„Не сум виновен“, „Не сум терорист“, тврдea дел од обвинетите за тероризам за мајските инциденти што се случија во „Дива населба“ на седницата за оценка на обвинителниот акт.

Сите обвинети се изјаснија дека не се виновни, а еден од нив пред судот рече дека го собрале од дома како терорист. „Да бев терорист делото ќе го извршев во друга земја“. друг обвинет тврдеше дека ниту добил обвинение, ниту видел докази, а трет пак рече дека нема да се појави во судницата бидејќи бил малтретиран од полицајците при спроведувањето во судница.Според обвинението, вечерта на 9-ти мај припадниците на Единицата за специјални задачи постапувале по судска наредба за вршење на претрес со цел да ги лишат од слобода лицата инволвирани во инцидентот во Полициската станица Гошинце. Приближувајќи се кон објектот каде требало да извршат претрес вооружената група фрлила рачна бомба кон полицајците. Потоа пукале со автоматско оружје и снајпери, а борбите траеле цела вечер и другиот ден. Следниот ден вечерта голем дел од групата биле приведени, а 18 од нив носеле униформи на УЧК.Обвинителството тврди дека обвинетите биле следени со посебни истражни мерки од 23 април до 8 мај, пред да се случат инцидентите. Обвинителството поседувало докази од биолошки траги коишто докажувале дека обвинетите учествувале и во нападот во Гошинце и во Куманово, а имале криминално досие и на Косово,.Во судот се појавија водачите на група Сами Укшими, командант Соколи и Мухамед Красниќи, командант Малишева, додека другите двајца водачи Бег Ризај и Мирсад Ндрецај, официјално, загинаа во борбите.Одбраната на обвинетите за тероризам побара изземање на обвинителот од Јавното обвинителство за организиран криминал и корупција и предметот да го преземе Специјалното обвинителство.Според одбраната, овој предмет произлегувал од незаконско прислушуваните разговори. Судскиот совет, составен од судиите Огнен Ставрев, Јани Нича и судијката Љубинка Башеска, иако им образложи на бранителите дека судот не е надлежен за ова ниво барање,сепак, решаваше за ова и одлучи ова барање да биде испратено на повисоко ниво, односно до Јавното обвинителство.Адвокатот Насер Рауфи рече дека иако седум месеци обвинетите се во притвор на никого не му бил дозволен увид во списите на предметот и никој не видел никакви докази.Дел од обвинетите имале здравствени проблеми и еден од адвокатите побара да се утврди нивната здравствена состојба. Еден од обвинетите стана и се пожали до судот дека „ногата му била за операција“ и имале тешки телесни повредиЈавната седница за настаните во Куманово се одржува во големата сала во Врховниот суд, за да се соберат сите 29 обвинети за тероризам. Пред влезот на судот беа насобрани роднините на обвинетите, а сите згради во судот ги обезбедуваат полицајци и специјалци.Новинарите пред влезот беа детално претресувани и судењето започна со речиси еден час задоцнување. Обвинителот Наум Пановски прочита краток дел од обвинението за нападот на полициската станица Гошинце и за настаните во Куманово.Во јавноста се појавија информации дека разузнавачи од македонските тајни служби биле вмешани во договарање на инцидентите во Куманово, а се објавија и разговори меѓу Ндрецај и агент од македонските тајни служби.Во инцидентите во Куманово загинаа осуммина полицајци и десетмина припадници на вооружената група.Судскиот совет за оценка обвинението треба да одлучи дали ќе го прифати обвинителниот акт против групата./крај/мф/ффс