Региони
Штипски ЈП „Исар“ отвори погон за селекција на пластичен отпад
ЈП „Исар“ отвори погон за селекција и складирање на отпад, со тенденција да прерасне во фабрика за селекција на пластика, хартија и лимена амбалажа.
ЈП „Исар“ отвори погон за селекција и складирање на отпад, со тенденција да прерасне во фабрика за селекција на пластика, хартија и лимена амбалажа.
Објектот е лоциран на булеварот „Партизанска“ близу ООУ „Тошо Арсов“. Иако скромно, машините кои се набавени и постапката најавуваат амбициозен план кој ветува проширување на капацитетите. „Иако почетоци се скромни, јас сум убеден дека сме на прагот на една голема и важна работа за Штип. Оваа фабрика за селекција на отпадот е можност ЈП Исар да генерира профит од отпадот, од една страна, а од друга да го чисти грсдот од комуналниот отпад. Јас би бил најсреќен кога секој граѓан ќе го фрле отпадот на вистинското место и кога ние како град би имале услови да ставиме на секое можно место различни контејнери за различен вид на отпад. Тоа би било најдобро решение, но секако во овој момент тоа не е можно. Граѓаните треба да научат дека отпадот се фрла во контејнер и ако вработените на ЈП Исар го преземат од таму, тие веќе многу им помогнале. Ако секој граѓанин фрла по еден килограм отпад дневно, може да се види за колкава количина станува збор. Барем половина од тој отпад е селективен, може да се преработи и со тоа да се помогне во идејата за почист град“, рече Илчо Захариев, градоначалник на Штип.Директорот на ЈП Исар, Ангел Бојаџиев рече дека иако почетоците се скромни, сепак имаат визија за успешна работа на оваа фабрика.„Инвестицијата изнесува 40.000 евра, од кои над 20.000 евра се за двете работни машини. Ова го правиме со голема помош на општината, на „Пакомак“ кои веќе неколку години се наши партнери и донираа голем број на пластични садови за селекција на отпад. Нашата намера е профитот да се реинвестира, да се купат нови машини, да се прошируваат капацитетите и со тоа да направиме услови з апочист град. Ваквите погони се мошне важни за влез на една земја во ЕУ и ете , ние го правиме првиот мал, но многу важен чекор“, рече Бојаџиев. Погонот се состои од две работни мачини: подвижна лента на која се поставува пластичниот отпад и преса која истиот го пакува. Капацитетот на машините е голем, зависи од отпадот кој ќе се донесе но во секој случај дневно можат да се пакуваат еден тон на пластична маса. Според него, во следниот период, волонтери ќе ги посетат семејствата низ градот и ќе им ја појасната полезноста и важноста за рециклирање на пластиката./крај/мф/др
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Торказ се сретна со Џафери и повика на почитување на меѓународните договори од сите страни
На маргините на лидерскиот состанок за планот за раст, кој се одржува во Котор, Црна Гора, претседателот на Владата на Република Северна Македонија, Талат Џафери, имаше билатерална средба со специјалниот пратеник за Западен Балкан на Франција, Рене Троказ.
„На средбата се разговараше за важноста од продолжување на европскиот пат на Република Северна Македонија во пресрет на формирањето на новата влада. Троказ ја истакна натамошната француска поддршка на европската интеграција на Северна Македонија во ЕУ и повика на почитување на меѓународно преземените договори од сите политички фактори. Премиерот Џафери изрази надеж дека земјата ќе ги заокружи неопходните чекори за продолжување на европската агенда. Во таа насока ја сподели загриженоста од непочитувањето на уставното име од страна на новоизбраната претседателка на државата и повика на почитување на меморандумот потпишан пред изборите од страна на политичките партии во поглед на предусловите за нашето интегрирање во Европската Унија“, соопштија од кабинетот на Џафери.
Џафери и во Котор нагласи дека за него не е приоритет кој ќе ја сочинува новата влада, туку исполнувањето на европската агенда како пат кон иднината, на кој ќе продолжи да работи во кое било својство и функција.
Македонија
Опасен отпад детектиран во близина на скопското село Орман
При редовна обиколка од страна на Државниот инспекторат за животна средина на територијата на Општина Ѓорче Петров, на 10 октомври лоцирано е одлагање на згура од преработка на акумулаторски батерии на во близина на селото Орман. Станува збор за опасен отпад во количина од околу 500 до 600 тони.
„Според затекнатата состојба на теренот, а според Листата на видови на отпад (Сл.Весник на РМ бр.100/2005) се работи за отпад со шифра 10 04 – Отпад од пирометалургија на олово,10 04 01*- троски од примарно и секундарно производство, која според класификацијата спаѓа во класата на опасен отпад“, информираат од Државниот инспекторат.
Сопствениците на катастарската парцела на која се наоѓа отпадот со решение од Државниот инспекторат се задолжени да извршат неговата дислокација во рок од 30 дена од издавање на решението.
Граѓаните на социјалните мрежи бараат одговорност и одговор од каде доаѓа отпадот и кој е виновникот за неговото одложување токму на оваа локација која е во непосредна близина на реката Лепенец и населените места Волково и Орман.
Македонија
ЦУК: Активни два пожари, вчера регистрирани 26 пожари
Активни се два пожари од вкупно 26 на отворен простор што се регистрирани вчера во државава, информира утрово Центрот за управување со кризи (ЦУК).
-Активни се пожарите во Општина Македонски Брод, село Белица под Солунска Глава, каде што гори ретка борова шума, сува трева и грмушки и во Општина Чашка кај село Крива Круша, каде што гори сува трева и папрат, се наведува во соопштението.
Изгаснатите 24 пожари од вкупно 26 во последното деноноќие биле во:
– Општина Гази Баба, кај клучка кај Арачиново (каде што горела трска);
– Општина Аеродром. покрј ул.„Ѓорѓи Капчев“ (отпадоци);
– Општина Бутел, кај населбара „Кучевишка Бара“ (сува трева);
– Општина Илинден, кај с.Бунарџик (сува трева);
– Општина Новаци, кај с.Бач (сува трева);
– Општина Прилеп, 5 пожари, кај Индустриско училиште (сува трева), с.Селце (сува трева), с.Големо Коњари (сува трева), с.Новоселани (сува трева) и кај Прилепско Езеро (сува трева, грмушки и шума); – Општина Долнени, помеѓу селата Рилево и Сливје (сува трева);
– Општина Кривогаштани, 3 пожари, кај с.Локвени (сува трева), помеѓу Кривогаштани и Врбјни (сува трева) и помеѓу с.Кривогаштани и с.Светомитрани (сува трева);
– Општина Гевгелија, кај с.Ѓавато (сува трева); – Општина Велес, с.Иванковци (сува трева);
– Општина Чашка, с.Стари Град (сува трева и трње);
– Општина Штип, помеѓу конфекција Албатрос и Штипска млекара (сува трева и грмушки);
– Општина Куманово, 2 пожара, с.Карабичани (сува трева) и с.Романовце (стрниште);
– Општина Старо Нагоричане, 2 пожара,: с.Кокино (сува трева и борови гранки); с.Никуљане (стрниште);
– Општина Крива Паланка, с.Луке (букова шума и сува трева) и во – Општина Кратово: с.Татомир (каде што горела сува трева).