Црна хроника
Тешко повредено 4-годишно девојче во банална расправија
Четиригодишно девојче е тешко повредено во банална расправија меѓу две семејства во ромската населба во Крива Паланка, соопштуваат од СВР Куманово
Според нивните информации, расправијата започнала додека две девојчиња на четири до петгодишна возраст си играле надвор, кога дошла бабата на сега веќе повреденото девојче и им рекла да не чкртаат на куќата.Се вмешало и семејството на другото девојче и почнале да се расправаат меѓусебно. Бабата му удрила шлаканица на другото девојче, но во меѓувреме наишол брат и, кој Зел камен, но наместо да ја удри бабата, го погодил девојчето во главата.Повреденото девојче било пренесено во кумановската болница, а од таму на клиничкиот центар во Скопје, каде му била извршена операција. Сега се наоѓа во стабилна состојба. Против сторителот ќе биде поднесена соодветна пријава.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Со пиштол удрил женско лице во кафеана: уапсен маж од Кочани
Вчера во 14.00 часот во Кочани, полициски службеници од ОВР Кочани го лишиле од слобода О.Ц.(38) од Кочани.
Тој се сомничи дека околу 12.30 часот во угостителски објект во Кочани се однесувал агресивно и со пиштол удрил едно женско лице.
Подоцна, при претрес во неговиот дом и неговото возило „ауди“, извршен со судска наредба, биле пронајдени и одземени пиштол калибар 7,65 мм, 25 куршуми калибар 7,65 мм и лисици за врзување.
Лицето било задржано во полициска станица и по целосно документирање на случајот против него ќе биде поднесена соодветна пријава.
Црна хроника
Кривична пријава за директорка на училиште во Делчево, без да спроведе транспарентна постапка извршила набавка
Надворешна канцеларија за криминалистички работи Делчево поднесе кривична пријава против Д.Ц. (52) од Делчево, директорка на средно училиште, поради постоење сомневање за сторено кривично дело „несовесно работење во службата“.
Таа, без да спроведе транспарентна постапка за набавка на стоки и услуги, извршила набавка од повеќе правни лица во вкупна вредност од 905.482 денари, а со Законот за јавни набавки е предвидено дека износот на извршени набавки без спроведена јавна набавка во текот на годината не смее да го надмине износот од 12.000 евра во денарска противвредност.
Црна хроника
Жена нападната од својот сопруг во семејниот дом
Вчера во 18:35 часот во СВР Скопје, 30-годишна жена пријавила дека во семејниот дом на подрачјето на Бит Пазар била физички нападната од нејзиниот сопруг О.Ѓ.(38) од Скопје.
Се преземаат мерки за расчистување на случајот.