Забава
На минута до смртта – последните фотографии на жртвите на вулканот Онтаке
Повеќето туристи кои загинаа во ерупцијата на јапонскиот вулкан Онтаке, успеале да ги направат своите последни фотографии неколку секунди пред катастрофалната стихија.
На социјалните мрежи се појавија фотографиите направени од туристите кои не биле свесни каква опасност им се заканува. Повеќето од нив живееле во близина на вулканот Онтаке и решиле да го минат денот во природа уживајќи во есенските бои, пренесува американската телевизиска мрежа Fox News.
„Тахакаси, изгледа, среќен на оваа фотографија. Но нема насмевка. Можеби затоа што тој видел како вулканот започнува да еруптира…“, вели еден од пријателите на жртвите.Сопругата на еден од туристите поставила околу стотина фотографии кои нејзиниот маж успеал да ги сними неколку минути пред трагедијата. На последната серија снимки се гледаат столбот од чад како се издига од кратерот.
„Тоа се неверојатно фотографии, но јас би сакала во тој момент мојот маж да побегне од таму наместо да фотографира. Мислам да отидам таму по десет години, сакам да го видам што последно вишол мојот маж“, вели сопругата на еден од загинатите.
Според последните информации, во ерупцијата на вулканот Онтаке загинаа 51 лице, од кои 46 починале како последица на повреди здобиени од камењата кои паѓале, Околу 70 луѓе се повредени со различни степени на повреди, а 12 лица се водат како исчезнати.
Јапонските вулканолози сметаат дека причината за најголемиот број смртни случаи и повредени во повоената историја на Јапонија во некоја вулканска ерупција била големиот број камења исфрлени од кратерот и нивната голема брзина од околу 300 километри начас со која паѓале на почвата./крај/мф/сн
Извор: Fox News
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.