Црна хроника
Повторно ограбени две цркви во Струшко
Пвоторно се ограбени две цркви во струшките села Селце и Буринец, соопштуваат од МВР. Како што соопштуваат од таму, мета на крадците овој пат биле црквите „Св. Никола“ и „Св. Пречиста“ во струшко
Непознат сторител со употреба на погоден премет, влегол во црквите и украл икони. Материјалната штета дополнително ќе биде утврдена, а се преземаат мерки за откривање на сторителите.Кражбите на цркви, станаа се почеста појава во струшкиот регион.Пред три месеца според информации на струшката полиција, од црквата „Свети Спас“ во планинското село Буринец крадците однеле две илјади денари, колку што во тој момент имало во објектот. Арамиите влегле насила со кршење на бравата од металната врата, додека од црквата „Света Богородица Пречиста“ во Локов влегле со кршење на бравата од дрвената врата на објектот од каде однеле една икона.Од Министерството за внатрешни работи велат дека се ангажирани на расветлување на случајот и евентуалното пронаоѓање на крадците за кои се претпоставува дека се дел од организирана група. Испитувањето на терен одело тешко поради оддалеченоста на двете села сместени во планината Јабланица. Полицијата пред пет месеци откри добро организирана група од Албанија која долго време вршела кражби на икони и други вредни предмети од црквите во Струга од кои беа однесени повеќе од 80 вредни икони од 18 и 19 век.Ова е седми пат за само неколку месеци како муслиманските гробишта во градот се мета на вандалски чин. Откако почнавме да ги уредуваме гробиштата, досега се украдени повеќе и од сто елки кои овде ги насадивме, а во последно време почнаа да ги кршат во раните утрински часови и светилките кои светат ноќе“, велат од Иницијативниот одбор кој се грижи за уредување на струшките гробишта.МВР го потврди настанот и соопшти дека се работи на расветлување на случајот. Неколку лица кои би можеле да помогнат во пронаоѓање на сторителите, се повикани на информативен разговор. Според полицијата, интензивно се бараат и лицата сторители на претходните инциденти.Во септември минатата година беше оргабена црквата „Свети Никола“ во Вевчани која од беа украдени четири икони, два метални крста, како и три примероци на Евангелието, еден сребрен Путир и други поситни предмети. Станува збор за една икона од свети Јован Крстител од 18-ти век, една руска икона од 19-ти век и една икона со ликот на Пресвета Богородица.<br />Претходно истот месец, непознати сторители извршија грабеж во уште три цркви во села од струшкиот атар, притоа одземајќи вредни стари икони. Ограбени беа двете цркви во селото Јабланица и една црква во селото Безево. Од црквите „Света Богородица“ и „Свети Мартинија“ во Јабланица се украдени седум и пет икони, додека од црквата „Свети Великомаченик Димитрија“ од Безево, пет икони. Провалниците тогаш украле и помала сума пари.Меѓу украдените икони се наоѓа и особено вредната што ја изработил познатиот зограф Дичо околу 1824 г.Претходно во периодот меѓу 30-ти и 5-ти септември 2009 г. во Струшко беа ограбени и црквите „Свети Архангел Михаил“ во Ташмаруништа и црквата „Света Богородица“ во селото Долна Белица. На 6-ти септември лани г. во „Свети Архангел Михаил“ во Ташмаруништа беше откриено дека се украдени девет икони и две позлатени царски двери.Извори од Министерството за внатрешни работи велат дека се преземаат опсежни мерки за откривање на ограбувачите на црквите. Најверојатно иконите се’ уште се наоѓаат во државата, засега нема потврда дека некои од овие вредни историски дела и предмети се пронајдени во полициската акција „Фаланга“ во која беше откриен синџир за илегална трговија со артефакти и уметнички предмети, за што во притвор се 23 лица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Две жртви во сообраќајката на патот Радовиш-Штип, уште едно лице повредено
Две лица загинаа на лице место во сообраќајната несреќа што се случи попладнево на магистралниот пат Радовиш-Штип.
