќ, чие уметничко име е Бејби Лазања, за неговиот фасцинантен успех на Евровизија, каде освои најголем број гласови од публиката, а се најде на второто место во целина. Ова е најголемиот успех на независна Хрватска од настапот на групата Рива“, рече Пленковиќ на 306. седница на Владата и додаде:
„Му благодариме на Загреб за прекрасниот пречек и на Умаг, тие беа навистина прекрасни слики од успехот на еден млад човек и навистина му посакуваме многу, многу успех во неговата понатамошна работа.
Регион
Несреќа во Хрватска: бегале од полицијата и се забиле во ѕид, четворица мртви, меѓу кои и едно дете
Тешка сообраќајна несреќа се случила во четвртокот околу 7 часот во местото Брнаже кај Сињ. Четири лица загинаа при излетување на патничко возило од коловозот, кое потоа удрило во ѕид. Останатите лица кои се наоѓале во возилото, кое било со камп приколка, се пренесени во болница.
„Според првите информации загинатите најверојатно се мигранти“, информираат од сплитско-далматинската полиција.
Сообраќајната несреќа се случила по полициска потера од Триљ до Брназ, каде патнички автомобил со унгарска регистрација поради пребрзо возење удрил во ѕид од семејна куќа, пишува Dalmacija news.
Загинаа дури четири лица.
Регион
САД: Додик е безбедносна закана
Соединетите Американски Држави го сметаат лидерот на босанските Срби Милорад Додик за закана за безбедноста, а спремни се да реагираат на секое загрозување на опстанокот на Босна и Херцеговина како држава, изјави американскиот амбасадор во Сараево Мајкл Марфи.
Марфи потсети на изјавата на Додик дека „не сака да дише ист воздух со Бошњаците“, оценувајќи дека тоа би требало да го загрижи секого, вклучувајќи ја меѓународната заедница.
Објасни дека САД нема мирно да го гледаат ризикот од избивање нов конфликт на тлото на БиХ и затоа силно го поддржуваат продолжувањето на воената мисија на ЕУ, но и решителноста на НАТО да не дозволи „безбедносен вакум во земјата“.
„Нашата политика е цврста и јасна и таква е во последните 30 години. Ги поддржуваме територијалниот интегритет, суверенитетот и мултиетничкиот карактер на БиХ, тоа е наш интерес и ќе го браниме“, кажа американскиот амбасадор за внатрешните прашања на БиХ.