Региони
Битолски Бит фест 2015 – културна и акција за економска промоција на инвестиции
Битола, како многувековна значајна точка на културната светска мапа, влегува во втората третина од Битфестовските случувања, буквално престорувајќи се во една голема сцена каде што пред креативноста и создавањето аплаудира многуилјадна публика.
Но еден град како Битола, не само заради својата стратешка поставеност од културен и географско-историски аспект, туку и во насока на своето модерно живеење и во името на сопствениот економски просперитет го живее и со секој одживеан миг го создава Бит фест.Така Битола е целодневен домаќин на голема амбасадорска и актерско–новинарска делегација и ќе бидат воспоставени првите сериозни релации за натамошна културна, но пред се и соработка во делот на економијата и инвестициите.
Дваесетгодишнината од воспоставувањето на дипломатските односи меѓу Македонија и Израел, се одбележува со поставување Спомен плоча на столбовите на некогашната синагога „Кахал Португал“, а ќе биде засадено и дрво на пријателството и мирот, во присуство на градоначалникот Владимир Талески и израелскиот амбасадор за Македонија и директор за Балканот, Дан Ориа.
Израелската делегација ја сочинуваат и публицисти од Израел и САД и новинари од националните телевизии на Израел, што е одлична можност Битола да биде преставена во тој дел на светот, како идна платформа за натамошни релации во поглед на економска соработка и бизнис партнерства.
Гостувањето, пак, на израелската претстава „Нашиот клас“ е во рамките на нивната голема балканска турнеја, а во недела во 20 часот) ќе биде изведена на сцената на Битолскиот народен театар.
„Нашиoт клас“ e приказна на релацијата Полјаци – Евреи, лоцирана во едно мало село во источна Полска, за време на Втората светска војна. Станува збор за десет деца, една генерација, за еден нивни животен фрагмент, приклештен од војната и љубовта, со сите убиства, сеќавањата и заборавот, насилството и сочувството, сето тоа испреплетено во моќната драматика на животот.
Текстот за претстава се темели врз вистински историски настан, кога во малото село во Полска, на 10-ти јули 1941 година, биле запалени 1600 Евреи. Автор на текстот е полскиот драматург Тадеуш Слободжанек. Претставата преку приказната за локалниот погром на Евреите, ја испраќа универзалната порака за секое општество што не го прифаќа „другиот”, за атмосферата каде што децата се жртва на нетолеранција, расизам, и предрасуди./крај/мф/аш
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Региони
Поради магла и загаден воздух, откажани летовите на аеродромот во Сараево
Поради лошите временски услови предизвикани од магла синоќа и утринава откажани се некои летови на меѓународниот аеродром во Сараево.
Од меѓународниот аеродром во Сараево откажани се летовите кои пристигнуваат од Виена, Истанбул и Загреб, а со тоа и појдовните летови од Сараево.
„Останатите летови засега се на распоред и очекуваме наскоро да се подобрат временските услови на меѓународниот аеродром во Сараево“, велат од аеродромот за сараевската телевизија N1.
Македонија
(Видео) Торказ се сретна со Џафери и повика на почитување на меѓународните договори од сите страни
На маргините на лидерскиот состанок за планот за раст, кој се одржува во Котор, Црна Гора, претседателот на Владата на Република Северна Македонија, Талат Џафери, имаше билатерална средба со специјалниот пратеник за Западен Балкан на Франција, Рене Троказ.
„На средбата се разговараше за важноста од продолжување на европскиот пат на Република Северна Македонија во пресрет на формирањето на новата влада. Троказ ја истакна натамошната француска поддршка на европската интеграција на Северна Македонија во ЕУ и повика на почитување на меѓународно преземените договори од сите политички фактори. Премиерот Џафери изрази надеж дека земјата ќе ги заокружи неопходните чекори за продолжување на европската агенда. Во таа насока ја сподели загриженоста од непочитувањето на уставното име од страна на новоизбраната претседателка на државата и повика на почитување на меморандумот потпишан пред изборите од страна на политичките партии во поглед на предусловите за нашето интегрирање во Европската Унија“, соопштија од кабинетот на Џафери.
Џафери и во Котор нагласи дека за него не е приоритет кој ќе ја сочинува новата влада, туку исполнувањето на европската агенда како пат кон иднината, на кој ќе продолжи да работи во кое било својство и функција.
Македонија
Опасен отпад детектиран во близина на скопското село Орман
При редовна обиколка од страна на Државниот инспекторат за животна средина на територијата на Општина Ѓорче Петров, на 10 октомври лоцирано е одлагање на згура од преработка на акумулаторски батерии на во близина на селото Орман. Станува збор за опасен отпад во количина од околу 500 до 600 тони.
„Според затекнатата состојба на теренот, а според Листата на видови на отпад (Сл.Весник на РМ бр.100/2005) се работи за отпад со шифра 10 04 – Отпад од пирометалургија на олово,10 04 01*- троски од примарно и секундарно производство, која според класификацијата спаѓа во класата на опасен отпад“, информираат од Државниот инспекторат.
Сопствениците на катастарската парцела на која се наоѓа отпадот со решение од Државниот инспекторат се задолжени да извршат неговата дислокација во рок од 30 дена од издавање на решението.
Граѓаните на социјалните мрежи бараат одговорност и одговор од каде доаѓа отпадот и кој е виновникот за неговото одложување токму на оваа локација која е во непосредна близина на реката Лепенец и населените места Волково и Орман.