Македонија
Кривичниот суд ќе изготви список за помилуваните лица

Во Основниот суд Скопје 1 – Скопје во четвртокот биле доставени наведените одлуките за помилување, ослободување од гонење од страна на Кабинетот на Претседателот на Македонија, со наведени конкретни броеви на постапки кои во дел се водат пред Кривичниот суд, а дел се со броеви од Обвинителството, соопштуваат од Судот.
Судот ќе изготви список на наведените предмети кои се цитирани во решенијата од Претседателот кој со одлуките и решенијата ќе биде достапен на располагање на судиите заради надлежно постапување.„Со оглед на фактот дека дел од броевите на решенијата ќе бидат споени со конкретни судски предмети на овој суд, а дел се работи за броеви на предмети на Обвинителството за гонење на кривични дела поврзани и кои произлегуваат од незаконското следење на комуникациите (СЈО) по кои постапува пред овој суд во предистражна и истражна постапка, како и броеви од Основното јавно обвинителство – Скопје, под кои се преземаат дејствија за гонење, сите одлуки и решенија на Претседателот на Р. Македонија со список на поврзани броеви на обвинителствата, ќе бидат достапни на судиите во овој суд надлежни за понатамошно постапување како би се почитувале одлуките на Претседателот на Р. Македонија“, соопштуваат од Судот./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
ДУИ: Трагедијата бара јасна институционална одговорност, а не манипулации за политички поени

Трагедијата што се случи бара јасна институционална одговорност, а не манипулации за политички поени, велат од Демократската унија за интеграција (ДУИ).
Според нив, власта со сите сили се обидува да ги заштити своите и да го пренасочи вниманието на јавноста кон други, наместо да обезбеди транспарентност и одговорност.
„Овој селективен и неправеден пристап не само што ја поткопува довербата на граѓаните во институциите, туку и го загрозува самиот процес на правда. Ние нема да влеземе во замката на политика на обвинувања и поделби. За нас, правдата не може да се дели на „наши“ и „нивни“ – таа мора да биде еднаква за сите“, велат од ДУИ.
Партијата ги повика институциите да останат надвор од секое влијание и да обезбедат транспарентен, праведен и непристрасен процес.
Македонија
Земјотрес почувствуван во Струмица

Земјотрес е почувствуван попладнево во Струмица, во 18 часот и 33 минути.
Според информацијата на сеизмолошката опсерваторија, потресот е со јачина од 2,8 степени според Рихтеровата скала.
Според досегашните податоци со кои располага опсерваторијата, земјотресот е почувствуван во Струмица и околината.
Македонија
„Халкбанк“ донира 50.000 евра за семејствата на загинатите и повредените во Кочани

„Халкбанк“ со донација од 50.000 евра уплатени кон наменскиот фонд од Црвен крст на Македонија, дава поддршка за семејствата на загинатите и повредените.
„Бескрајно жалиме за трагичната загуба на младите животи во Кочани… А нашите мисли се и со повредените, на кои им посакуваме целосно опоравување и сила во овие тешки моменти“, напиша банката на нејзината „Фејсбук“ страна.