Во несреќата е повредена и сопатничката од едното возило, која е пренесена во штипската Болница.
Веста за „Макфакс“ ја потврди портпаролката на СВР Струмица, Александра Трајанова, која информираше дека во несреќата учествувале автомобили „пасат“ и „опел“.
„На местото на несреќата починале возачите на двете возила, смртта ја констатирал лекар од „ЈЗУ Здравствен дом Радовиш“ а сопатничка од патничкото возило „опел” била пренесена во Медицински центар Штип“, информира Трајанова.
Увид на местото на несреќата врши јавен обвинител, а сообраќајот се пренасочува по стариот пат.
Од полицијата повеќе детали за несреќата најавуваат за утре.
Црна хроника
Приведен скопјанец: се заканувал со ловечка пушка
Утрово во 01.20 часот во село Богомила, општина Чашка, полициски службеници од Полициското одделение Чашка го лишиле од слобода Ѓ.Ѓ.(36) од Скопје, постапувајќи по претходна пријава од Н.Д.(37) од село Богомила.
Ѓ.Ѓ. пред објект во селото со ловечка пушка му се заканил нему и на С.С., М.Д., Б.Ј., Т.Д., П.Б. и Д.Ѓ..
Бил задржан во полициска станица, а известен бил и јавен обвинител и по документирање на настанот протв него ќе биде поднесена соодветна пријава, соопшти полицијата.
Црна хроника
Кривична за директорот на ЈП „Пазари“ Битола: склучил договор за јавна набавка со фирма избришана од Централниот регистар
Одделот за криминалистичка полиција, по наредба од Основното јавно обвинителство Битола презема предистражни дејствија и во координација со СВР Битола поднесе кривична пријава против Б.К. од Скопје поради постоење основи на сомнение за сторено кривично дело „злоупотреба на постапката за јавен повик, доделување на договор за јавнa набавкa или јавно-приватно партнерство“ по член 275-в од Кривичниот законик и против В.А. од Битола поради постоење основи на сомнение за сторено кривично дело „несовесно работење во службата“ по член 353-в од Кривичниот законик. Имено, првопријавениот Б.К., во својство на управител на правно лице од Битола, на 19.12.2019 со неизвршување на обврските од склучен договор за јавна набавка на стоки за проектирање, набавка и монтажа на фотоволтаични панели за производство на електрична енергија со ЈП „Пазари“ Битола нанел штета на претпријатието. Тој дал гаранција за поставените фотоволтаични панели во рок од 25 години, иако знаел и бил свесен дека во предвидениот рок од една година од основањето на друштвото не го внел основачкиот влог на своето друштво согласно чл.186 ст.5 од Законот за трговски друштва поради што истото согласно чл.552-а и чл.552-б од истиот закон било избришано од Централниот регистар. Исто така, Б.К. знаел дека не можел да гарантира за изведените работи, со што постапил спротивно на дадената изјава за сериозност на понудата.
Второпријавениот В.А., во својство на директор на ЈП „Пазари“ Битола со пропуштање на должен надзор во вршењето на своите овластувања и должности, не извршил надзор кој бил должен да го изврши над носителот на набавката дали е активен субјект или не, со што не постапил согласно одредбите од склучениот договор за јавна набавка и не го раскинал. Исто така, В.А. постапил спротивно на чл.101 ст.7 од Законот за јавни набавки и не објавил негативна референца на електронскиот систем на јавни набавки на Бирото за јавни набавки. На тој начин В.А. му овозможил на првопријавениот да се стекне со противправна имотна корист како право да не биде исклучен од идните постапки за јавни набавки во период од шест месеци од денот на евентуалното објавување на негативната референца, а воедно и по доставена фактура одобрил и извршил плаќање кон првопријавениот односно кон неговото правно лице во вкупен износ од 1 298 000 денари со што го оштетил буџетот на ЈП „Пазари“ Битола.