Забава
Само 300 гости може да дојдат на свингерска забава во Шведска
Најголемата свингерска забава која ќе се одржи во Шведска може да угости само 300 луѓе иако интересот е многу поголем.
Многу барања за билети за учество стигнале до организаторите, кои првично планирале учество на 600 луѓе, но на крај морале да одбијат половина од нив, затоа што објектот во кој ќе се одржува забавата театарот „Арбис“ може да собере само 300.
„Надлежните за дозвола рекоа дека само 300 може да собере во просториите“, вели менаџерот на клубот Адам и Ева, кој ја организира свингерската забава.
Клубот има 2.500 членови, а билет за свингерската забава чини 650 круни, или 103 долари.
Забавата ќе се одржи иако локалното население се бунеше и смета дека лошо ќе се одрази на нивната локална заедница.
Клубот поддржува и безбеден секс, па набавиле 1.000 кондоми за забавата, иако нема да ги присилуваат гостите да ги користат, но ќе ги препорачаат.
Организацијата на свингерската забава е налик на онаа од филмот „Очи широко затворени“ на Стенли Кјубрик од 1999 година, а Том Круз и со Никол Кидман во главна улога, а учесниците ќе останат анонимни
Менаџерот откри дека бил и жртва на закани, преку мејл, дека ќе го откријат неговото име, по што тој уредно пријавил во полиција.
Клубот изнајмил и обезбедување, доколку нешто тргне наопаку.
Според менаџерот на клубот, свингерската забава ќе помогне на локалната економија на Норекипинг, затоа што гостите ќе се сметат во локалните хотели./крај/тл/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Принцот Вилијам ја воодушеви и шокираше сопругата Кејт со подароци: Најчуден е оној од почетокот на нивната врска
Повеќето сопрузи им подарувале на своите сопруги подароци за годишнината што би сакале да ги заборават, а принцот Вилијам не е исклучок.
Тој со текот на годините ја воодушевуваше и шокираше принцезата Кејт со подароци што таа или ги мразеше или сакаше, објави Мирор, истакнувајќи дека парот веќе ја прослави 13-годишнината од бракот.
Самиот Вилијам призна дека некои од неговите подароци биле погодени или промашени.
Принцот Вилијам (41) и купи на Кејт нежен часовник од 4.850 фунти Balloon Blu d Cartier за нивната трета годишнина од брак во 2014 година.
За време на кралската турнеја низ Канада во 2016 година, принцезата од Велс беше видена како носи часовник со ситни сафири, што одговараше на нејзиниот веренички прстен, исто така уште еден скап подарок.
Сепак, принцот Вилијам неодамна призна дека еднаш на својата сопруга и подарил двоглед на почетокот на нивната врска бидејќи во тоа време се чинело соодветно.
Принцот Вилијам и купил на својата сопруга комплет за накит вреден 121.000 фунти за нејзиниот роденден.
Се верува дека тоа било подарок за нејзиниот 30-ти роденден во 2012 година, иако тоа не е потврдено, а во 2022 година, Кејт носеше пар обетки од 100 фунти, кои беа божиќен подарок од принцот Вилијам од брендот Сезан.
Наука
Здравиот начин на живот го неутрализира влијанието на генетиката за повеќе од 60 проценти, покажува истражување
Здравиот начин на живот може да го компензира влијанието на генетиката за повеќе од 60 проценти и да додаде уште пет години на животот, според првата студија спроведена на оваа тема.
Добро е познато дека некои луѓе се генетски предиспонирани за пократок животен век, објави Гардијан.
Исто така, добро е познато дека факторите на животниот стил, особено пушењето, консумирањето алкохол, исхраната и физичката активност, можат да влијаат на долговечноста.
Сепак, досега не е направено истражување за степенот до кој здравиот начин на живот може да се спротивстави на генетиката.
Наодите од неколку долгорочни студии сугерираат дека здравиот начин на живот може да ги ублажи ефектите од гените што го скратуваат животот за 62 проценти и да додаде дури пет години на животот.
Резултатите беа објавени во списанието BMJ Evidence-Based Medicine.
Оваа студија ја појаснува клучната улога на здравиот начин на живот во ублажувањето на влијанието на генетските фактори врз скратувањето на животниот век, заклучија истражувачите.
Студијата опфатила 353.742 луѓе од Обединетото Кралство Биобанка и открила дека оние со висок генетски ризик за пократок живот имаат 21 отсто зголемен ризик од рана смрт во споредба со оние со низок генетски ризик, без оглед на нивниот животен стил.
Забава
Три хороскопски знаци ќе пливаат во пари во мај
Maj носи исклучителни финансиски можности за три хороскопски знаци. Благодарение на поволните планетарни соѕвездија, тие особено ќе ги почувствуваат придобивките од зголемувањето на нивните банкарски сметки. Еве кои се среќниците во месецот и што се крие зад нивната финансиска среќа.
Бик
Биковите ќе доживеат значителен финансиски успех во мај 2024 година благодарение на нивната упорност и практичен пристап. Со влегувањето на Венера, планетата на љубовта и парите во нивниот знак, Бикот може да очекува зголемување на приходите преку покачувања, бонуси или профитабилни инвестиции.
Овој земјен знак е познат по својата способност да работи напорно и трпеливо да чека резултати, кои сега конечно ќе се исплатат. Биковите треба да го искористат овој месец за долгорочни финансиски планови и инвестиции кои ќе обезбедат нивна стабилност.
Девица
Девиците ќе видат значително подобрување на нивната финансиска состојба во мај 2024 година, благодарение на Меркур, нивниот владетел и планета на трговијата, кој ќе влезе во поволен аспект со Јупитер, планетата на среќата и просперитетот. Оваа планетарна усогласеност поттикнува успех во преговорите, договорите и деловните потфати, особено оние кои вклучуваат детална анализа и прецизност.
Девиците треба да ги користат своите аналитички вештини за да ги идентификуваат најдобрите можности за заработка и паметно да ги инвестираат своите ресурси.
Стрелец
За Стрелците, мај 2024 година носи извонредни финансиски можности благодарение на Јупитер, нивната владејачка планета, која ќе се најде во хармоничен аспект со Плутон, кој поттикнува трансформација и обновување. Ова е идеално време за Стрелците да преземат ризици или да започнат нов деловен потфат кој може да биде исклучително профитабилен.
Нивната природна наклонетост кон оптимизам и авантуризам ќе ги доведе до можности што може да резултираат со значителна финансиска добивка.